#🎭Whatsapp status #chhatrapatisambhajinagar​ #cmo​ हृदय पिळवटणारा अपघात – पती, पत्नी आणि चिमुकल्याचा मृत्यू गंगापूर प्रतिनिधी – गंगापूर–वैजापूर रोडवरील नांदूर मध्यमेश्वर कालव्याजवळ सोमवार (८ सप्टेंबर) सकाळी ८ वाजता स्कॉर्पिओ आणि मोटारसायकलच्या भीषण धडकेत एका कुटुंबातील पती, पत्नी व त्यांच्या एका वर्षाच्या मुलाचा मृत्यू झाला. वाळूज एमआयडीसीतील कर्मचारी सजन राजू राजपूत (२८), पत्नी शितल (२५) आणि मुलगा कृष्णांश यांचा जागीच मृत्यू झाला. ते सटाणा येथून परत येत असताना अपघात घडला. जखमींना रुग्णालयात नेले असता डॉक्टरांनी त्यांना मृत घोषित केले. शिल्लेगाव पोलिसांत नोंद झाली असून पुढील तपास सुरू आहे. अपघातस्थळी पडलेले मंगळसूत्र वरखेड गावाचे तंटामुक्ती अध्यक्ष रामनाथ वाघ यांनी प्रामाणिकपणे नातेवाईकांकडे सुपूर्द केले.