അനുരാഗം 5️⃣8️⃣ " എങ്ങോട്ടാ തള്ളി കയറി വരുന്നത്.... പ്രിൻസിപ്പലിനെ കണ്ട് ക്ലാസ്സിൽ കയറിയാൽ മതി..... " നേരം വൈകിയത് കൊണ്ടു ഓടി പിടച്ചു ക്ലാസ്സിലേക്ക് വന്നതാണ് കണ്മണിയും കൂട്ടരും.... പോൾ സാറിന്റെ ക്ലാസ്സ്‌ ആയിരുന്നു... " അതെന്താ സാറെ പുതിയൊരു ആചാരം....? " കണ്മണി ചോദിച്ചു... " ഇത് ഇത്തിരി പഴയ ആചാരമാണ്... നിങ്ങള് ചെല്ല്... " പോൾ സാർ അവരോട് പറഞ്ഞു.... " പത്തു മിനിറ്റ് പോലും വൈകിട്ടില്ല... പിന്നെ എന്തിനാ പ്രിൻസിയെ കാണുന്നത്...... " ദേവിക ചോദിച്ചു.... " അതോ പ്രിൻസിക്ക് ഏതോ സിനിമാ കഥ കേൾക്കാനാണെന്ന തോന്നുന്നത്.... " പോൾ സാർ അർത്ഥം വെച്ച് പറഞ്ഞതും നാലും കിടുങ്ങി... പരസ്പരം നോക്കി.... എല്ലാത്തിനും ഉള്ളിലൊരു വിറയൽ.... സസ്പെൻഷൻ എങ്ങാനും ആണെങ്കിൽ തീർന്നു.... പ്രിൻസിയുടെ മുറിയിലേക്ക് നടക്കാൻ ഭയന്നുകൊണ്ടു നാലുപേരും അവിടെ നിന്നു.... " എന്തായാലും വരുന്നിടത്തു വെച്ച് കാണാം... വാ... " ജാസ്മിൻ മുന്നോട്ട് നടന്നു കൊണ്ടു പറഞ്ഞു..... " മെ ഐ...? " ജാസ്മിൻ തന്നെ ഡോർ തുറന്നു കൊണ്ടു ചോദിച്ചു.... ആനന്ദ് സാറും പിറകെ മാട്രനും കയറി വന്നു.... പ്രിൻസിപ്പൽ അവർക്ക് തന്റെ മുന്നിലെ ലാപ്ടോപ് തുറന്നു ഒരു വീഡിയോ കാണിച്ചു കൊടുത്തു.... നാലു പേരുടെയും കണ്ണുകൾ പുറം തള്ളി... പഠിക്കുന്ന കോളേജിന്റെ പേരും സബ്ജെക്റ്റും ഇയറും വ്യക്തമായി പറഞ്ഞു കൊണ്ടുള്ള വാർത്ത..... " എന്ത്‌ പറയുന്നു...? " പ്രിൻസി അവരെ നോക്കി ചോദിച്ചു.... ആരും ഒന്നും പറഞ്ഞില്ല... " അല്ല ഇനി ഇത് നിങ്ങളല്ല.. വല്ല എ ഐ ആണെന്ന് പറയോ...? " പ്രിൻസിപ്പൽ നാലുപേരെയും ഒന്ന് നോക്കി.... മുന്നിലെ ലെറ്റർ അവർക്ക് നേരെ നീട്ടി... " കോളേജിലേക്ക് കൃത്യമായി വരാതിരിക്കുക, ക്ലാസ്സ്‌ കട്ട്‌ ചെയ്തു പുറത്ത് പോകുക, പുറത്ത് പോയിട്ട് വലിയൊരു ഇഷ്യൂ ഉണ്ടാക്കുക, എട്ട് മണിയായിട്ടും ഹോസ്റ്റലിൽ കയറാതെ ഇരിക്കുക... മെസ്സിൽ നിന്നും ഭക്ഷണം കഴിക്കാതിരിക്കുക.... ഇതെന്താ നിങ്ങളുടെ തറവാടോ.... നിങ്ങൾക്ക് തോന്നിയത് പോലെ ഒന്നും ഇവിടെ നടക്കില്ല.... എന്തായാലും മക്കള് ഏഴു ദിവസം വീട്ടിൽ പോയി നിൽക്ക്..... കാണാനുള്ള സിനിമയൊക്കെ കണ്ട് തീർത്തു, നല്ലൊരു