തരംഗിണി. കതിരിട്ടൊഴുകുന്ന പുഴയൊന്നു ചൊല്ലി കണ്ണീർ തുടച്ചിടാൻ വന്നിടാമോ കൂടെ കദനം നിറയുന്ന കരിമിഴിയൊന്നു പൂട്ടി കലങ്ങി മറിഞ്ഞുവോളങ്ങൾ ഗദ്ഗദമായി കാലം പിരിച്ച കുന്നിന്നോർമ്മകളലകളായി കാവ്യമായൊഴുകി അടിത്തട്ടിൽ മണലു നീറി കല്പം മദിച്ച തെളിനീരരാരെയോ തേടിയലഞ്ഞു കുതുകികളവളിൻ നെഞ്ചുരുക്കി വിത്തം നുണഞ്ഞു കല്ലോലിനി ചിലങ്കയിലവളിൻ തേങ്ങലൊതുക്കി കട്ടെടുക്കാനാർത്തിയായ്‌ കടലു ഹുങ്കാരമായി കഥ പറയാൻ മിഥുനങ്ങളവളിൻ തോളിൽ മയങ്ങി കുലമൊരുക്കാൻ മാനവരവളിൻ മാംസം വിറ്റൊടുക്കി കറുകകളവളിൻ നെഞ്ചിൽ പിതൃപിണ്ഡമായൊഴുകി കൂരിരുട്ടിളവളിൻ ശിരസ്സിൽ ദേവിക്കൊഴുക്കി ഗുരുതി കാഴ്ചകളൊരുക്കാൻ നമ്മളവളെ വിസർജ്ജ്യമാക്കി കംബോജമില്ലാ കൈകളാലവൾ പൃഥ്വിയിൽ ഭിക്ഷ തേടി കുരുന്നിന്നിദയം വളരും പോലവൾ ഋതുമതിയായി കരാളഹസ്തങ്ങളാൽ വാരിധിയവളിൻ ചൂടിലുറങ്ങി കല്മഷം നിറഞ്ഞവൾ തുരുതുരാ ചുടു കണ്ണീരൊഴുക്കി കാലം ചിരിക്കവേ കടലിലവളൊരു ശവമായി മുങ്ങി...! false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #😎 ബുധനാഴ്ച സ്പെഷൽ സ്റ്റാറ്റസ് #💌 പ്രണയം #🌍 എൻ്റെ കേരളം