ஓம் நமோ நரசிம்மாய நரசிம்ம ஜெயந்தி நாளை (April 30) சிம்மத்தின் கர்ஜனையும், பக்தனின் அன்பும் கலந்த தெய்வீக நிகழ்வான ஸ்ரீ நரசிம்ம ஜெயந்தி நம்மை நெருங்கிக் கொண்டிருக்கிறது! மகாவிஷ்ணுவின் மிகவும் உக்கிரமான, அதே நேரத்தில் பக்தர்களுக்கு அள்ளிக் கொடுக்கும் கருணைமிக்க இந்த அவதாரத்தை வரவேற்க நாமும் தயாராவோம். 2026 ஸ்ரீ நரசிம்ம ஜெயந்தி: ஒரு தெய்வீக அறிமுகம் 2026-ஆம் ஆண்டில், ஸ்ரீ நரசிம்ம ஜெயந்தி ஏப்ரல் 30, வியாழக்கிழமை அன்று வெகு விமர்சையாகக் கொண்டாடப்படுகிறது. விஷ்ணுவின் அனைத்து அவதாரங்களையும் விட, நரசிம்மர் அவதாரம் மிகவும் விசேஷமானது. ஏனென்றால், பிரகலாதன் என்ற ஒரு சிறுவனுக்காக அவர் தூணிலிருந்து வெளிப்பட்டு, இரணியனை வதம் செய்து தர்மத்தை நிலைநிறுத்தினார். நரசிம்ம ஜெயந்தியின் முக்கியத்துவமும் மகிமையும் நரசிம்மரை வழிபடுவது பல நன்மைகளைத் தரும்: பயம் நீங்கும்: மன பயம், எதிரிகள் பயம் மற்றும் அனைத்து விதமான அச்சுறுத்தல்களிலிருந்தும் நரசிம்மர் நம்மைக் காப்பார். கடன் தொல்லை தீரும்: நீண்ட கால கடன் பிரச்சனைகளில் இருந்து விடுதலை பெற நரசிம்மர் வழிபாடு உதவும். நினைத்தது நிறைவேறும்: ஆழ்ந்த நம்பிக்கையுடனும் பக்திடனும் வழிபட்டால், நாம் நினைத்த காரியங்கள் அனைத்தும் கைக்கூடும். எதிரிகள் அழிவர்: நம்மைச் சுற்றியுள்ள தீய சக்திகள் மற்றும் எதிரிகளின் கெட்ட எண்ணங்கள் அழியும். 2026 ஸ்ரீ நரசிம்ம ஜெயந்தி: முக்கிய நேரங்கள் நரசிம்ம ஜெயந்தி தேதி: ஏப்ரல் 30, 2026 (வியாழன்) சதுர்த்தசி திதி தொடக்கம்: ஏப்ரல் 29, இரவு 07:51 மணி சதுர்த்தசி திதி முடிவு: ஏப்ரல் 30, இரவு 09:12 மணி மதிய சங்கல்பம்: காலை 10:59 முதல் மதியம் 01:38 வரை சாயங்கால பூஜை: மாலை 04:17 முதல் மாலை 06:56 வரை. இந்த நேரமே வழிபாட்டிற்கு மிக உகந்ததாகும். விரதத்தை முடிக்கும் நேரம் (Parana Time): மே 01, காலை 06:11 மணிக்கு மேல். நரசிம்ம ஜெயந்தி வழிபாட்டு முறை விரதம்: அதிகாலையில் நீராடி, பகல் முழுவதும் உபவாசம் இருப்பது சிறந்தது. அபிஷேகம்: வீட்டில் சிலை இருந்தால் பால், தயிர், தேன், நெய் மற்றும் சர்க்கரை கலந்த பஞ்சாமிர்தம் கொண்டு அபிஷேகம் செய்யலாம். பானகம், இளநீர் அல்லது பால் அபிஷேகம் செய்வதும் விசேஷம். அலங்காரம்: