അനുരാഗം 6️⃣1️⃣ " സിദ്ധു ഏട്ടൻ തനി മൊരടൻ തന്നെട്ടൊ... ഒട്ടും റൊമാന്റിക് അല്ല.... " കണ്മണി പിണക്കത്തോടെ പറഞ്ഞു.... " അതിന് ഓപ്പോസിറ് ഉള്ള ആളെ കണ്ടാൽ റൊമാന്റിക് വരണ്ടേ.... അതിന് ആ പൗർണമി... അവളെ കണ്ടാൽ തന്നെ.... " " മതി..... " കണ്മണി കെറുവിച്ചു കൊണ്ടു അകത്തേക്ക് ചവിട്ടി കുലുക്കി നടന്നു.... ആ പോക്ക് കണ്ടു സിദ്ധു കുലുങ്ങി ചിരിച്ചു.... സിദ്ധുവിന്റെ അച്ഛനും അമ്മയും വന്നതും കണ്മണി ഭാമ ടീച്ചർക്ക് പിറകെ തന്നെയായി... കോളേജിലെ വിശേഷങ്ങളും സസ്പെൻഷൻ കിട്ടിയതും എല്ലാം വള്ളി പുള്ളി വിടാതെ പറഞ്ഞു കൊടുക്കുന്നുണ്ട്.... സിദ്ധു അവളെ പാളി നോക്കി... ഒരു നോട്ടം കൊണ്ടു പോലും അവൾ ഗൗനിക്കുന്നില്ല.... അവന്റെ മുഖം താനെ വീർത്തു.... ഭക്ഷണം കഴിച്ചതും സിദ്ധു മുറിയിലേക്ക് പോയി കിടന്നു.... രാവിലെ മുതൽ ഉറങ്ങിയത് കൊണ്ടു കണ്മണിക്ക് ഉറക്കം വന്നില്ല... അവൾ ഹാളിൽ ടി വി യിൽ സിനിമ വെച്ച് കണ്ടു...... സിനിമ മുഴുവൻ കഴിഞ്ഞാണ് കണ്മണി മുറിയിലേക്ക് ചെന്നത്... സിദ്ധു നല്ല ഉറക്കം പിടിച്ചു എന്ന് തോന്നി... " ദുഷ്ടൻ... എന്നെ കണ്ടാൽ റൊമാൻസ് വരില്ലെന്ന്..... " മുഖം കൊണ്ടു കോക്രി കാണിച്ചു കൊണ്ട് അവൾ ബെഡിൽ കിടന്നു.... രണ്ടു ദിവസം കണ്ണടച്ച് തുറക്കും പോലെ കടന്നു പോയി..... " സിദ്ധു മോളെയും കൂട്ടി അവളുടെ വീട് വരെ പോയി വാ..... " സേതു മാഷ് പറഞ്ഞതും കണ്മണി ഒന്ന് ഞെട്ടി സിദ്ധുവിനെ നോക്കി... സസ്പെൻഷന്റെ കാര്യം എങ്ങാനും പറഞ്ഞാൽ.... " അമ്മേ..... " കണ്മണി ദയനീയമായി ഭാമ ടീച്ചറേ വിളിച്ചു.... " പോയിട്ട് വാ... ഇവിടെ വരെ വന്നിട്ട് വീട് വരെ പോയില്ലെങ്കിൽ മോശമല്ലേ..... " ഇന്നലെയും അമ്മ വിളിച്ചപ്പോൾ വരാൻ പറഞ്ഞതാണ്.... " പോയി വാ മക്കളെ... അവിടെ ആർക്കും അറിയില്ലല്ലോ സസ്പെൻഷൻ കിട്ടിയതാണെന്ന്..... സിദ്ധു ഒട്ട് അത് പറയുകയുമില്ല.... " സേതു മാഷ് പറയുമ്പോൾ സിദ്ധുവിനെ കണ്മണി ഒന്ന് പാളി നോക്കി..... പിന്നെ എല്ലാത്തിനും അവൾക്കൊരു തിടുക്കമായിരുന്നു.... വേഗം നല്ലൊരു ചുരിദാർ എടുത്തിട്ട് ഷാൾ കഴുത്തിലൂടെ വെറുതെ പിറകിലേക്ക് ഇട്ടു.... മുടി ചീകി വിടർത്തി ഇട്ടു... സിദ്ധുവിന്റെ ഒരു ഷർട്ടും പാന്റും ഇന്നറും ഒരു ബാഗിലാക്കി.... അമ്മയോടും അച്ഛനോടും യാത്ര പറഞ്ഞു ഇറങ്ങി..... " നല്ല