శీర్షిక : బుజ్జమ్మ ఆటలే ఆడుతుందా పాటలే పాడుతుందా బోసి నవ్వుల బుజ్జి పాపాయి, నీ ఇంటి సంబరాలు అంబరాన్ని తాకేలా. ప్రాక్కుతూ పరిగెడుతుందా అమ్మా చెంగు పట్టుకుని చెంగు చెంగున దూకుతుందా, ముచ్చట్లు వైభోగం నీ వెంట తిరుగుతూ. అమ్మతనం తీయదనం సంక ఎక్కి లోకాన్ని చూస్తూ గుండె నిండా పోసిందా, నీలోని సంతోషం ఆనంద తీరాలను తాకుతూ ఉంటుంటే ప్రతిరోజు పండుగే నీ ఇంట్లో అ సందడితో. ముంగిట్లో వైభోగాన్ని కనులారా చూసాక కంట్లోని కలను కూడా నాకొద్దు పొమ్మంది, ఏనాటి పుణ్య ఫలమో ఈనాడు నీ ఇంటికి వచ్చింది. స్వర్గాన్ని తెచ్చింది ఒడిలోకి వచ్చేసి కష్టాన్ని కను మాయ చేసి, పట్టరాని ఆనందాన్ని ముంగిట్లో గుమ్మరిస్తే గుండె ఏమో దాచేస్తుంది, ఇది ఏమి చిత్రమో మునిపెన్నాడు చూడలేదు. మువ్వల సవ్వడి నవ్వుల కేరింతలు నట్టింట్లో నాట్యమాడుతుంటే నరలోక వైభోగం నా సొంతమయ్యిందని పొంగిపోతుంది, తనలోని దాగిన ఆనందం తనముందు తిరుగుతుంటే అమ్మా మనసు అమృతమై. ___________ మల్లిన గణపతి #✍️కవితలు