#🙋‍♀️ എൻ്റെ സ്റ്റാറ്റസുകൾ #കൊട്ടിയൂർ വൈശാഖ മഹോത്സവം #ദക്ഷന്റെ യാഗഭൂമിയിൽ.. #പരമേശ്വേര സതി #പ്രണയത്തിന്റെ സ്മരണകൾ ഉണർത്തുന്ന ആ യാഗ ഭൂമിയിൽ നിൽക്കുമ്പോൾ മനസ്സിൽ വല്ലാത്തൊരു ആശ്വാസം ആയിരുന്നു… എപ്പോളും ആലോചിക്കാറുണ്ട് #പ്രണയത്തിന്റെ_ദേവൻ_പരമശിവൻ_ആണെന്ന്…#അത്രത്തോളം_തീഷ്ണമായി_ആരും_പ്രണയിച്ചിട്ടില്ല… #തന്നിലെ_പാതിയിൽ_തന്റെ_പ്രിയതമയെ_ചേർത്തവൻ… മുട്ടറ്റം എത്തുന്ന വെള്ളത്തിൽ നിന്നു വേണം #ഭഗവാനെ തൊഴാൻ.. കണ്ണടച്ച് തൊഴുതു നിൽകുമ്പോൾ അനുഗ്രഹ മെന്നോണം ചെറിയ ചാറ്റൽ മഴ മുഖത്തേക് തുള്ളി തുള്ളിയായി വീണു.. ചുറ്റിലും കെട്ടിയ പർണ ശാലകൾ.. യാഗത്തെ #അനുസ്മരിപ്പിക്കുന്ന പൂജകൾ.. പറഞ്ഞു കേട്ട കൊട്ടിയൂരിന്റെ പുരാണകഥയിലേക്ക് മനസ്സ് പോയി… ദക്ഷന് ഇഷ്ടമില്ലാതെ അദ്ദേഹത്തിന്റെ പുത്രി സതി പരമശിവനെ ഗാഢമായി പ്രണയിക്കുന്നു ഒടുവിൽ തപസ്സു ചെയ്തു സ്വന്തം ആക്കുന്നു.. പരമശിവനെ സതി വിവാഹം ചെയ്തതിൽ ഇഷ്ടപ്പെടാത്ത സതിദേവിയുടെ പിതാവ്, ദക്ഷൻ പതിനാലുലോകത്തെ ഭഗവാൻ ശിവനൊഴികെ എല്ലാവരേയും ക്ഷണിച്ചു യാഗം നടത്തി. ക്ഷണിച്ചില്ലെങ്കിലും സതിദേവി യാഗം കാണാൻ പോയി. അവിടെവച്ച് ഭഗവാൻ പരമശിവനെ ദക്ഷൻ അവഹേളിച്ചതിൽ ദുഃഖിതയായ സതീദേവി യാഗാഗ്നിയിൽ ചാടി ജീവനൊടുക്കി. കൈലാസത്തിലിരുന്ന ഭഗവാൻ പരമശിവൻ ഇതറിഞ്ഞ് കോപാകുലനായി ജഡ പറിച്ചെടുത്ത് നിലത്തടിച്ചു. അതിൽ നിന്നും വീരഭദ്രൻ ജനിച്ചു. വിരഭദ്രൻ യാഗശാലയിൽ ചെന്ന് ദക്ഷന്റെ താടി പറിച്ചെറിഞ്ഞു, ശിരസറുത്തു. ശിവഭഗവാൻ താണ്ഡവ നൃത്തമാടി. ദേവന്മാരും ഋഷിമാരും ബ്രഹ്മവിഷ്ണുമാരും ഭഗവാൻ ശിവനെ സമീപിച്ച് ശാന്തനാക്കി. ദക്ഷന്റെ തല അതിനിടയിൽ ചിതറി പോയതിനാൽ ആടിന്റെ തല ചേർത്ത് ശിവഭഗവാൻ ദക്ഷനെ പുനർജീവിപ്പിച്ചു. യാഗവും പൂർത്തിയാക്കി. പിന്നീട് ആ പ്രദേശം വനമായിമാറി. മണിത്തറയും വെള്ളത്തിലും കരയിലുമായി കെട്ടിയുണ്ടാക്കിയ പർണ്ണശാലകളും കുടിലുകളും ചേർന്നതാണ് താൽക്കാലിക ക്ഷേത്രം അംബാവലി പുഴയിൽ നിന്ന് കിഴക്കുഭാഗത്തുകൂടെ ഒഴുകിവരുന്ന വെള്ളം ക്ഷേത്രമുറ്റമായ #തിരുവഞ്ചിറയെ വലംവച്ച് പടിഞ്ഞാറോട്ടൊഴുകി #ബാവലിയൽ തന്നെ ചേരും. ബാവലിയിലെ കല്ലുകളും മണ്ണും കൊണ്ടാണ് #മണിത്തറ ഉണ്ടാക്കുന്നത്. ദേവി സാന്നിദ്ധ്യമുള്ള #അമ്മാറക്കല്ലുമുണ്ട്.(ഈ അമ്മാറകല്ല് എന്നാൽ "അമ്മ മറഞ്ഞ കല്ല്" എന്നാണ് ഇവിടെയാണ് സതീദേവി ദേഹത്യാഗം ചെയ്തത് ഉൽസവകലത്ത് 34 താൽക്കാലിക ഷെഡ്ഡുകൾ കെട്ടും. അമ്മാറക്കല്ലിന് മേൽക്കൂരയില്ല. ഒരു ഓലക്കുടയാണ് ഉള്ളത്. തിരുവഞ്ചിറയിലെ ശയനപ്രദക്ഷിണം പ്രത്യേകതയുള്ളതാണ്. മുട്ടൊപ്പം വെള്ളത്തിലൂടെ കണ്ണുകെട്ടിയാണ് ശയന പ്രദക്ഷിണം നടത്തുന്നത് രാപ്പകൽ ഒരുപോലെ വിറകെരിയുന്ന കൊട്ടിയൂർ ക്ഷേത്രത്തിലെ തിരുവടുപ്പുകളിൽ നിന്നു ചാരം നിത്യവും ശിവഭൂതങ്ങൾ നീക്കം ചെയ്യുന്നുണ്ടെന്നുമാണ് വിശ്വാസം.വൈശാഖ മാസത്തിൽ അക്കരെകൊട്ടിയൂരിൽ എത്തുന്ന ഭക്തർ മണത്തണയിൽ എത്തി അവിടുന്നു വാളറയിൾ ദർശനം നടത്തി അമ്മാറക്കൽ എത്തിയാലെ അക്കരെ കൊട്ടീയൂരിലെ ദർശനം വിഥിയാം വിധം പൂർത്തിയാകൂ...