*మన వారి పెళ్ళిళ్ళు* 1960-1970 లలో:- అమ్మాయి తల్లి/తండ్రి : మంచి సంప్రదాయం ఉన్న కుటుంబం అది. అలాంటి కుటుంబం లోకి వెళ్ళడమే నీ అదృష్టం, పెళ్ళి కుదిర్చేసుకుందాం. అమ్మాయి : మీ ఇష్టం నాన్నాఅని అమ్మాయి అనేది. అబ్బాయి తల్లి/తండ్రి : మంచి సంప్రదాయం ఉన్న కుటుంబం అది. అలాంటి కుటుంబం లోంచే అమ్మాయిని తెచ్చుకోవాలి. కుదిర్చేసుకుందాం. అబ్బాయి : సరే నాన్నా. అలాగే చెయ్యండి. 1970-1980లలో:- అమ్మాయి తల్లీ/తండ్రి : అబ్బాయి అందంగా లేకపోతేనేం మంచి స్థితిమంతుడు పైగా బుద్ధి మంతుడు ఒప్పుకో. అమ్మాయి : సరే మీ ఇష్టం నాన్నా గారు. అబ్బాయి తల్లి/తండ్రి : అమ్మాయి అంత అందంగా లేకపోతేనేం. మంచి పనిమంతురాలు సంసారాన్ని ఒంటి చేత్తో నెట్టుకొస్తుంది పైగా కట్నం ఇచ్చే స్థోమత ఉంది. ఖాయం చేసేద్దాం. అబ్బాయి : సరే నాన్నా. అలాగే చెయ్యండి. 1980-1990లలో:- అమ్మాయి తల్లి/తండ్రి : అబ్బాయికి బ్యాంక్ లో మంచి ఉద్యోగం.పైగా ఐదు అంకెల జీతం. ఇంతకంటే మంచి సంబంధం మనకి రాదు,మేము తేలేము . అమ్మాయి : మీ ఇష్టం నాన్నా. అబ్బాయి తల్లి/తండ్రి : అమ్మాయి తండ్రి మంచి పొజిషన్ లో వున్నాడు. పైగా పిల్ల కూడా గ్రాడ్యూయేట్. ఈ సంబంధం చేసుకో. అబ్బాయి : సరే నాన్నా. అలాగే చెయ్యండి మీ ఇష్టం. 1990-2000 లలో:- అమ్మాయి తల్లి/తండ్రి :అబ్బాయి పెద్ద కంపెనీలో మంచి ఉద్యోగం చేస్తున్నాడు. నిన్ను కూడా ఉద్యోగం చేయనిస్తాడట నువ్వు కనుక ఈ సంబంధం చేసుకుంటే బాగుంటుంది. అమ్మాయి : నన్ను కూడా ఉద్యోగం చేయనిస్తేనే చేసుకుంటానని చెప్పండి. ఒప్పుకుంటేనే పెళ్లి. అబ్బాయి తల్లి/తండ్రి : అమ్మాయి బ్యాంక్ లో పనిచేస్తోంది. ఇద్దరి జీతాలతో హాయిగా బ్రతకొచ్చు చేసుకోరా. అబ్బాయి : సరేలే గాని తాను నేను పనిచేసేచోటకి బ్యాంక్ వాళ్ళు ట్రాన్స్ఫర్ ఇస్తారో లేదో కనుక్కోండి. 2000-2010లలో: అమ్మాయి తల్లి/తండ్రి : అబ్బాయి సాఫ్ట్వేర్ ఇంజనీర్ అంటా ఆరు అంకెల జీతం బాగా సంపాదిస్తున్నాడు. ఫారెన్ కూడా వెడతాట్ట. నీదే అదృష్టం చేసుకుంటే బాగుంటుంది. అమ్మాయి : నేను నా ఉద్యోగం వదులుకోవాలంటే కష్టం. వెంటనే అమెరికా వెడితే అక్కడ నన్ను కూడా ఉద్యోగం చేయనివాలని కండిషన్ పెట్టండి. అబ్బాయి తల్లి/తండ్రి : అమ్మాయి కూడా సాఫ్ట్వేర్ ఇంజనీర్ట. నువ్వెక్కడుంటే అక్కడికి ట్రాన్స్ఫర్ కూడా చేసుకుంటుందిట. అబ్బాయి : సరే. కానీ ఉద్యోగం ఉంది కదా అని ఇంటి పని చేయనంటే కుదరదు. చెప్పండి దానికి ఒప్పుకుంటేనే ఓకే చెప్పేది. 