കറക്കവും കഴിഞ്ഞു പതിയെ വന്നാൽ മതി.... പിന്നെ വീണ്ടും വരുമ്പോൾ പേരെന്റ്സിനെയും കൊണ്ട് വരണം.... " പ്രിൻസി പറഞ്ഞു.... " സർ കണ്മണി, ആ കുട്ടി സിദ്ധാർഥ് സർ വരുന്നത് വരെ ഹോസ്റ്റലിൽ തന്നെ നിന്നോട്ടെ...." വാർഡൻ പറഞ്ഞു..... "ശരി... മറ്റു മൂന്നുപേരുടെയും വീട്ടിലേക്ക് ഇൻഫോം ചെയ്‌തോളൂ...." ആനന്ദ് സാറിനെ നോക്കി പറഞ്ഞു.... " എടി പെരേല് അറിഞ്ഞ വാപ്പച്ചി സീനാക്കും... ന്റെ പഠിപ്പ് തന്നെ നിർത്തും... പേടിയായിട്ടും പാടില്ല.... " ജാസ്മിൻ കണ്മണിടെ കൈ പിടിച്ചു കുലുക്കി കൊണ്ടു പറഞ്ഞു.... " ആർക്കാടി പേടി ഇല്ലാത്തത്.... നീ നേരത്തെ പറഞ്ഞത് പോലെ എല്ലാം വരുന്നിടത്തു വെച്ച് കാണാം.... " ജാസ്മിനും ദേവികയും അശ്വതിയും ഹോസ്റ്റലിൽ നിന്നും ഇറങ്ങിയപ്പോൾ കണ്മണി ഒറ്റക്ക് ആ മുറിയിലിരുന്നു.... കണ്മണിക്ക് മനസ്സിലൊരു കല്ല് കയറ്റി വെച്ച ഭാരം തോന്നി... സസ്പെൻഷന്റെ കാര്യം സിദ്ധു ഏട്ടൻ അറിഞ്ഞാൽ ഉണ്ടാകുന്ന പുകില് ഓർത്ത് കണ്മണിടെ നെഞ്ച് ഉരുകി.... അവൾ വേഗത്തിൽ ഫോൺ എടുത്തു ശ്രീയെ വിളിച്ചു.... " പറ കനിമോളെ.....? " " ശ്രീയേട്ടാ അതില്ലേ എനിക്ക്.... എനിക്ക് ചെറുതായിട്ട് ഒരു സസ്പെൻഷൻ കിട്ടി.... " മറുപുറത്ത് ഉയർന്ന ചിരി.... " സന്തോഷമായി.... ഇന്നലേം കൂടെ ഓർത്തെ ഉള്ളൂ എന്താ ഇതൊന്നും ഇല്ലാത്തതെന്ന്... അപ്പൊ എന്റെ ഭാര്യ പൊട്ടത്തി പറയാ നിനക്ക് വിവരം വെച്ചു... പക്വത വന്നു... ഇനി കുട്ടി കളിക്കൊന്നും കിട്ടില്ലാ ന്ന്... ഞാൻ ഇതൊന്നു അവളെ വിളിച്ചു പറയട്ടെ.... " " ശ്രീയേട്ടാ.... " കണ്മണി പല്ല് കടിച്ചു അമറി.... " എന്താ...? " ശ്രീ ചോദിച്ചു... " ഇതൊരു മാതിരി പ്രാണവേദനക്കിടയിൽ വീണ വായിക്കരുത്...." " എന്റെ കനി നിന്റെ ചേച്ചി നിന്നെ പറ്റി ഇന്നലെ ഇവിടെ പുകഴ്ത്തിയത് നീയൊന്ന് കേൾക്കണം... അവളുടെ അനിയത്തിയെ കുറിച്ച് അവൾക്ക് നന്നായി അറിയാം എന്ന്.... പക്ഷേ എന്റെ പൊന്നിൻ കുടത്തെ കുറിച്ചു ഈ ശ്രീയേട്ടന് അറിയാം എന്ന് പറഞ്ഞ അവള് സമ്മതിക്കില്ല...." " ഓഹ്... അപ്പൊ രണ്ടും കൂടെ ഇരുന്നു പറഞ്ഞു പറഞ്ഞു എനിക്ക് കിട്ടിയ സസ്പെൻഷൻ ആണല്ലേ ഇത്.... " കണ്മണി മുഖം വീർപ്പിച്ചു പറഞ്ഞു... " ദേ ഇപ്പൊ എങ്ങനെ ഇരിക്കണ്..... നിന്റെ കയ്യിലിരുപ്പിന് സസ്‌പെൻഷൻ കിട്ടിയതിനു ഞങ്ങടെ നെഞ്ചത്തൊട്ട് വാ ഇനി.... " " ശ്രീയേട്ടാ... അതൊന്നും അല്ല ഉണ്ടായത്.... " ഉണ്ടായത് മുഴുവൻ കണ്മണി വിവരിച്ചു... " സിദ്ധു എന്ന് വരും.... " " നാളെ.... " " നാളെ അവനോട് പറഞ്ഞു നീ ഇങ്ങ് പോര്.... " " മ്മ്.... " കണ്മണി മൂളി... " കനി മോളെ... ഇതുവരെ നീ ചെയ്യുന്നതെല്ലാം ഏട്ടന് ഒരു കുസൃതിയയെ തോന്നിട്ടള്ളൂ... നീ ഓരോ തവണ എന്നെ അവിടെ വരുത്തുമ്പോഴും ഞാൻ അതൊക്കെ ഒരു രസമായി കണ്ടു.... എന്റെ പെങ്ങള് എത്ര കുറുമ്പ് കാട്ടിയാലും നല്ല അക്കാദമിക്ക് മികവുള്ളവളാണെന്ന് അഭിമാനം ആയിരുന്നു.... ഈ കാര്യങ്ങൾ എല്ലാം നമ്മുക്ക് രണ്ടു പേർക്കും കല്ലുവിനും മാത്രമേ അറിയൂ... പക്ഷേ... സിദ്ധുവിന് അങ്ങനെ ആയിരിക്കില്ല... അവന്റെ ഭാര്യയാണ് ഇങ്ങനെ സസ്പെൻഷൻ വാങ്ങി ഇരിക്കുന്നത്... സഹപ്രവർത്തകരുടെയും കുട്ടികളുടെയും ഒക്കെ മുന്നിൽ അവനൊരു നാണക്കേട് ആയിരിക്കും.... മനസ്സിലാവണ്ണ്ടോ നിനക്ക്... " ശ്രീ ചോദിച്ചു.... " ഞാൻ... ഞാൻ അങ്ങനെയൊന്നും ചിന്തിച്ചില്ല ഏട്ടാ... പിന്നെ ഇത് ഇങ്ങനെ ഒക്കെ ആവുമെന്ന് കരുതിയില്ല.... " " പോട്ടെ... ഏട്ടന്റെ കുട്ടി വിഷമിക്കണ്ട.... ഞാൻ ഇന്ന് വരണോ...? " അവളുടെ സ്വരം മാറിയതും ശ്രീക്ക് ആദി തോന്നി..... " ഹേയ് വേണ്ടാ ശ്രീയെട്ടാ.... ഞാൻ സിദ്ധു ഏട്ടൻ വന്നിട്ട് വരാം.... ഞാൻ ഒക്കെ ആണ്.... " കണ്മണി ചിരിച്ചു കൊണ്ടു പറഞ്ഞു.... ഫോൺ കട്ട്‌ ആയതും കണ്മണി വേഗം സിദ്ധുവിനെ വിളിച്ചു... അവൻ കാൾ എടുത്തില്ല.... വീണ്ടും വിളിച്ചു.... " എന്താ...? " സിദ്ധുവിന്റെ ഗൗരവം ഊറിയ സ്വരം.... " എനിക്ക് സസ്പെൻഷൻ കിട്ടി.... " ഒറ്റ ശ്വാസത്തിൽ പറഞ്ഞു.... " വേറെ എന്തെങ്കിലും പറയാനുണ്ടോ...? " സിദ്ധു ഗൗരവം വിടാതെ പറഞ്ഞു.... ഓഹോ എന്നൊരു ഭാവം അവൾക്ക്..... " സിദ്ധു ഏട്ടൻ വല്ലതും കഴിച്ചോ...? " " ഇല്ല... നീ വന്നു വാരി തരാൻ കാത്തിരിക്കാ.... " സിദ്ധു അമർഷം ഉള്ളിലൊതുക്കി പറഞ്ഞു.... " നാളെ രാവിലെ വരില്ലേ... അപ്പൊ വാരി താരവേ.... " കണ്മണി ചിണുങ്ങി കൊണ്ടു പറഞ്ഞു.... " വച്ചിട്ട് പോടീ.... " സിദ്ധു ഒറ്റ ചാട്ടം... " ഇതിലൊന്നും കണ്മണി പേടിക്കില്ല