#🙏 प्रेरणादायक बॅनर #🙏प्रेरणादायक / सुविचार #🙏श्री गुरुदेव दत्त💐 #🙏भक्ती सुविचार📝 #🙏श्री स्वामी समर्थ📿 एक बाई गुरूमहाराजांच्या चरणी येऊन अत्यंत व्याकुळ मनाने म्हणाली, महाराज, मला स्वतःचंच आश्चर्य वाटतंय. हल्ली मला फार पटकन राग येतो. छोट्या छोट्या गोष्टी मनाला लागतात. घरच्यांवर चिडचिड होते. नंतर पश्चात्तापही होतो… पण त्या क्षणी स्वतःवर ताबाच राहत नाही. हे असं का होत असेल? तेव्हा गुरूमहाराज शांतपणे हसले आणि म्हणाले, “बाई, ज्या भांड्यात सतत उकळी चालू असते, ते भांड हलकासा स्पर्श झाला तरी उतू जात. तसंच मनाच आहे. बाहेरचा प्रसंग लहान असतो, पण आत साचलेला थकवा मोठा असतो. ती पुन्हा म्हणाली, महाराज, मग मी एवढी अस्थिर का झाले? गुरूंनी उत्तर दिलं, कारण तू सगळ्यांची काळजी घेत गेलीस, पण स्वतःच्या मनाकडे कधी बसून पाहिलस नाहीस. शरीर थकल की माणूस विश्रांती घेतो, पण मन थकलं की लोक त्यालाच अधिक ओढत राहतात. मग गुरूंनी तिला विचारल, तू रोज देवासमोर किती वेळ शांत बसतेस? ती म्हणाली, महाराज, पूजा करते… पण मन शांत राहत नाही. त्यावर गुरूमहाराज म्हणाले, पूजा हातांनी होते, पण शांतता मनाने येते. मन सतत ताण, अपेक्षा, काळजी आणि न बोललेल्या दुःखांनी भरलेल असेल, तर राग हा बाहेर पडणारच. ती नम्रपणे म्हणाली, मग यावर उपाय काय महाराज? गुरूंनी अत्यंत प्रेमाने सांगितलं, राग दाबू नकोस… त्यामागच दुःख ओळख. प्रत्येक वेळी राग येईल, तेव्हा स्वतःला विचार माझ मन खरंच कशाने दुखतंय? हा प्रश्न विचारायला शिकलीस, की मन हळूहळू शांत होईल. पुढे ते म्हणाले, मनाला रोज नामाची सावली दे. जस उन्हात फिरलेल्या माणसाला झाडाखाली शांत वाटतं, तसंच थकलेल्या मनाला नामस्मरणात विसावा मिळतो. लोकांच्या बोलण्याने मन हलू लागल, की लगेच उत्तर देऊ नकोस. आधी दोन क्षण गुरू देव दत्त म्हण. कारण त्या दोन शब्दांत मनाला स्थिर करण्याची ताकद आहे. आणि लक्षात ठेव ज्याच्या मनात सतत वेदना असते, त्यालाच पटकन राग येतो. म्हणून स्वतःला दोष देऊ नकोस. मनाला प्रेमाने सांभाळ. हे ऐकून त्या साधिकेच्या डोळ्यांत पाणी आलं. कारण तिला पहिल्यांदाच कुणीतरी तिच्या रागामागच थकलेल मन समजून सांगितल होत.. ॥ श्री गुरुदेव दत्त ॥ दत्तरुप ll