🌷🌷🌷దైవ మర్మములు - Bro. Bakht Singh🌷🌷🌷 🛐 Daily Devotional 🛐 Theme of the Month: దేవుని మహిమ యొక్క మర్మములు Friday, April 17 *''వారి కన్నులు తెరువబడి ఆయనను గుర్తు పట్టిరి'' (లూకా 24:31).* లూకా 24:15-30 లలో ప్రభువు పునరుత్థానము తరువాత ఎమ్మాయు మార్గములో నడచుచుండిన యిద్దరు శిష్యులను గూర్చి చదువుచున్నాము. వారెంతో దీర్ఘముగా సంభాషించుచు యెరూషలేములో సంభవించిన విషయములను గూర్చి గ్రుడ్డిగా ఆలోచించుచుండిరి. యేసు ప్రభువు వారిని సమీపించి వారితో నడచుచు తన్ను గూర్చి అంతయు వివరించుచు తన శ్రమలను గూర్చియు, మహిమను గూర్చియు, తానెందకు తప్పక మరణించి, తిరగి లేచి మహిమలో ప్రవేశించవలెనో వారికి తెల్పుచుండెను. ప్రభువే వారికి బోధించినను వారింకను ఆయనను ఎరుగలేదు. వారాయనను యింటిలోనికి ఆహ్వానింపగా ఆయన వారితో కూర్చుండి, రొట్టె విరచినప్పుడే అకస్మాత్తుగా వారి కండ్లు తెరువబడినవి. అప్పుడు మాత్రమే వారు ప్రభువును గుర్తెరిగిరి. ఈ విధముగా ప్రభవు వారికి బోధించెను. మన ప్రభువు ఎంతో గొప్పవాడు, బలవంతుడు, ఎంతో అద్భుతమైనవాడు. మన సామాన్యమైన నేత్రములతో మనమాయనను చూడలేము. ఆయన మన జ్ఞానమునకు మించినవాడు. మానవేంద్రియములతో ఆయనను గ్రహించలేము. అయినను ఆయను ఎరుగగలము. మన బంధుమిత్రాదులకంటె ఎంతో వాస్తవమైనవాడు. ఆయనను, ఆయన మహిమను మనము గుర్తెరిగిన యెడల ప్రపంచమంతటిలో నున్న ప్రతి వ్యక్తి కంటె ఆయన మనకు అత్యంత ప్రశస్తమైన వాడుగా కనబడును. సామర్థ్యము గల బోధకుల యొద్ద వాక్యము నేర్చుకొనవచ్చును. గొప్ప గ్రంథకర్తల పుస్తకములు అనేకములు చదవవచ్చును. ప్రభువుతో నడచునప్పుడు గొప్ప అనుభవములను మనము పొందవచ్చును. అయినప్పటికిని ఆయనను ఏ విధముగా ఎరుగవలెనో ఆ విధముగా మనమింకను ఎరుగలేదు. ఆయనను ఎరుగుదుమని మనమనుకొనవచ్చును. కాని అది అంతయు వట్టిదే. Download Daily Devotions by Brother Bakht Singh Mobile App, using link: https://rb.gy/iv32b1 #📀యేసయ్య కీర్తనలు🎙 #😇My Status Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com