സന്തോഷത്തിലാണല്ലോ...." സിദ്ധു ഡ്രൈവ് ചെയ്യുന്നതിനിടെ പറഞ്ഞു.... " ചെറുതായിട്ട്..... " കണ്മണി ചെറുങ്ങനെ ചിരിച്ചു കൊണ്ടു പറഞ്ഞു.... വഴിയിൽ നിർത്തി ഇത്തിരി ബേക്കറിയും ഫ്രൂട്സും വാങ്ങിയാണ് അവർ പോയത്.... മണ്ണിട്ട വഴിയും കടന്നു കൽ വിരിച്ച പാതയിലേക്ക് കയറുമ്പോൾ കണ്മണിക്ക് വല്ലാത്തൊരു സന്തോഷം.... മുറ്റത്തു വന്നു ഇറങ്ങുമ്പോൾ മണ്ണിന്റെ മണവും നനുത്ത കാറ്റും സുഖമുള്ള അനുഭൂതി നൽകി.... " കനി മോളെ..... " ദീപ്തി അകത്തു നിന്നും ഓടി ഇറങ്ങി മകളെ കെട്ടിപിടിച്ചു ഉമ്മ വെച്ചു.... " വാ മോനെ.... " സിദ്ധുവിനെ സ്നേഹത്തോടെ അകത്തേക്ക് വിളിച്ചു... പിറകെ മാധവൻ മാഷും വല്ല്യച്ഛനും വല്യമ്മയും അച്ഛമ്മയും ഇറങ്ങി വന്നു.... കണ്മണി വല്യമ്മക്ക് ഒരു ഉമ്മയും കൊടുത്തു അച്ഛമ്മയെ കെട്ടിപിടിച്ചു ആ ചുളിഞ്ഞ കവിളിൽ അമർത്തി മുത്തി..... സിദ്ധുവും അച്ഛമ്മയെ കെട്ടിപിടിച്ചു.... വിശേഷം പറച്ചിൽ അവസാനിക്കും മുന്നേ ഓപ്പയും അമ്മാവനും ശ്രീയും കല്ലുവും എത്തി.... " ചേച്ചി..... " കണ്മണി കല്യാണിയെ പോയി ഓടി കെട്ടിപിടിച്ചു.... " ചേച്ചി തടിച്ചു ഒന്നൂടെ സുന്ദരിയായി.... " കല്ല്യാണിയെ കെട്ടിപിടിച്ചു കൊണ്ട് തന്നെ അവളുടെ മുഖത്തു നോക്കി പറഞ്ഞു.... " എന്റെ കൂടെ പിടിച്ചു നിൽക്കണ്ടേ.... " ശ്രീ കൗണ്ടർ അടിച്ചു.. " ഓപ്പക്ക് നല്ലത് വല്ലോം കൊണ്ടു വരാർന്നില്ലേ...... ". അകത്തേക്ക് കയറുന്നതിനിടെ കണ്മണി ചോദിച്ചു.... " നല്ലതോ... അതെന്താ.... " ഓപ്പ അവളെ നോക്കി.... "അല്ല ഈ ചളിയെ ഒക്കെ എന്തിനാ കൂടെ കൊണ്ടു വന്നത്........" കണ്മണി ചോദിച്ചു... ശ്രീ അവളെയൊന്ന് ഇരുത്തി നോക്കി... " ചേലോരൊക്കെ സിനിമ.... " ശ്രീ പറഞ്ഞു തുടങ്ങിയതും " ശ്രീയേട്ടാ.... മുത്തേ.... " കണ്മണി പ്രത്യേക ടോണിൽ വിളിച്ചു കൊണ്ടു ശ്രീയെ കെട്ടിപിടിച്ചു.... സിദ്ധുവിന് ചിരി വരുന്നുണ്ട്..... " സിദ്ധു.... " ശ്രീ ചെന്നു സിദ്ധുവിന്റെ കൈ പിടിച്ചു... ഓരോ വിശേഷങ്ങൾ പറഞ്ഞു സിദ്ധുവും ശ്രീയും പൂമുഖത്തിരുന്നു.... കല്യാണിയും കണ്മണിയും അടുക്കളയിൽ ഇരുന്നു ഓരോന്ന് പെറുക്കി തിന്നും വിശേഷം പറയലുമായിരുന്നു.... " ഇത് ആ പിള്ളേർക്ക് കൊടുക്ക്.... " ഇത്തിരി ഫ്രൂട്സ് കഴുകി പാത്രത്തിലാക്കി വെച്ചു കൊടുത്ത് വല്യമ്മ പറഞ്ഞു..... കല്ല്യാണി അതെടുത്തു മുന്നേ നടന്നു... പിന്നാലെ കണ്മണിയും..... അതും അവർക്ക് മുന്നിൽ വെച്ചു കണ്മണിയും കല്യാണിയും തിണ്ണയിൽ ഇരുന്നു.... " എന്ന് തീരും നിന്റെ സസ്.... " ശ്രീ ചോദിച്ചു.... " തിങ്കളാഴ്ച... " വെളുക്കെ ചിരിച്ചവൾ...... " ഇനിയെങ്കിലും..... " ശ്രീ പറഞ്ഞു തീർക്കും മുന്നേ കണ്മണി കൂപ്പ് കയ്യോടെ തൊഴുതു..... " ഇനി ഇല്ലെയ്‌... ഞാൻ നന്നായി.... " " കണ്ടറിയാം.... " സിദ്ധു അങ്ങിങ്ങു നോക്കി പറഞ്ഞതും ശ്രീയും കല്യാണിയും ഉറക്കെ ചിരിച്ചു.... കണ്മണി മുഖം കോട്ടി..... വൈകുന്നേരം കുളിച്ചു ഒരു ദാവണിയും ഉടുത്തു മുടിയും വിടർത്തിയിട്ട് താഴേക്ക് ഇറങ്ങി.... അവളെ കാണെ വല്ലാത്തൊരു ഐശ്വര്യം... തുളസി കതിര് പോലെ രണ്ടു പെൺകുട്ടികൾ...... കാവിൽ വിളക്ക് വെച്ചു പ്രാർത്ഥിച്ചവർ..... തിരികെ വീട്ടിലേക്ക് വന്നു നാമം ജപിച്ചു.... സിദ്ധുവിന് ഇതൊക്കെ ഒരു കൗതുകമാണ്..... രാത്രിയിൽ മട്ടുപാവിലെ ചാരുപടിയിൽ ഇരിക്കുകയായിരിന്നു സിദ്ധുവും ശ്രീയും.... വയലും പുഴയും തെങ്ങും തോപ്പും നല്ല നിലാവിൽ കാണാൻ നല്ല ഭംഗി.... " എന്താ ഇവിടെ പരിപാടി... വെള്ളമടിയാണോ....? " കണ്മണി ശ്രീയുടെ പുറകിൽ വന്നു എത്തി വലിഞ്ഞു നോക്കി പറഞ്ഞു..... ശ്രീ അവളെ ഒന്ന് നോക്കി.... പിന്നെ ചെവിയിൽ പിടിച്ചു..... " വേണ്ടാത്തത് മാത്രേ കയ്യിലുള്ളൂ..... " ശ്രീ ചെവി പിടിച്ചു തിരിച്ചു.... വിട് ശ്രീയേട്ടാ വേദനിക്കുന്നുണ്ട്..... ശ്രീ അവളുടെ ചെവിയിലെ പിടുത്തം വിട്ട് തോളിൽ കയ്യിട്ടു..... " ന്റെ ചെവി.... " ചെവി പിടിച്ചു തിരുമ്മിയവൾ..... " നിന്നെ എങ്ങനെ സഹിക്കുന്നു ഈ ചെക്കൻ.... " " എന്റെ വിധി.... ". സിദ്ധു ചിരിച്ചു പറഞ്ഞു..... കണ്മണിയുടെ മുഖം കൂർത്തു ശ്രീ ഫോൺ ബെല്ലടിച്ചതും കണ്മണിയുടെ തോളിലെ കൈ എടുത്തു കാൾ അറ്റൻഡ് ചെയ്തു ഇത്തിരി മാറി നിന്നു..... അരികിൽ നിൽക്കുന്നവളെ ഒന്ന് നോക്കി സിദ്ധു... പിന്നെ ഒറ്റ വലിയായിരുന്നവളെ.... കറക്റ്റ് അവന്റെ മടിയിൽ വന്നിരുന്നവൾ..... കണ്മണി അവനെ നോക്കി.... അത്രേം പ്രണയത്തോടെ... സിദ്ധു ഒറ്റ പുരികം ഉയർത്തി അവളെ നോക്കി..... വെറുതെ അവന്റെ മുഖത്തൂടെ വിരലോടിച്ചവൾ.... " ഒതുങ്ങി ഇരിക്ക് കണ്ണേ.... " സിദ്ധു മുഖം വെട്ടിച്ചു പറഞ്ഞു.... കണ്മണി ചിരിയോടെ അവനെ കെട്ടിപിടിച്ചു അവന്റെ കഴുത്തിലേക്ക് മുഖം പൂഴ്ത്തി.... സിദ്ധുവിന് ശരീരത്തിലൂടെ തരംഗം കടന്നു പോകും പോലെ തോന്നി.... " ഉമ്മ തരോ.... " കണ്മണി കഴുത്തിൽ ചുണ്ടുരച്ചു ചോദിച്ചു.... " മ്മ്...