🙏 ఓం శ్రీ గురుభ్యోనమః 🙏 🎡పంచాంగం🎡 శ్రీరస్తు - శుభమస్తు - అవిఘ్నమస్తు, తేదీ ... 26 - 04 - 2026, వారం ... భానువాసరే ( ఆదివారం ) శ్రీ పరాభవ నామ సంవత్సరం, ఉత్తరాయణం, వసంత ఋతువు, వైశాఖ మాసం, శుక్ల పక్షం, తిథి : *దశమి* రా8.50 వరకు, నక్షత్రం : *మఖ* రా11.04 వరకు, యోగం : *వృద్ధి* రా1.00 వరకు, కరణం : *తైతుల* ఉ9.28 వరకు, తదుపరి *గరజి* రా8.50 వరకు, వర్జ్యం : *ఉ11.19 - 12.53* దుర్ముహూర్తము : *సా4.32 - 5.22* అమృతకాలం : *రా8.43 - 10.17* రాహుకాలం : *సా4.30 - 6.00* యమగండం : *మ12.00 - 1.30* సూర్యరాశి : *మేషం* చంద్రరాశి : *సింహం* సూర్యోదయం : 5.41, సూర్యాస్తమయం : 6.13, *_నేటి మాట_* *దైవానుగ్రహం కలగాలంటే??...* మనకి అనుభవంలోకి వచ్చిన ప్రయోజనం వెనుక అవ్యక్తంగా ఉన్న పరమాత్మను గుర్తిస్తే దైవానుగ్రహం నిరంతరంగా ఎలా వర్షిస్తుందో తెలుస్తుంది. దైవం యొక్క స్వరూపమే అనుగ్రహం అనే విషయం అప్పుడు అర్థమవుతుంది. తల్లి కడుపులో చిన్న వీర్యపు బిందువుగా మొదలైన మన జీవితం తొమ్మిది నెలల్లో చక్కని రూపుదిద్దుకోవడం మనకు అనుగ్రహంగా కనిపించటంలేదు. పుట్టినప్పుడు జానెడు పకందుగా ఉండి ఆ తర్వాత ఆరడుగులు పెరగడంలో ఆశ్చర్యం కలగటంలేదు. కానీ ఎవరో ఎక్కడో ఏదో ఒక వస్తువు సృష్టించారని తెలిస్తే తెగ ఆశ్చర్యపోతాం. మనం అనుభవించటం మినహా స్వయంగా చేయలేని ఎన్నో విషయాలు ప్రకృతి మనకు అందిస్తుంది. మనతో నిమిత్తం లేకుండా జరిగిపోయే పనంతా దైవమే!!... గులాబీ మొక్క నాటి నీళ్ళు పోస్తే, పువ్వు సిద్ధమవుతుంది, కానీ ఇది దైవానుగ్రహం అని మనకు అనిపించదు. మామిడిపండులోని తియ్యదనం అంటే ఇష్టపడతాం. అది మనకు లభించటాన్ని అనుగ్రహం అంటాం. పండులో తియ్యదనం ద్వారా వ్యక్తమైన అనుగ్రహం భూమిలో టెంకె నాటినప్పుడే ఉంది. రుచికరమైన వంటచేసి పెట్టినవారి శ్రమను గుర్తించి కృతజ్ఞతలు చెప్తాం. కానీ అసలు ఆ వంటకు మూలమైన ఆహార పదార్థాలను అందించిన దైవానుగ్రహాన్ని మనం గుర్తించం. _అలానే!!..._ ఈ సృష్టి అంతా దైవానుగ్రహంగా వ్యక్తమవుతుంటే... కొంత మంది మాత్రం పరిమిత ఫలాల్ని ఆశించి అవి నెరవేరటాన్ని బట్టి అనుగ్రహాన్ని కొలతలు వేసుకుంటారు... అది సరైనది కాదు, అన్నింటిలో దైవాన్ని చూసినప్పుడే నీకు దైవానుగ్రహము కలుగుతుంది... *_🎡శుభమస్తు🎡_* 🙏సమస్త లోకా సుఖినోభవంతు 🙏