ଧନିଆ ପତ୍ର ଯେପରି ଖାଦ୍ୟରେ ଉଭୟ ସ୍ୱାଦ ଏବଂ ରଙ୍ଗକୁ ବଢାଇଥାଏ । ସେହିଭଳି ଭୃସଙ୍ଗ ପତ୍ର ମଧ୍ୟ ଖାଦ୍ୟର ସ୍ୱାଦକୁ ବଢାଇଥାଏ । ସ୍ୱାଦ ଆଣିବା ପାଇଁ ଭୃସଙ୍ଗ ପତ୍ର ବିଭିନ୍ନ ପ୍ରକାରର ଖାଦ୍ୟରେ ବ୍ୟବହାର କରାଯାଇଥାଏ । ସାଧାରଣତଃ ସାଉଥ୍‌ ଇଣ୍ଡିଆ ଖାଦ୍ୟରେ ଭୃସଙ୍ଗ ପତ୍ର ବ୍ୟବହାର କରାଯାଇଥାଏ ।  ବର୍ଷ ବର୍ଷ ଧରି ଭାରତୀୟ ଘରେ ଭୃସଙ୍ଗ ପତ୍ର ବ୍ୟବହାର କରାଯାଉଛି । ଅନେକ ଔଷଧୀୟ ଗୁଣ ଭୃସଙ୍ଗ ପତ୍ରରୁ ମିଳିଥାଏ ଯାହା ଶରୀର ପାଇଁ ବହୁତ ଭଲ ହୋଇଥାଏ ।ଭିଟାମିନ୍ B2, ଭିଟାମିନ୍ B1 ଏବଂ ଭିଟାମିନ୍ A ପରି ଅନେକ ଭିଟାମିନ୍ ଏବଂ ଆଇରନ୍‌, କ୍ୟାଲସିୟମ୍, ପ୍ରୋଟିନ୍ ପରି ପୋଷକ ତତ୍ତ୍ୱ ଭୃସଙ୍ଗ ପତ୍ରରେ ମିଳିଥାଏ । ଭୃସଙ୍ଗ ପତ୍ରଗୁଡିକ ଆଣ୍ଟି-ଡାଇବେଟିସ୍, ଆଣ୍ଟି-ଅକ୍ସିଡାଣ୍ଟ, ଆଣ୍ଟି-ମାଇକ୍ରୋବାୟଲ୍ ଗୁଣରେ ଭରପୂର ହୋଇଥାଏ । ଏହି ସମସ୍ତ ପୋଷକ ତତ୍ତ୍ୱ ଶରୀରକୁ ସୁସ୍ଥ ରଖିବାରେ ସାହାଯ୍ୟ କରିଥାଏ । ଖାଲିପେଟରେ ଭୃସଙ୍ଗ ପତ୍ର ଖାଇବା ଦ୍ୱାରା ଅଧିକ ସ୍ୱାସ୍ଥ୍ୟଗତ ଲାଭ ମିଳିଥାଏ  ।