క్రిస్మస్ సందేశాలు (01) “యోసేపు నిద్రమేలుకొని ప్రభువు దూత తనకు ఆజ్ఞాపించిన ప్రకారముచేసి, తన భార్యను చేర్చుకొని ఆమె కుమారుని కను వరకు ఆమెను ఎరుగకుండెను అతడు ఆ కుమారునికి యేసు అను పేరు పెట్టెను. ' (మత్తయి 1:24,25) మరియ భర్త, నీతిమంతుడు అయిన యోసేపు 1. యోసేపు నీతిమంతుడు. తనకు ప్రధానం చేయబడిన భార్య అయిన మరియ గర్భవతి అని తెలుసుకొని కూడా ఆమెను అవమానపర్చలేదు. నీతిమంతుడు ఇతరులను అవమానపర్చరు. 2. మరియ గర్భం ధరించినది పరిశుద్ధాత్మ వలన యోసేపు తెలుసుకున్నాడు. 3. యోసేపు దేవునికి ఎల్లప్పుడూ విధేయత చూపేవాడు. 4. దేవుడు ఎక్కడికి వెళ్లమంటే అక్కడికి రాత్రి, పగలు అని సాకులు చెప్పకుండా వెళ్లేవాడు. 5. ఎల్లప్పుడూ దేవునికి విధేయత చూపేవాడు 6. యోసేపు ఆశానిగ్రహము కలిగిన వాడు. 7. లోక రక్షకుడు అయిన యేసుక్రీస్తు ప్రభువు పుట్టే వరకు మరియను యోసేపు ముట్టకొనలేదు. 8. యోసేపు తక్కువుగా మాట్లాడేవాడు.. ఎక్కువగా వినేవాడు.. తద్వారా దేవుని దృష్టిలో నీతిమంతుడయ్యాడు. 9. యోసేపు వలె మనము కూడా నీతిమంతులుగా జీవించాలి. ఇతరులు మన పట్ల దురుసుగా ప్రవర్తించినా.. అవమానించినా.. వారి రహస్యాలు బయట పెట్టకూడదు. ఇతరులు మనకు చెప్పిన రహస్యాలు గొడవ వచ్చినప్పుడు బయట పెట్టకూడదు. ఎందుకంటే నీతిమంతుడు ఇతరుల రహాస్యాలను దాస్తాడు. 10. యోసేపు వలె మనము కూడా దేవునికి ఎల్లప్పుడూ విధేయత చూపిస్తే మన జీవితాల్లో గొప్ప కార్యాలు చూడగలము. 11. యోసేపు వలె మనము కూడా ఆశానిగ్రహము కలిగి ఉండాలి. ఆశానిగ్రహము ఉంటే శరీర సంబంధమైన కోరికలను జయించగలము 12. మనం కూడా తక్కువగా మాట్లాడి.. ఎక్కువుగా వినే వారిగా ఉంటే ఆత్మీయంగా బహు బలంగా తయారవ్వగలం. Bible Reading మత్తయి 1:18-25#✝జీసస్