ട്ടൊ... " മറുപടി പറയാതെ സിദ്ധു ഫോൺ കട്ടാക്കി.... അവന്റെ ഉള്ളിലെ സംഘർഷം അപ്പോഴും കെട്ടടങ്ങിയില്ല.... അവൻ ഫോണിലേക്ക് നോക്കി... " തല്ലുകൊള്ളി... ഞാൻ അങ്ങോട്ട് വരട്ടെ... വെച്ചിട്ടുണ്ട് നിനക്ക്.... " വാൾ പേപ്പറിലെക്ക് നോക്കി പറഞ്ഞവൻ.... ഏകാന്തത ഇത്രയേറെ വിരസത നൽകുമെന്ന് തിരിച്ചറിഞ്ഞ നിമിഷമായിരുന്നവൾക്ക്...... ഒരു ദിവസം കടന്നു പോകാൻ ഇത്രയും സമയം വേണ്ടി വന്നത് ആദ്യമായാണ്.... കണ്മണി വേഗത്തിൽ എഴുന്നേറ്റു കുളിച്ചു റെഡിയായി ബാക്ക് ബാഗും സെറ്റ് ചെയ്തു സിദ്ധുവിന് വേണ്ടി കാത്തിരുന്നു... ഇന്ന് പുലർച്ചെ വന്നു കാണും... ഏത് നിമിഷവും തന്നെ കൊണ്ടു പോകാൻ വരും.... കണ്മണി സിദ്ധുവിന് വേണ്ടിയുള്ള കാത്തിരുപ്പിലായിരുന്നു.... സമയം ഒൻപത് കഴിഞ്ഞു പത്തു കഴിഞ്ഞു.... വീണ്ടും മുന്നോട്ട് നീങ്ങി... ഒരു മണിയും രണ്ടു മണിയും കഴിഞ്ഞു... സിദ്ധുവിനെ ഇടയ്ക്കിടെ വിളിച്ചു നോക്കിയെങ്കിലും ഫോൺ എടുക്കുന്നില്ല..... ദേഷ്യം കൊണ്ടു സാധനങ്ങൾ നിറച്ച ബാഗ് വലിച്ചെറിഞ്ഞു ബെഡിലേക്ക് കിടന്നവൾ.... " കണ്മണി സിദ്ധാർഥ് സാർ വന്നിട്ടുണ്ട്... താഴേക്ക് വാ... " വാർഡൻ വന്നു വിളിച്ചതും കണ്മണി ബാഗും എടുത്തു ഒറ്റ കുതിപ്പായിരുന്നു.... താഴെ കാറിൽ ഇരിക്കുന്നുണ്ട് സിദ്ധു... അതുവരെയുള്ള പരിഭവം കാറ്റിൽ പറത്തി കണ്മണി കാറിലേക്ക് ഓടി കയറി.... " സിദ്ധു ഏട്ടാ... സിദ്ധു ഏട്ടൻ രാവിലെ വരും എന്ന് കരുതി ഞാൻ കാത്തിരിക്കായിരുന്നു... എന്തെ വരാഞ്ഞെ....? " " നിന്നെ പോലെ സസ്പെൻഷൻ കിട്ടി വീട്ടിലിരിക്കല്ലല്ലോ ഞാൻ... എനിക്ക് ജോലിയുണ്ട്.... " സിദ്ധു ഗൗരവത്തിൽ പറഞ്ഞു.... " അതെനിക്ക് അറിയാലോ.... " അവന്റെ കവിളിൽ വലിച്ചു കൊണ്ടു പറഞ്ഞവൾ... ഒറ്റ നോട്ടമായിരുന്നു സിദ്ധു.... സർവ്വം ചുട്ടെരിക്കാനുള്ള ദേഷ്യത്തിൽ..... " ഓഹ് സോറി.... " കൈ രണ്ടും ഇത്തിരി ഉയർത്തി കൊണ്ടു പറഞ്ഞവൾ... സിദ്ധു അതിന് മറുപടിയൊന്നും പറഞ്ഞില്ല..... കാർ വീടിന്റെ മുന്നിൽ നിർത്തിയതും കണ്മണിക്ക് വിശപ്പ് തുടങ്ങി... ഉച്ചക്ക് പോലും ഒന്നും കഴിച്ചില്ല... സിദ്ധു ഡോർ തുറന്നതും കണ്മണി അടുക്കളയിലേക്ക് ഓടി പോയി നോക്കി.... ഒന്നും തന്നെ ഇല്ല... ഡപ്പകളും