2010-2020లలో: అమ్మాయి తల్లి/తండ్రి : అబ్బాయి పెద్ద మల్టీ నేషనల్ కంపెనీ లో పనిచేస్తున్నాడు. ఇల్లు కూడా కొన్నాట్ట బెంగుళూరులో . మంచి సంబంధం చేసుకో. అమ్మాయి : వాళ్ళ అమ్మా నాన్న అక్కడ బెంగళూరు లో వుండడానికి వీల్లేదు. నేను వంట చెయ్యను. ఇంటిపని లో తను కూడా సగం బాధ్యత తీసుకోవాలి. ఐదేళ్ల దాకా పిల్లలు కావాలి అని అనకూడదు. నేను కొన్న గచ్చిబౌలి లొ ఇంటి EMI, నేను కొన్న కారు లోన్ లు అబ్బాయే కట్టాలి ఇలా ఒప్పుకుంటే ఆలోచించి చూద్దాం. అబ్బాయి తల్లి/తండ్రి : అమ్మాయి పెద్ద మల్టీ నేషనల్ కంపెనీలో పనిచేస్తోంది. ఇల్లు కూడా వుందట హైదరాబాద్ లో. మంచి సంబంధం. చేసుకో. అబ్బాయి : తను బెంగుళూరు జాబ్ తెచ్చుకుంటే నాకు ఒకే. అమ్మాయి పేరున లోన్లు ఏవీ ఉండకూడదు. నా డబ్బులతో ఆమె EMI లు నేను కట్టను. కట్టమని అడగొద్దు దీనికి ఒప్పుకుంటే చూద్దాం. 2020-2030లలో: అమ్మాయి తల్లి/తండ్రి : అబ్బాయి అమెరికాలో పెద్ద కంపెనీ లో ఉద్యోగం పైగా మరోపదేళ్ళ పాటు ఉద్యోగ భద్రత కూడా ఉంది.10 ఎళ్ళనించీ అక్కడే ఉన్నాడట. రెండు నెలల నించీ నీ సైడ్ నుంచి ఓకే గురించి వెయిట్ చేస్తున్నాడు. నీ ఉద్దేశ్యం ఏమిటి చెప్పమ్మా. అమ్మాయి : నా పెళ్లి కి అంత తొందరెందుకు మీకు.నన్ను త్వరగా వదిలించుకోవాలని చూస్తున్నారా? నాకు నచ్చిన వాణ్ణి నేనే చూసుకుంటా. వాడు రెండు నెలల నించీ వెయిట్ చేస్తున్నాడంటే వాడికి సంబంధాలు ఏమి రావట్లేదన్నమాట. సరే. ఎంత కాలం వెయిట్ చేస్తాడో చెయ్యనీ. అబ్బాయి తల్లి/తండ్రి : అమ్మాయి మంచి పాకేజ్ తో పెద్ద సాఫ్ట్వేర్ కంపెనీ లో పనిచేస్తోంది. అందంగా కూడా వుంది. ఒక సారి చూడరా. అబ్బాయి : నేను డేటింగ్ చేసి నాకు నచ్చిన అమ్మాయిని చూసుకుంటా. అయినా నాకు ఇంకా 33 ఏళ్ళేగా. తొందరెందుకు? 2030-2040లలో!!!!!! అమ్మాయి : నాన్నా! నేను పెళ్లి చేసుకోవాలనుకొంటున్నాను. మంచి సాంప్రదాయక మైన కుటుంబంలో అబ్బాయిని చూడండి. పల్లెటూళ్ళో వున్నా పరవా లేదు. నాకు వుద్యోగం లేదు. ఇంటి పని నేర్చుకుంటున్నాను అని చెప్పండి. చెడు అలవాట్లు లేకపోతే చాలు. తల్లి/తండ్రి : అంత పెద్ద పెద్ద కోరికలు కోరితే మేం సంబంధాలు చూడలేము. అయితే నువ్వే చూసుకో. అబ్బాయి : నాన్నా! నేను పెళ్లి చేసుకోవాలనుకొంటున్నాను. మంచి సాంప్రదాయక మైన కుటుంబంలో అమ్మాయి ఎవరైనా వుంటే చూడండి. పెద్ద చదువులు చదివిన అమ్మాయి వద్దు. ఇల్లు మానేజ్ చేసుకోగలిగితే చాలు. చెడు అలవాట్లు మాత్రం ఉండకూడదు. తల్లి/తండ్రి : అంత పెద్ద పెద్ద కోరికలు కోరితే మేం సంబంధాలు చూడలేము. నువ్వే చూసుకో ఇలా ఉండే అవకాశం ఉంది. #ప్రస్తుత విషయాలు💐🎂 #ప్రస్తుత జనరేషన్ #ప్రస్తుత వార్తలు🗞️📰 #ఇప్పటి జనరేషన్🌻🌾🌹 #నెక్స్ట్ జనరేషన్ పోయెమ్స్