ବୁଲା କୁକୁର ଏବଂ ଅନ୍ୟାନ୍ୟ ପଶୁମାନଙ୍କ ମାମଲାରେ ସୁପ୍ରିମକୋର୍ଟ ଆଜି ଶୁଣାଇବେ ନିଷ୍ପତ୍ତି। ଜଷ୍ଟିସ ବିକ୍ରମ ନାଥ ଏବଂ ଜଷ୍ଟିସ ସନ୍ଦୀପ ମେହେଟ୍ଟାଙ୍କ ବେଞ୍ଚ ସକାଳ ୧୦.୩୦ ରେ ଏହି ନିଷ୍ପତ୍ତି ଶୁଣାଇବେ। ଅନେକ ଦିନ ଧରି ଚାଲିଥିବା ବିସ୍ତୃତ ଶୁଣାଣି ପରେ ଜାନୁଆରୀ ୨୯ ରେ କୋର୍ଟ ନିଜର ରାୟ ସଂରକ୍ଷିତ ରଖିଥିଲେ।୭ ନଭେମ୍ବର, ୨୦୨୫ ରେ ସୁପ୍ରିମକୋର୍ଟ ସାରା ଦେଶର ଶିକ୍ଷାନୁଷ୍ଠାନ, ହସ୍ପିଟାଲ, ବସ୍ ଡିପୋ, ରେଳ ଷ୍ଟେସନ, ସରକାରୀ କାର୍ଯ୍ୟାଳୟ ଏବଂ ସ୍ପୋର୍ଟସ କମ୍ପ୍ଲେକ୍ସରୁ ବୁଲା କୁକୁରମାନଙ୍କୁ ହଟାଇବା ପାଇଁ କହିଥିଲେ। ଏଥିସହ, ହାଇୱେ ଏବଂ ଏକ୍ସପ୍ରେସୱେରୁ ମଧ୍ୟ ବୁଲା ଗାଈ-ବଳଦମାନଙ୍କୁ ହଟାଇବା ପାଇଁ ନିର୍ଦ୍ଦେଶ ଦେଇଥିଲେ।ଏହା ପୂର୍ବରୁ ୧୧ ଅଗଷ୍ଟରେ ଜଷ୍ଟିସ ଜେ ବି ପାର୍ଦୀୱାଲା ଏବଂ ଆର ମହାଦେବନଙ୍କ ବେଞ୍ଚ କୁକୁର କାମୁଡ଼ା ଘଟଣାଗୁଡ଼ିକ ଉପରେ କଡ଼ା ଆଭିମୁଖ୍ୟ ଗ୍ରହଣ କରି ଦିଲ୍ଲୀ, ନୋଏଡା, ଗାଜିଆବାଦ, ଗୁରୁଗ୍ରାମ ଏବଂ ଫରିଦାବାଦର ସମସ୍ତ ବୁଲା କୁକୁରମାନଙ୍କୁ ସେଲ୍ଟର ହୋମ୍‌ (ଆଶ୍ରୟସ୍ଥଳୀ) ରେ ବନ୍ଦ କରିବାକୁ ନିର୍ଦ୍ଦେଶ ଦେଇଥିଲେ। #🧑‍⚖️ଆଜି ଆସିଲା ସୁପ୍ରିମକୋର୍ଟଙ୍କ ବଡ଼ ନିଷ୍ପତ୍ତି📢