🪴 ଶୁଭ ମଙ୍ଗଳବାର 🪴 #🔖ଓଡ଼ିଆ କବିତା✍ #🙇ସୁବିଚାର #💮ପ୍ରେରଣା #🌞ସୁପ୍ରଭାତ🌞
!!ନିର୍ମଳ ଭାବ ଜଗତ!!
^^^🟤^^^
ନିର୍ମଳ ଭାବ ଜଗତେ କରାଅ ଅବତରିତ।
ଭାବର ମଳ ମନ ରୁ କରିଦିଅ ପ୍ରଭୁ ମୁକ୍ତ।।
ନିର୍ମଳାଲୋକ ସଂସାର ଦେଖାଅ ପରମେଶ୍ଵର।
ମନ ଆଖିରେ ଦେଖିବି ତୁମ ଦିବ୍ୟ ଅବତାର।।
କର୍ମ ରକ୍ଷକ ଈଶ୍ବର ଦିଅନ୍ତୁ ଶୁଭ ବିଚାର।
ସୁକର୍ମେ ରହୁ ମୋମନ କୃପାକର ହେ ଠାକୁର।।
କର୍ମ ଦିଏ ଦୁଃଖ ସୁଖ କର୍ମ ଗତି ସ୍ବର୍ଗ ନର୍କ।
ତୁମେପ୍ରଭୁ ମୋପାଇଁକି ମୋ ମନ ଆତ୍ମବିବେକ।।
ତ୍ରୀକାଳଦର୍ଶି ଠାକୁର ଉଜ୍ବଳ ତାରକା ମୋର।
ଭବିଷ୍ୟତ ଗଢିଦିଅ ସରଗ ଠାରୁ ସୁନ୍ଦର।।
ମନ ମୋ ନିର୍ମଳ ହେଉ ସରଗ ରେ ସ୍ଥାନ ପାଉ।
ସୁନ୍ଦର ଭାବ ବଗିଚା ସୈାନ୍ଦର୍ଯ୍ୟ ରେ ଭରିଯାଉ।।
ସ୍ବର୍ଗ ର ନନ୍ଦନ ବନ ହର ଗଉରୀ ଉଦ୍ୟାନ।
ମୋଭାବେ ହେଉପ୍ରକଟ ସଂଯମୀତ ହେଉମନ।।
ଯୋଗଧ୍ୟାନେ ରହୁମତି ସତ୍ୟରେ ହେଉ ମୋପ୍ରୀତି।
ନିର୍ମଳ ଭାବ ଅନ୍ତରେ ଜଣାଏ ପ୍ରଭୁ ପ୍ରଣତି।।
ଧର୍ମ ଚେତନା ରେ ଜ୍ଞାନ କରାଅ ଅବତରଣ।
ତୁମ କୃପା କରୁଣା ରେ ଭିଜାଅ ଅନ୍ତଃକରଣ।।
ଜୀବନ ଏ ରଣକ୍ଷେତ୍ର ଛୁଟାଅ ଭକ୍ତି ର ସ୍ରୋତ।
ବିଜୟ ଦିଅ ଠାକୁର ଶ୍ରୀ ଚରଣେ ପ୍ରଣିପାତ।।
ଲକ୍ଷ୍ମୀ ଧର ଭାବ ମନ ଲଭୁ ଏ ନବଯୌବନ।
ସରଗ ସୁଖ ର ପ୍ରାପ୍ତି କରାଅ ହେ ଭଗବାନ।।
🙏ଜୟ ଶ୍ରୀ କୃଷ୍ଣ 🙏