ମହାପ୍ରଭୁଙ୍କୁ ଦର୍ଶନ କରିବେ । ଆଶୀର୍ବାଦ ନେଇ ଘରକୁ ଫେରିବେ । ସେହି ଆଶା ନେଇ ଘରୁ ବାହାରିଥିଲେ । ହେଲେ ଜଗା ଦର୍ଶନ ପୂର୍ବରୁ ଘଟିଲା ଦୁର୍ଘଟଣା । ରାସ୍ତା ପାଶ୍ୱର୍ ଗଛରେ ପିଟିହେଲା ବୋଲେରୋ । ଗୁରୁତର ଆହତ ହେଲେ ୧୦ ଶ୍ରଦ୍ଧାଳୁ । ଆଜି ସକାଳେ ଏମିତି ଏକ ମର୍ମନ୍ତୁଦ ସଡ଼କ ଦୁର୍ଘଟଣା ନୀରାକାରପୁର- ପୁରୀ ରାସ୍ତାରେ ଘଟିଛି ।ଗଞ୍ଜାମ ଜିଲ୍ଲା ସୋରଡ଼ା ଅଞ୍ଚଳର ୧୦ରୁ ଅଧିକ ଶ୍ରଦ୍ଧାଳୁ ଏକ ବୋଲେରୋରେ ଜଗା ଦର୍ଶନ ପାଇଁ ଶ୍ରୀକ୍ଷେତ୍ର ପୁରୀ ଯାଉଥିଲେ । ତେବେ ପୁରୀ-ନୀରାକାରପୁର ରାସ୍ତାରେ ପିପିଲିଠାରେ ରାସ୍ତା ପାଶ୍ୱର୍ ଏକ ଗଛରେ ପିଟି ହୋଇଥିଲା ବୋଲେରୋ । ଯାହାଫଳରେ ଗାଡ଼ିରେ ଥିବା ୧୦ରୁ ଅଧିକ ଶ୍ରଦ୍ଧାଳୁ ଗୁରୁତର ଆହତ ହୋଇଥିଲେ । ସମସ୍ତଙ୍କୁ ଉଦ୍ଧାର କରାଯାଇ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଥିଲା । ପରେ ସେମାନଙ୍କୁ ପୁରୀ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି । ସେମାନଙ୍କ ଭିତରୁ କେତେକ ଶ୍ରଦ୍ଧାଳୁଙ୍କ ସ୍ୱାସ୍ଥ୍ୟ ଅବସ୍ଥା ସଙ୍କଟାପନ୍ନ ରହିଥିବା ଜଣାପଡ଼ିଛି । #🥺ବଡ଼ ଦୁର୍ଘଟଣାର ଶିକାର ହେଲେ 10 ଜଗା ଭକ୍ତ🔴