#🙏હિન્દૂ દેવી-દેવતા🌺 #👣 જય મેલડી માઁ #રામાયણ🏹 🌞અયોધ્યા કાંડ.. 39 ༺꧁📙 🌞 હરિ દૂત 🕊 https://www.facebook.com/share/p/17ztTS4ptk/ 🌞 .. .. શ્રીરામે ભરતને આશ્વાસન આપવા અનેક દષ્ટાંતો આપી ને કહ્યું કે-ભાઈ,તમે ખોટો શોક ના કરો.જીવ ની ગતિ ઈશ્વરાધીન છે.હું નિશ્ચયપૂર્વક કહું છું કે,ત્રણે ભવનો ના પુણ્યાત્મા લોકો,તમારા કરતાં ઉતરતા છે. હે ભરત,તમારા નામ નું સ્મરણ કરતાં સર્વ તાપ,પાપ,અજ્ઞાન અને અમંગલનો નાશ થશે, અને આ લોકમાં તથા પરલોકમાં સુખ પ્રાપ્ત થશે. વેર અને પ્રેમ ઢાંક્યાં ઢંકાતાં નથી,પારધી ને જોતાં જ પશુ પંખીઓ ભાગી જાય છે અને મુનિઓ પાસે તે નિર્ભય થઇ ને ફરે છે.પશુપંખીઓ પણ પ્રેમ ને ઓળખે છે,તો મનુષ્ય કેમ ઓળખી શકે નહિ? હું તમને ઓળખું છું.તેથી તમે જે કહો તે કરવા હું તૈયાર છું. ભરતજી રામજીની કૃપા થી ગદગદ થયા છે,બે હાથ જોડી તેમણે કહ્યું કે-હવે હું શું કહું ને શું કહેવડાવું? હું ખોટા ભયથી ડરી ગયો હતો,મારા શોક નું કોઈ મૂળ જ નહોતું.પણ આપની મારા પર અપરંપાર કૃપા છે, હું આપનો સેવક છું અને આપને શરણે આવ્યો છું. સેવકનું હિત તે સ્વામી ની સેવા છે,સેવકે પોતાના સુખ નો વિચાર કરવો જોઈએ નહિ,એથી હવે આપજ કહો કે જેમાં આપને કોઈ ક્ષોભ ના રહે.અને મારું હિત થાય. આપ આજ્ઞા કરો તે પ્રમાણે કરવા હું તૈયાર છું. અમે રાજ્યતિલક ની સામગ્રી લઈને આવ્યા છીએ.આપણે રાજ્યતિલક કરવામાં આવે ને આપ અયોધ્યા પધારી અયોધ્યા ને સનાથ કરો. --આપ અને લક્ષ્મણ અયોધ્યા પધારો ને હું અને શત્રુઘ્ન વનવાસ ભોગવીશું, --અથવા લક્ષ્મણ-શત્રુઘ્ન અયોધ્યા જાય ને હું આપની સાથે વનવાસ ભોગવું, --અથવા અમે ત્રણે ભાઈઓ વનમાં રહીશું અને આપ સીતાજી સાથે અયોધ્યા જાઓ. હું સત્યભાવે કહું છું કે-આપ જે આજ્ઞા કરશો તે હું માથે ચડાવીશ. તે જ વખતે જનકરાજાના દૂતો ત્યાં પધાર્યા.એટલે વાત ત્યાંજ અટકી. બીજે દિવસે,જનકરાજા,રાણી તરહ ગુરૂ શતાનંદ વગેરે ત્યાં આવી પહોંચ્યા.શોક નો સાગર ફરીથી ઉમટ્યો. જનકરાજા બ્રહ્મનિષ્ઠ હતા તેમ છતાં સીતાજી નો તપસ્વી વેશ જોઈ તેમનું હૃદય ભરાઈ આવ્યું. વશિષ્ઠજી એ તેમને આશ્વાસન આપ્યું. એ આખો દિવસ ભોજન ની વાત તો દૂર રહી કોઈએ પાણી સુધ્ધાં પીધું નહિ. સીતાજી ને જોઈ ને માતાઓના દુઃખ નો પણ પાર નહોતો. કૌશલ્યાજી કહે છે કે-આ વિધાતા ને શું કહેવું?