ഹ്ഹ്ഹ്.... " സിദ്ധു അവളെ ഒന്ന് മുറുകെ പിടിച്ചു കൊണ്ടു ഇല്ലെന്ന് പറഞ്ഞു..... കണ്മണി അവന്റെ കഴുത്തിൽ ഉമ്മ വെച്ചു... സിദ്ധുവിന്റെ നെഞ്ചിൽ ആകെ പഞ്ചാരി മേളം..... " തരോ.... " കണ്മണി ചോദിച്ചു.... സിദ്ധു വല്ലാത്തൊരു ആലസ്യത്തിലായിരുന്നു..... നെഞ്ചിൽ അമരുന്ന പഞ്ഞികെട്ടും കഴുത്തിലേക്ക് മുഖം പൂഴ്ത്തിയ പെണ്ണും ഏതൊരു ആണിന്റെയും വികാരം ആളി കത്തിക്കാൻ പാകത്തിന്..... " ഒരു ഉമ്മ.... ". കണ്മണി അവന്റെ കഴുത്തിലൂടെ ചുണ്ടുകൾ ഇഴയിച്ചു കൊണ്ടു ചോദിച്ചു..... " മ്മ്... ഹ്.... " സിദ്ധുവിന് മൂളാൻ പോലും കഴിഞ്ഞില്ല..... നിഷേധാർത്ഥത്തിൽ തലയാട്ടി.... കണ്മണി അവന്റെ കഴുത്തിൽ നാവ് ചുഴറ്റി.... സിദ്ധു അവളെ അള്ളി പിടിച്ചു.... അവനിലെ മാറ്റം ഇത്തവണ കണ്മണി നന്നായി അറിഞ്ഞു.... അവൾ അവിടെ പല്ലുകൾ ആഴ്ത്തി.... " ഒരു ഉമ്മ.... " കണ്മണി വീണ്ടും ചോദിച്ചു.... സിദ്ധു ഒന്നും പറഞ്ഞില്ല.... കണ്മണി കഴുത്തിൽ നിന്നും മുഖം ഉയർത്തി നോക്കി.... അവന്റെ കണ്ണിൽ പ്രണയത്തിളക്കം.... കണ്മണി അവന്റെ നെറ്റിയിൽ നേർമയിൽ ചുംബിച്ചു.... കണ്ണുകളിൽ... കവിളിൽ.... സിദ്ധു എല്ലാം ഏറ്റുവാങ്ങി..... ഒടുവിൽ ചുംബന ചൂട് തേടുന്ന അവന്റെ ചുണ്ടിലവൾ ചുണ്ട് ചേർത്തു.... സിദ്ധുവിന്റെ കണ്ണുകൾ കൂമ്പിയടഞ്ഞു..... കണ്മണി അത് പതിയെ ഒന്ന് നുണഞ്ഞു വിട്ടതും സിദ്ധുവിന്റെ കൈകളുടെ മുറുക്കം കൂടി.. കണ്മണി വല്ലാത്തൊരു സുഖം തോന്നി... പഞ്ഞി കെട്ട് പോലെ... അവളൊന്നു മൃദുവായി കടിച്ചു.. വീണ്ടും പതിയെ പതിയെ നുണഞ്ഞു..... അവരെ ഭക്ഷണം കഴിക്കാൻ വിളിക്കാൻ വേണ്ടി വന്ന കല്ല്യാണി ആ കാഴ്ച കണ്ടതും മുഖം പൊത്തി തിരിഞ്ഞു...... ഇടച്ചത് മറ്റൊരുവന്റെ നെഞ്ചിലാണ്.... ശ്രീ അവളെ നോക്കി പുരികം ഉയർത്തി... കല്ല്യാണി നാണത്തോടെ പിറകിലേക്ക് ചൂണ്ടി.... പരിസരം മറന്നു ചുംബിക്കുന്നവർ... ശ്രീയൊരു ചിരിയോടെ അവരെ നോക്കി കല്യാണിയുമായി താഴേക്ക് ഇറങ്ങി..... കാത്തിരിക്കുക.... പാസ്ററ് ബോർ ആവുന്നുണ്ടോ... പാസ്ററ് ഒരു എട്ടൊ പത്തോ പാർട്ട്‌ കൂടെ ഉണ്ടാകും.... സ്നേഹത്തോടെ ദേവശ്രീ.... #📙 നോവൽ #📝 ഞാൻ എഴുതിയ വരികൾ #💞 പ്രണയകഥകൾ #📔 കഥ