ଇଣ୍ଡୋନେସିଆର କାଲିମଣ୍ଟାନ ଅଂଚଳରୁ ଏକ ବଡ ଦୁଃଖଦ ଘଟଣା ଆସିଛି । ଗତ କିଛି ସମୟ ହେବ ନିଖୋଜ ଥିବା ଏକ ହେଲିକ୍ୟାପ୍ଟରର ଭଗ୍ନାବିଶେଷ ଦର୍ଗମ ଘଞ୍ଚ ଜଙ୍ଗଲରୁ ମିଳିଛି । ଏଥିରେ ଯାତ୍ରା କରୁଥିବା ସମସ୍ତ ୮ ଜଣ ଯାତ୍ରୀଙ୍କ ମୃତ୍ୟୁ ଘଟିଛି । ଏହା ଏକ ଦୁର୍ଗମ ଅଂଚଳ ହୋଇଥିବାରୁ ଉଦ୍ଧାରକାରୀ ଦଳଙ୍କୁ ଶବ ବାହାର କରିବାରେ ସମସ୍ୟା ଉପୁଜୁଛି ।ସେପଟେ ଉଦ୍ଧାରକାରୀ ଦଳଙ୍କ ଅଧିକାରୀ କହିଛନ୍ତି ଯେ, ବର୍ତ୍ତମାନ ସୁଧା ୪ ଜଣଙ୍କ ମୃତଦେହକୁ ସଫଳତାର ସହ ବାହାର କରାଯାଇଥିବାବେଳେ ବର୍ତ୍ତମାନ ପର୍ଯ୍ୟନ୍ତ ବାକି ଶବକୁ ସଫଳତାପୂର୍ବକ ବାହାର କରାଯାଇ ପାରି ନାହିଁ । ଉଦ୍ଧାର ହୋଇଥିବା ଶବଗୁଡିକୁ ଅଣାଯାଇ ବଡି ବ୍ୟାଗରେ ରଖାଯାଇଛି ।