ઈરાને ફરી એકવાર હોર્મુઝ સ્ટ્રેટ બંધ કરી દીધો છે. ખાડીમાં રહેલા જહાજોને ચેતવણી આપવામાં આવી છે કે જો તેઓ પરવાનગી વિના પાર કરશે તો તેમને નિશાન બનાવવામાં આવશે. ઇઝરાયલ દ્વારા યુદ્ધવિરામનું ઉલ્લંઘન કર્યા બાદ આ પગલું લેવામાં આવ્યું છે, જેના કારણે આંતરરાષ્ટ્રીય તેલ પુરવઠો ખોરવાઈ શકે છે અને ખાડી ક્ષેત્રમાં તણાવ વધી શકે છે. લેબનોનમાં ઇઝરાયલ દ્વારા યુદ્ધવિરામ ઉલ્લંઘન બાદ ઈરાની નૌકાદળે આ પગલું ભર્યું છે. શિપિંગ સૂત્રોએ જણાવ્યું હતું કે ખાડીમાં રહેલા જહાજોને સતત સંદેશાઓ મળી રહ્યા છે, જેમાં તેમને પરવાનગી વિના હોર્મુઝ સ્ટ્રેટ પાર ન કરવાની ધમકી આપવામાં આવી રહી છે. ઈરાને સ્પષ્ટ ચેતવણી આપી છે કે જહાજ માલિકોએ હોર્મુઝ સ્ટ્રેટમાંથી પસાર થવા માટે પરવાનગી મેળવવી પડશે. પરવાનગી વિના પાર કરનારા જહાજોને નિશાન બનાવવામાં આવશે, હુમલો કરવામાં આવશે અને નાશ કરવામાં આવશે. યુનાઇટેડ સ્ટેટ્સ અને ઈરાન વચ્ચે યુદ્ધવિરામ પછી પણ પરિસ્થિતિ તંગ છે.#🚫ઈરાને હોર્મુઝ સ્ટ્રેટ ફરી કર્યું બંધ