##💯ഇൻസ്റ്റാഗ്രാം വീഡിയോസ് # 📽️ റീൽസ് വീഡിയോസ് # 📹 സ്റ്റോറീസ് വീഡിയോസ് # 🙋🏻‍♀️ എന്റെ വീഡിയോകൾ # 1961 മെയ് 1-ന് കോഴിക്കോട് ജില്ലയിലെ ഉള്ളിയേരിക്കടുത്ത് പുത്തഞ്ചേരി എന്ന കൊച്ചു ഗ്രാമത്തിലായിരുന്നു അദ്ദേഹത്തിന്റെ ജനനം....❤️ കോഴിക്കോടിന്റെ മണ്ണിൽ നിന്ന് മലയാള ചലച്ചിത്ര സംഗീതത്തിന്റെ നെറുകയിലേക്ക് പടർന്നു കയറിയ ഒരു ഇതിഹാസമായിരുന്നു #ഗിരീഷ്പുത്തഞ്ചേരി..... ❤️ എന്റെ പ്രിയപ്പെട്ട നാട്ടുകാരൻ ❤️ കവിയും ഗാനരചയിതാവും ആയിരുന്ന ഗിരീഷ് പുത്തഞ്ചേരിയുടെ ജന്മദിനമാണ് ഇന്ന്... മലയാളത്തിന്റെ തൂലികാ വസന്തം ഗിരീഷ് പുത്തഞ്ചേരിയുടെ പിറന്നാൾ ഓർമ്മകളിലൂടെ 😍 "വേനൽ കിനാവിന്റെ ചെപ്പിൽ വീണു മയങ്ങുമെൻ മുത്തേ നിന്നെ തഴുകി തലോടാൻ നിർവൃതിയോടെ പുണരാൻ ജന്മാന്തരത്തിൻ പുണ്യം പോലെ ....... മേലെ മേലെ വാനം വാനം നീളെ മഞ്ഞിൻ കൂടാരം "❤️ ജ്യോതിഷ പണ്ഡിതനായ പുളിക്കൽ കൃഷ്ണപ്പണിക്കരുടെയും കർണ്ണാടക സംഗീതജ്ഞയായ മീനാക്ഷിയമ്മയുടെയും മകനായി സാംസ്‌കാരികമായി സമ്പന്നമായ ഒരു ചുറ്റുപാടിൽ അദ്ദേഹം വളർന്നു. ആയുർവേദവും സംഗീതവും പാരമ്പര്യമായി കിട്ടിയ ആ മനസ്സ് സ്കൂൾ കാലം മുതൽക്കേ കവിതകളോട് പ്രണയത്തിലായിരുന്നു. പ്രാഥമിക വിദ്യാഭ്യാസം പുത്തഞ്ചേരി ജി.എൽ.പി സ്കൂൾ, മൊടക്കല്ലൂർ എ.യു.പി സ്കൂൾ എന്നിവിടങ്ങളിൽ ആയിരുന്നു.... ഹയർ സെക്കൻഡറി വിദ്യാഭ്യാസം ഉള്ളിയേരിയിലെ പാലോറ ഹയർ സെക്കൻഡറി സ്കൂൾ....❤️ മീഞ്ചന്തയിലെ ഗവൺമെന്റ് കോളേജിൽ നിന്ന് കലയിലും സാഹിത്യത്തിലും ബിരുദവും നേടി. കോഴിക്കോട് ആകാശവാണിക്ക് വേണ്ടി ലളിതഗാനങ്ങൾ എഴുതി തുടങ്ങിയ അദ്ദേഹം, 1990-ൽ 'എൻക്വയറി' എന്ന ചിത്രത്തിലൂടെയാണ് സിനിമാലോകത്തേക്ക് കാലെടുത്തു വെക്കുന്നത്. "ജന്മാന്തരങ്ങളിൽ", "ഒരു സ്നേഹതീരം" എന്നീ ഗാനങ്ങളിലൂടെ തുടങ്ങിയ ആ യാത്ര പിന്നീട് രണ്ടായിരത്തോളം ഹിറ്റ് ഗാനങ്ങളിലേക്ക് വളർന്നു. പ്രണയവും വിരഹവും ഭക്തിയും ദർശനങ്ങളും ഗിരീഷിന്റെ പേനയിൽ ഒരേപോലെ വഴങ്ങിയിരുന്നു. "ജോണി വാക്കറിലെ" 'ശാന്തമീ രാത്രിയിൽ...' എന്ന ഗാനം അദ്ദേഹത്തിന്റെ കരിയറിലെ വലിയൊരു വഴിത്തിരിവായി..... ❤️ "വിദ്യാസാഗറിനൊപ്പം ചേർന്നപ്പോൾ പിറന്ന "പിന്നെയും പിന്നെയും ആരോ..", "കരിമിഴി കുരുവിയേ.." തുടങ്ങിയ ഗാനങ്ങൾ ഇന്നും യുവാക്കളുടെ പ്രണയഗീതങ്ങളാണ്...... 😍 "ഹരിമുരളീരവം.." പോലെയുള്ള ക്ലാസിക്കുകൾ അദ്ദേഹത്തിന്റെ വരികളുടെ ഗാംഭീര്യം വിളിച്ചോതുന്നു.... 🔥 കേവലം ഒരു ഗാനരചയിതാവ് മാത്രമല്ലായിരുന്നു അദ്ദേഹം. 'മേലേപ്പറമ്പിൽ ആൺവീട്' എന്ന ചിത്രത്തിന് കഥയൊരുക്കിയതും, 'വടക്കുംനാഥൻ', 'കിന്നരിപ്പുഴയോരം', 'പല്ലാവൂർ ദേവനാരായണൻ'എന്നീ ചിത്രങ്ങൾക്ക് തിരക്കഥയെഴുതിയതും ഗിരീഷ് എന്ന പ്രതിഭയുടെ വൈഭവം തെളിയിക്കുന്നവയാണ്...... ❤️ ഗാനരചനയിൽ സംഗീത സംവിധാനത്തിലും അദ്ദേഹം തന്റെ താൽപ്പര്യം പ്രകടിപ്പിച്ചിരുന്നു.