#😭थलपती विजयच्या चाहत्याने स्वतःचा गळा चिरून घेतला साऊथ सुपरस्टार थलापती विजयने सिनेसृष्टीला रामराम ठोकत राजकारणात एन्ट्री केली. विजय जवळपास ३६ वर्षांपासून चित्रपटसृष्टीत सक्रिय असून त्यांनी एकापाठोपाठ एक हिट चित्रपट दिले. त्याची राजकारणातील एन्ट्री देखील हिट ठरली. विजय थलापतीच्या चाहत्यांकडून खूप चांगला प्रतिसाद मिळत आहे. या निवडणुकीत विजय थलापतीच्या पक्षाचे काय होतंय याकडे सगळ्यांचे लक्ष लागले आहे. निवडणुकीचा निकाल जाहीर होण्यापूर्वी त्याच्या एका चाहत्याने आत्महत्येचा प्रयत्न केला. त्याने गळा चिरून घेतला. विजय थलापतीचा पराभव होणार या अफवेमुळे त्याच्या चाहत्याने आत्महत्येचा प्रयत्न केला. सुदैवाने त्याचे प्राण वाचले. पण आता निकालादरम्यान विजय थलापतीचा पक्ष चांगली बाजी मारताना दिसत आहे. विजय थलापतीचा चाहता महेंद्र हा २८ वर्षांचा आहे. तो तमिळनाडूतील कृष्णगिरी येथील रहिवासी आहे. विजय थलापतीचा पक्ष टीव्हीकेचा विधानसभा निवडणुकीत पराभव होईल अशा अफवा पसरल्या होत्या. यावर महेंद्रने विश्वास ठेवला होता. या अफवांवर विश्वास ठेवत त्याने चाकूने स्वत:चा गळा चिरून आत्महत्येचा प्रयत्न केला. विजयच्या पराभवाच्या भीतीने त्याने मतमोजणीपूर्वी आत्महत्येचा प्रयत्न केला. Also read: Tamil Nadu Election Results: मोठी उलथापालथ! थलापति विजय मुख्यमंत्री होणार? तामिळनाडूत सर्वात मोठा उलटफेर महेंद्र घराबाहेर चाकू घेऊन उभा होता. अचानक त्याने चाकू गळ्यावरून फिरवत आत्महत्येचा प्रयत्न केला. आसपासच्या लोकांनी तात्काळ त्याला जखमी अवस्थेत रुग्णालयात दाखल केले. वेळेत रुग्णालयात नेल्यामुळे त्याचे प्राण वाचले. महेंद्रवर सध्या उपचार सुरू आहेत. पोलिसांनी सांगितले की, मतमोजणीपूर्वी टीव्हीके पक्षाच्या पराभवाच्या अफवा पसरल्या होत्या. यामुळे महेंद्र खूप अवस्थ झाला आणि त्याने आत्महत्येचा प्रयत्न केला.