દૂધના ફીણ જેવી કોમળ ચીજ ને તે વજ્ર ના ટાંકણાથી તોડે છે.સુમીત્રાજી કહે છે કે-વિધાતા વિવેક-શૂન્ય છે. ત્યારે કૌશલ્યાજી કહે છે કે-કોઈનો વાંક નથી,સુખ-દુઃખ બધું કર્માધીન છે,કર્મ ની ગતિ ગહન છે,ઈશ્વરની આજ્ઞા વગર કાંઇ થતું નથી.રામ,લક્ષ્મણ સીતા વનમાં આવ્યા છે તો તેનું કંઈ સારું જ પરિણામ આવશે. મને તો ચિંતા એકલા ભરતની છે.હું કદી રામના સોગંધ ખાતી નથી પણ આજે હું રામના સોગંધ ખાઈ ને કહું છું કે-ભરતના શીલ-ગુણ ની કોઈ જોડ નથી,મારે મન તો ભરત પણ કુળ નો દીવો છે.છતાં પણ મને બીક એ છે કે-ભરત રામ વગર જીવી નહિ શકે,લક્ષ્મણ ને બદલે રામની જોડે જ એનું રહેવાનું થાય તો સારું.તેમણે આ વાત જનકરાજા ને કરવાનું સીતાજી ની માતાજી ને કહ્યું. માતા પિતા ને પ્રેમને લીધે સીતાજી પણ વ્યાકુળ થયાં હતાં.જનકરાજાએ તેમને પોતાની સાથે લઇ જવાનું ઈચ્છયું.પણ સીતાજી એ કહ્યું કે-જ્યાં મારા પતિ ત્યાં હું.મારા પતિ નો વનવાસ એ મારો પણ વનવાસ છે. હું એમના સુખ-દુઃખ ની ભાગીદાર છું. ત્યારે જનકે કહ્યું કે-બેટા,તેં તો બેઉ કુળ પવિત્ર કર્યા છે. ભરતજીનો વ્યવહાર જોઈ જનકરાજા પ્રેમવિહવળ બની ગયા હતા.તેથી જયારે સીતાજી ની માતાએ, કૌશલ્યાજી એ ભરત માટે કરેલી વાત કહી,ત્યારે જનકરાજા ના અંતરમાં ખૂબ આનંદ થયો. તેમની આંખો પ્રેમાશ્રુ થી છલકાઈ,થોડીક વાર તેઓ આંખો મીંચી ને તેનો આનંદ માણી રહ્યા અને પછી બોલ્યા-કે-હું કર્મનિષ્ઠ,રાજનીતિજ્ઞ ને બ્રહ્મજ્ઞાની ગણાઉં છું,પરંતુ ભરતજીના પ્રેમને મારી બુદ્ધિ પહોંચી શકતી નથી.ભરતજી નું ચરિત્ર ગંગાજી કરતાં યે પવિત્ર છે.અને અમૃત કરતાં યે મધુર છે. ભરતજી ની જગમાં કોઈ જોડ નથી,ભરતજી નો મહિમા અપાર છે,મેરુ (પર્વત) ને તોળી શકાશે પણ ભરતજી ની મહિમા નું માપ નહિ કાઢી શકાય. તેમનો મહિમા કેવળ રામચંદ્રજી જ જાણે છે,પરંતુ તે પણ તેનુ વર્ણન કરી શક્યા નથી. હું જોઈ શક્યો છું કે-રામ સમતા ની સીમા છે,પણ ભરતનો પ્રેમ એ મમતા ની અવધિ છે. (#રામાયણ🏹 સરળ સમજૂતી સાથે.. તમને સમજાય તેવી સરળ શૈલી માં.. દરરોજ facebook માં..) ❛❛🕉️🏹જય શ્રી રામ🙏❜❜ ❛❛🕉️ જય હનુમાન દાદા 🙏❜❜