#🙋‍♀️ എൻ്റെ സ്റ്റാറ്റസുകൾ #📋 കവിതകള്‍ #📝 ഞാൻ എഴുതിയ വരികൾ #🖋 എൻ്റെ കവിതകൾ🧾 🪷ആത്മദർപ്പണം🪷 പശ്ചിമാംബര ചക്രവാളത്തിൽ ഭാസ്കര ജ്യോതി പോയ് മറഞ്ഞു., ശ്യാമ ധൂമ സഹിതമായ് സന്ധ്യാവേള കാലയാപനത്തിൻ ശ്രീഖ്രസഞ്ചാരങ്ങൾ ക്ഷീണമെന്നെയീ ശയ്യയിൽ ചിന്തതൻ ചിത്രകൂട ശിഖരങ്ങളിലയാൻ വിട്ടു കാവ്യ ബീജങ്ങൾ മുളച്ചുപൊങ്ങുമീ ഗർഭഭാരം നിറഞ്ഞ കരളുമായ് അക്ഷരോന്മാദത്തിൻവസന്തംവിടരുന്നൊരദ്രി ശിഖരത്തിൽ സിദ്ധപത്രീവനങ്ങളിൽ കാവ്യകന്മദം തേടി ഞാൻ പോകയായ് ശബ്ദശൂന്യമേകാന്തരജനിയിൽ ഞാനുമെൻ നെഞ്ചിലാർക്കുന്ന കാവ്യപയോധിയും ക്ഷണമാത്രപോലും മനസ്സിൻ വിഹായസ്സു വിട്ടുപോകാത്തൊരീ ചെറുപക്ഷിയാം നിന്നെയെന്മാനസ പഞ്ജരത്തിൽ കുടിയിരുത്തുന്നുഞാൻ അക്ഷര ധാരയായ് എന്നിൽ വർഷിക്കനീ കാവ്യ മരാളികേ നർത്തനം ചെയ്തീടുക കാത്തിരിപ്പിന്റെ കാട്ടുനെല്ലിക്കകൾ ഒട്ടധികം ഭുജിച്ചിട്ടിരിക്കയാൽ മന്ദഹാസത്തിന്റെ പാനപാത്രങ്ങളിൽ സ്നേഹനീര് നിറച്ചു നീയെത്തുക ശക്തിയായെന്നർദ്ധദേഹത്തിന്നധികാരിയാവുക ജ്ഞാനമാകുന്നൊരെൻ കർമ്മമായ് മാറുക വാമാർദ്ധദേഹം നിനക്കു ഞാനേകുന്നു വാമാക്ഷിയാമെൻ വാണീ നമോസ്തുതേ