देव कोणाच्या प्रेमात पडतो...? या जगात प्रत्येक मनुष्य कोणाच्या ना कोणाच्या प्रेमात पडत असतो,कोणी पैशाच्या प्रेमात असतो, कोणी सौंदर्यच्या , कोणी सत्तेच्या तर कोणी मान-सन्मानाच्या, पण एक प्रश्न मनात येतो,ज्याने हे संपूर्ण विश्व निर्माण केले तो परमेश्वर कोणाच्या प्रेमात पडतो.....? तर मित्रानो, देवाला बाह्य दिखावा कधीच आवडत नाही मोठमोठ्या पूजा, महाग वस्तू, सोन्याचे दागिने किंवा मोठ्या आवाजात केलेले नामस्मरण याने देव कधीही प्रभावित होत नाही कारण देवाला शब्द नाही तर भावना दिसतात. तो माणसाचे रूप पाहत नाही, तो अंतःकरण पाहतो देव त्या भक्ताच्या प्रेमात पडतो ज्याच्या मनात अहंकार नाही जो स्वतःला मोठा समजत नाही. जो इतरांना कमी लेखत नाही. कारण जिथे अहंकार असतो तिथे परमेश्वर टिकत नाही नम्रता हेच भक्ताचे सर्वात सुंदर अलंकार आहे देव त्या व्यक्तीवर प्रेम करतो जो संकटात सुद्धा त्याला विसरत नाही आज अनेक लोक सुखात देवाचे नाव घेतात,पण दुःख आले की देवावरच रागावतात परंतु खरा भक्त तोच असतो जो डोळ्यात अश्रू असतानाही म्हणतो “प्रभू, मला तुझ्यावर पूर्ण विश्वास आहे अशा विश्वासाने केलेली भक्ती देवाला बांधून ठेवते देव त्या भक्ताच्या प्रेमात पडतो जो काही मागण्यासाठी देवाजवळ जात नाही आज बहुतेक लोक देवाकडे जातात ते फक्त इच्छा पूर्ण व्हाव्यात म्हणून कोणाला पैसा हवा असतो, कोणाला नोकरी, कोणाला यश, तर कोणाला सुख पण जो भक्त देवा कडे जातो देवाला मागायला....? म्हणजे जो म्हणतो प्रभू मला काही नको फक्त तू हवास त्या निष्काम प्रेमापुढे देव सुद्धा हळवा होतो देवाला दया, प्रेम आणि करुणा खूप प्रिय आहेत जो दुसऱ्यांचे दुःख समजतो,गरजूंना मदत करतो, कोणाचे मन दुखावत नाही, त्या व्यक्तीत देव स्वतः वास करतो. कारण प्रत्येक जीवामध्ये परमेश्वराचा अंश आहे. म्हणून जो लोकांवर प्रेम करतो, तो प्रत्यक्षात देवावरच प्रेम करतो भक्ती म्हणजे फक्त माळ फिरवणे किंवा मंदिरात जाणे नाही. भक्ती म्हणजे प्रत्येक क्षणी परमेश्वराची आठवण ठेवणे. मनाने त्याच्या चरणी समर्पित होणे. जेव्हा मनुष्य पूर्णपणे देवावर विश्वास ठेवतो, तेव्हा देव सुद्धा त्या भक्ताच्या प्रेमात पडतो. इतिहासात अनेक उदाहरणे आहेत. संत तुकाराम, ज्ञानेश्वर माऊली, नामदेव, एकनाथ महाराज हे सर्व संत देवाचे लाडके होते कारण त्यांची भक्ती खरी होती. त्यांच्याकडे संपत्ती नव्हती, पण अंतःकरणात परमेश्वरासाठी अपार प्रेम होते शेवटी एवढेच म्हणेन देवाला तुमचा चेहरा, पैसा किंवा मोठेपणा महत्त्वाचा नाही. देवाला फक्त तुमचे निरागस मन हवे असते ज्या मनात प्रेम,विश्वास,श्रद्धा,नम्रता आणि पूर्ण समर्पण असते, त्या मनावर देव स्वतः प्रेम करतो. म्हणूनच, जर देवाला आपल्या प्रेमात पाडायचे असेल तर मोठेपणा सोडून प्रेम करायला शिका, अहंकार सोडून नम्र व्हायला शिका, आणि स्वार्थ सोडून निष्काम भक्ती करायला शिका कारण शेवटी देव शब्दांचा नाही, तर भावनांचा भुकेला असतो 🙏🙏🙏🙏🙏🙏 #🏵️‼️स्वामी माऊली‼️🏵️