நரசிம்மர் படம் அல்லது சிலைக்கு சந்தனம், பூக்கள் (குறிப்பாக துளசி மற்றும் செவ்வரளி) கொண்டு அலங்கரிக்கவும். மந்திரங்கள்: நரசிம்ம காயத்ரி மந்திரம் மற்றும் நரசிம்ம மூல மந்திரத்தை 108 முறை ஜபிப்பது மிகுந்த பலன் தரும். சந்தன காப்பு: பல ஆலயங்களில் அன்று நரசிம்மருக்கு முழுமையாக சந்தனக் காப்பு அலங்காரம் செய்யப்படுவது வழக்கமாகும். தீபங்கள்: மாலை நேரத்தில் நரசிம்மர் அவதரித்த அந்த அந்திப் பொழுதில் விளக்கேற்றி வழிபடுவது அனைத்து விதமான பயங்களையும் போக்கி நலம் பயக்கும். சக்திவாய்ந்த மந்திரங்கள்: 1. நரசிம்ம காயத்ரி மந்திரம்: ஓம் வஜ்ரநகாய வித்மஹே தீக்ஷ்ண தம்ஷ்ட்ராய தீமஹி | தன்னோ நரசிம்ஹ ப்ரசோதயாத் 2. நரசிம்ம மூல மந்திரம்: உக்ரம் வீரம் மகாவிஷ்ணும் ஜ்வலந்தம் சர்வதோ முகம் | நரசிம்மம் பீஷணம் பத்ரம் மிருத்யும் மிருத்யும் நமாம்யஹம் தரிசிக்க வேண்டிய முக்கிய நரசிம்மர் கோவில்கள்: சோளிங்கர் (யோக நரசிம்மர்): சோளிங்கர் மலையில் அமைந்துள்ள இந்த கோவில் மிகவும் பழமையானது. திருவல்லிக்கேணி (அழகியசிங்கர்): சென்னை, திருவல்லிக்கேணியில் அமைந்துள்ள இந்த கோவில் மிகவும் புகழ் பெற்றது. நாமக்கல் (மலைக்கோட்டை நரசிம்மர்): நாமக்கல் நகரில் மலைக்கோட்டை மீது அமைந்துள்ள இந்த கோவில் மிகவும் அழகானது. சிங்கப்பெருமாள் கோவில் (பாடலாத்ரி நரசிம்மர்): காஞ்சிபுரம் மாவட்டத்தில் அமைந்துள்ள இந்த கோவில் மிகவும் பழமையானது. அவரை வணங்க மனதில் பயத்திற்கு இடமே இல்லை.ஆக,மனம் பலவீனமாகும் பொழுதும்,எங்கே தோற்று விடுவோமோ என்று பயந்து பின் தங்கும் பொழுதும் நரசிம்மரை மனதார நினைத்து சொல்லி வழிபட வேண்டிய மந்திரத்தை பற்றி பார்ப்போம். மந்திரம்: “உக்ரம் வீரம் மஹாவிஷ்ணும் ஜ்வலந்தம் ஸர்வ தோமுகம் ந்ருஸிம்ஹம் பீஷணம் பத்ரம் ம்ருத்யும் ம்ருத்யும் நமாம்யஹம்” எங்கு இருந்தாலும்,எந்த சூழலில் தவித்து கொண்டு இருந்தாலும் இந்த மந்திரத்தை சொல்லுங்கள்.பிறகு பிரபஞ்சம் நடத்தும் அதிசயத்தை பார்க்கலாம்.தர்மத்திற்கு வெற்றி நிச்சயம் என்பது அழிக்கமுடியாத உண்மை.ஆக,வருவதை தைரியமாக போராடி வெற்றி காண்போம். ✨️மறக்காமல் பானகம். நைவேத்யம் ✨️செய்து வழிபடுங்கள் #🤔 ஆன்மீக சிந்தனைகள் #🥰அன்புடன் காலை வணக்கம்🌞 #🙏பெருமாள் #🙏ஏகாதசி🕉️ #🌻🌻காலை வணக்கம்🌻🌻