കാലിയാണ്.... " ഞാൻ ഇന്ന് ഒന്നും കഴിച്ചില്ല.... " സിദ്ധുവിന്റെ അരികിൽ വന്നു പറഞ്ഞവൾ.... " കഴിക്കായിരുന്നില്ലേ.... ഞാൻ പറഞ്ഞോ കഴിൽക്കേണ്ടന്ന്.... " സിദ്ധു സോഫയിലേക്ക് ഇരുന്നു കൊണ്ടു പറഞ്ഞു... " രാവിലെ മുതൽ സിദ്ധു ഏട്ടനെ കാത്തിരിക്കുന്നതാ... എന്നെ കൊണ്ടു പോകാൻ വരുമെന്ന് കരുതി ഞാൻ ഒന്നും കഴിച്ചില്ല..... " കണ്മണി നിഷ്കളങ്കമായി പറഞ്ഞു.... " വരാഞ്ഞത് കണ്ടപ്പോൾ മനസിലാക്കി കൂടെ.... അപ്പൊ പോയി വല്ലതും കഴിക്കണം.... " " ചെയ്തില്ല.... നമ്മുക്ക് എന്തെങ്കിലും പോയി കഴിക്കാം.... " സിദ്ധുവിന്റെ കയ്യിൽ പിടിച്ചു വലിച്ചവൾ... " കൈ വിട്... ഞാൻ പറഞ്ഞാൽ കേൾക്കാത്തവര് എന്നോട് മിണ്ടാനും എന്നെ തൊടാനും നിൽക്കരുത്... അതെനിക്ക് ഇഷ്ട്ടമല്ല.... " സിദ്ധു ഗൗരവത്തിൽ പറഞ്ഞു.... കണ്മണിക്ക് നേരിയ ഭയം തോന്നി... " പ്ലീസ് സിദ്ധു ഏട്ടാ.... " കണ്മണി കെഞ്ചി.... " നിനക്ക് എന്താടി പറഞ്ഞ മനസ്സിലാവില്ലേ.... തോന്ന്യാസം കാണിച്ചു വെക്കാൻ നല്ല മിടുക്കല്ലേ... വേണേൽ പോയി ഒറ്റക്ക് വാങ്ങി കഴിക്ക്... അല്ലെങ്കിൽ വല്ലതും വെച്ച് ഉണ്ടാക്കിക്കോ.... " സിദ്ധു ദേഷ്യത്തിൽ സോഫയിൽ നിന്നും എഴുന്നേറ്റു.... " സോറി സിദ്ധു ഏട്ടാ.... " കണ്മണി പിന്നാലെ ചെന്ന് പറഞ്ഞു... " നിനക്ക് എന്താടി പറഞ്ഞ മനസ്സിലാവില്ലേ.... സിദ്ധു മുറ്റത്തേക്ക് ഇറങ്ങി ചെമ്പരത്തിയുടെ കമ്പ് ഒരെണ്ണം പൊട്ടിച്ചു അകത്തേക്ക് കയറി.... കയ്യിലെ വടി കണ്ടതും കണ്മണി വിരണ്ടു.... " എന്നെ അടിക്കല്ലേ സിദ്ധു ഏട്ടാ.... " കണ്മണി ഓടി പോയവനെ കെട്ടിപിടിച്ചു.... തന്റെ ശരീരത്തിൽ നിന്നും അവളെ വലിച്ചു മാറ്റി കൈ തണ്ടയിൽ വീശി അടിച്ചവൻ.... വേദന കൊണ്ടു പിടഞ്ഞു പോയ കണ്മണി ഹാളിൽ നിന്നും മുറിയിലേക്ക് ഓടി... ഓടും വഴി സിദ്ധു വീണ്ടും വടി വീശി... അത് നേരത്തെതിലും നന്നായി കയ്യിൽ തട്ടി... സിദ്ധു പോലും പ്രതീക്ഷിക്കാത്ത തരത്തിൽ.... കണ്മണി സ്വർഗം കണ്ട വേദനയിൽ ബാത്‌റൂമിലേക്ക് ഓടി കയറി വാതിലടച്ചു..... സിദ്ധു ദേഷ്യത്തോടെ വടി വലിച്ചെറിഞ്ഞു ഹാളിലെ സോഫയിൽ വന്നു കിടന്നു.... കാത്തിരിക്കുക കൈ ഒക്കെ ആണ്... സ്നേഹം മാത്രം... ❤️ #📙 നോവൽ #📝 ഞാൻ എഴുതിയ വരികൾ #💞 പ്രണയകഥകൾ #📔 കഥ