ਕਾਲਜ ''ਚ ਹੀ ਹੋ ਗਿਆ ''ਗੰਦਾ ਕੰਮ'', ਕਲਾਸ ''ਚ ਗਈ ਕੁੜੀ ਨੂੰ 3 ਮੁੰਡਿਆਂ ਨੇ ਕਮਰੇ ''ਚ ਲਿਜਾ ਕੇ...ਕੋਲਕਾਤਾ ਦੇ ਆਰ.ਜੀ. ਕਰ ਮੈਡੀਕਲ ਕਾਲਜ 'ਚ ਮਹਿਲਾ ਡਾਕਟਰ ਨਾਲ ਹੋਏ ਜਬਰ-ਜਨਾਹ ਦਾ ਮਾਮਲਾ ਹਾਲੇ ਨਿਬੜਿਆ ਨਹੀਂ ਸੀ ਕਿ ਉੱਥੋਂ ਹੀ ਇਕ ਹੋਰ ਸ਼ਰਮਨਾਕ ਖ਼ਬਰ ਸਾਹਮਣੇ ਆ ਰਹੀ ਹੈ, ਜਿੱਥੇ ਇਕ ਲਾਅ ਕਾਲਜ 'ਚ ਇਕ ਵਿਦਿਆਰਥਣ ਨੂੰ 3 ਨੌਜਵਾਨਾਂ ਨੇ ਹਵਸ ਦਾ ਸ਼ਿਕਾਰ ਬਣਾਇਆ। ਮੁਲਜ਼ਮਾਂ 'ਚੋਂ 2 ਉਸ ਦੇ ਸੀਨੀਅਰ ਵਿਦਿਆਰਥੀ ਸਨ, ਜਦਕਿ 1 ਮੁਲਜ਼ਮ ਕਾਲਜ 'ਚੋਂ ਪਾਸ ਆਊਟ ਹੋ ਚੁੱਕਾ ਨੌਜਵਾਨ ਸੀ।ਪੁਲਸ ਵੱਲੋਂ ਮਿਲੀ ਜਾਣਕਾਰੀ ਮੁਤਾਬਕ ਇਹ ਘਟਨਾ 25 ਜੂਨ ਨੂੰ ਵਾਪਰੀ, ਜਦੋਂ ਉਕਤ ਵਿਦਿਆਰਥਣ ਕਾਲਜ ਗਈ ਸੀ। ਉਸ ਨੂੰ ਇਹ ਤਿੰਨੋਂ ਮੁਲਜ਼ਮ ਆਪਣੇ ਨਾਲ ਕਾਲਜ ਦੇ ਹੀ ਇਕ ਕਮਰੇ 'ਚ ਲੈ ਗਏ ਤੇ ਉਸ ਨਾਲ ਗੰਦੀ ਕਰਤੂਤ ਕੀਤੀ। ਇਸ ਮਗਰੋਂ ਵਿਦਿਆਰਥਣ ਨੇ ਕਸਬਾ ਪੁਲਸ ਸਟੇਸ਼ਨ 'ਚ ਇਕ ਸ਼ਿਕਾਇਤ ਦਰਜ ਕਰਵਾਈ, ਜਿਸ 'ਚ ਉਸ ਨੇ ਤਿੰਨਾਂ ਮੁਲਜ਼ਮਾਂ ਦੀ ਜਾਣਕਾਰੀ ਦਿੱਤੀ। ਇਸ ਮਗਰੋਂ ਪੁਲਸ ਨੇ ਇਨ੍ਹਾਂ ਤਿੰਨਾਂ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਪੁਲਸ ਅਧਿਕਾਰੀਆਂ ਨੇ ਅੱਗੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਮਾਮਲਾ ਹਾਲੇ ਸ਼ੁਰੂਆਤੀ ਪੜਾਅ 'ਚ ਹੈ ਤੇ ਮਾਮਲੇ ਦੀ ਅਗਲੇਰੀ ਜਾਂਚ ਜਾਰੀ ਹੈ। ਫਿਲਹਾਲ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕਰ ਕੇ ਅਦਾਲਤ 'ਚ ਪੇਸ਼ ਕੀਤਾ ਜਾਵੇਗਾ ਤੇ ਪੀੜਤ ਵਿਦਿਆਰਥਣ ਦੇ ਮੈਡੀਕਲ ਟੈਸਟ ਵੀ ਕਰਵਾਏ ਜਾ ਰਹੇ ਹਨ, ਜਿਸ ਮਗਰੋਂ ਮਾਮਲੇ 'ਚ ਅਗਲਾ ਫ਼ੈਸਲਾ ਲਿਆ ਜਾਵੇਗਾ। #😡ਕੋਲਕਾਤਾ: ਕਾਲਜ 'ਚ ਕੁੜੀ ਨਾਲ ਸਮੂਹਿਕ ਜਬਰ ਜਨਾਹ