Happy Bairava Birthday 🎈அஷ்ட பைரவ இரகசியம் ஸோமன் காசி நகரில் பலகால ஆழ்ந்த தவத்துடன் பைரவ ஸாதனை புரிந்தான். ஸாதனையின் முடிவில் பைரவ தரிசனமும் ஆசியும் பெற்று தனது பைரவ ஸாதனையின் குருவான சித்த நாகரை காலாஷ்டமி அன்று (இன்று) சந்திக்கச் சென்றான். மிகுந்த தபஸ்வியான சித்த நாகர் பஞ்சகங்கைக் படித் துறையில் தபஸ் புரிந்து வந்தார். ஸோமனைக் கண்டதும் மிகுந்த வாஞ்சையுடன் புன்னகையால் வரவேற்றார். ஸோமா பைரவப் புரச்சரணம் முடிந்ததா? என்றார். ஸோமன் சாஷ்டாங்கமாக குருவை வணங்கி குருவருளால் நீங்கள் கூறிய விதிமுறைப்படி புரச்சரணம் முடித்தேன் குருவே, பைரவ தரிசனம் கிடைத்தது என்று தான் பெற்ற அனுபவத்தை விபரித்தான் ஸோமன்! அமைதியாகக் கேட்ட சித்த நாகர், நல்லது பைரவ ஸாதனை என்பது பயஹர ஸாதனை, பயத்தை நாசம் செய்யும் சாதனை! மனிதன் அடிப்படையில் பஞ்ச க்லேசங்களான அறியாமை, ஆணவம், விருப்பு, வெறுப்பு, பயம் என்ற இந்த ஐந்தினாலும் தாழ்மனதில் சிக்கி உழல்கிறான், யோகம் புரிந்து சித்தி பெற்ற ஞானிகளுக்கும் பயம் என்பது நீங்குவதில்லை! இந்த பயத்தை நீக்குவதற்கு பைரவ ஸாதனையைத் தவிர வேறு மார்க்கமில்லை! ஒருவனுக்கு பயம் மூன்று காரணிகளால் வரலாம், அதிபௌதீக சக்திகளால், அவனைச் சூழல் உள்ள இயற்கையினால், அதியாத்மீக சக்திகளால் தனக்குள் இருக்கும் மனம், புத்தி குழம்புவதால் உருவாகும் நிலை, இவற்றை யோக சாதனையில் சித்தியடைவதன் மூலம் நீக்கிக்கொள்ளலாம். ஆனால் மூன்றாவதான அதிதெய்வீக ஸக்திகளால் வரும் பயம் ஒருவனிற்குள் காரணமில்லாமல் நுண்மையான சூக்ஷ்ம சக்திகளால் உருவாகும் பயம் இது! இது பைரவ உபாசனையின்றி வெல்ல முடியாது! இதற்குரிய சாதனை அஷ்ட பைரவ சாதனை; இந்த சாதனை ஒருவனுக்கு பூத குலம், வேதாள குலம், பிஸாச குலம், அபஸ்மார குலம், பிரம்ஹ ராக்ஷச குலம், சேடீ குலம், பிரேத குலம், ஸாகினீ குலம் என்று எட்டுவித பயங்களை ஏற்படுத்தும் சூக்ஷ்ம கணங்களைக் கட்டுப்படுத்தி பயத்தை வெல்லும் ஆற்றலைத் தருவது. இதை நான் இன்று இந்த காலாஷ்டமியில் உபதேசிக்கிறேன்! இந்த சாதனையைச் செய்த பின்னர் ஆகாச பைரவர், ஸ்வர்ணாகர்ஷண பைரவ சாதனைகளுடன் மேலும் சில இரகசிய சாதனைகளைச் செய்வாய்! பின்னர் வேதாரண்யம் சென்று சிலகாலம் சாதனை செய்து மகாகுரு அகத்திய மகரிஷி ஆசிபெற்ற பின்னர் யாழ்ப்பாணம் சென்று அங்கு காசியிலிருந்தும், பொன்னம்பலமாகிய சிதம்பரத்திலிருந்து உன்முன்னோர்கள் உருவாக்கிய சிவ சான்னித்தியத்தைப் பாதுகாக்க பைரவ க்ஷேத்திரங்களை ஸ்தாபிப்பாயாக" என்று ஆசி கூறினார். அமைதியாகக் கேட்ட ஸோமன் மீண்டும் சாஷ்டாங்கமாக விழுந்து வணங்கி எழ அருகிலிருந்த புலித்தோல் ஆசனத்தில் அமரும் படி சைகையால் காட்டினார். பின்னர் ஸோமனின் உடலில் ஒவ்வொரு ஆதாச் சக்கரமாகத் தனது கைகளால் தொட்டு மாத்ருகா பைரவ ந்யாசத்தின் மூலம் அஷ்ட பைரவர்களையும், அவர்களுடைய பைரவி சக்திகளையும் ஆவாஹனம் செய்தார். #🙏🪔 கால பைரவர் போற்றி 🪔🙏 #🙏கோவில் #🙏ஆன்மீகம் #🙏 ஓம் நமசிவாய #🖌பக்தி ஓவியம்🎨🙏