శ్రీ మహాచండీ దేవి : ఆశ్వయుజ శుద్ధ షష్ఠి, ఆదివారము, ది. 28-09-2025 మాతర్మే మధుకైటభఘ్ని మహిషప్రాణాపహారోద్యమే హేలానిర్మిత ధూమ్రలోచన వధే హేచండముండార్దిని | నిశ్శేషీకృత రక్తబీజ దనుజే నిత్యే నిశుంభావహే శుంభద్వంసిని సంహరాశు దురితం దుర్గే - నమస్తే అంబికే ॥ శరన్నవరాత్రి మహోత్సవములలో శ్రీకనకదుర్గమ్మవారు శ్రీ మహాచండీ దేవి గా దర్శనమిస్తారు. నేడు అమ్మవారిని ఎర్రటి వస్త్రాలతో, ఆభరణాలతో అలంకరిస్తారు. సింహ వాహనాన్ని అమరుస్తారు. ఈ రోజున అమ్మ‌వారు సింహం భుజ‌ముల‌పై భీష‌ణంగా కూర్చొని త‌న ఎనిమిది చేతుల యందు వివిధ ర‌కాల ఆయుధాల‌ను ద‌రించి, రాక్ష‌స సంహారం గావించి లోక క‌ళ్యాణం జ‌రిపించిన దివ్య‌మైన రూపంతో భ‌క్తుల‌కు సాక్షాత్క‌రిస్తుంది. పంచ‌మి ప‌ర్వ‌దినం రోజున చండీ పారాయ‌ణం, చండీ యాగం చేస్తారు. పులగం నైవేద్యం గా సమర్పిస్తారు. ఈ రోజు మహాచండీని భక్తిశ్రద్ధలతో పూజించిన వారికి దైహిక, మానసిక శక్తియుక్తులు, కీర్తి ప్రతిష్ఠలు లభిస్తాయని విశ్వసిస్తారు. #☀️శుభ మధ్యాహ్నం #🙏🏻ఆదివారం భక్తి స్పెషల్ #🌼ఆదివారం స్పెషల్ విషెస్ #🔥శ్రీ మహాచండీ దేవి🦅 #🙏హ్యాపీ నవరాత్రి🌸