യഹോവയുടെ കണ്ണു തങ്കൽ ഏകാഗ്രചിത്തന്മാരായിരിക്കുന്നവർക്കു വേണ്ടി തന്നെത്താൻ ബലവാനെന്നു കാണിക്കേണ്ടതിന്നു ഭൂമിയിലെല്ലാടവും ഊടാടിക്കൊണ്ടിരിക്കുന്നു...(2 ദിനവൃത്താന്തം 16:9) ദൈവം പൂർണ്ണമായി അവനോടു സമർപ്പിക്കപ്പെട്ട ഹൃദയങ്ങളെയാണ് അന്വേഷിക്കുന്നത്. ഏറ്റവും കഴിവുള്ളവരെയോ സമ്പന്നരെയോ ശക്തരെയോ അല്ല, മറിച്ച് അവനിൽ പൂർണ്ണമായി ആശ്രയിക്കുന്നവരെയാണ് ദൈവം അന്വേഷിക്കുന്നത്. വിശ്വാസികൾ വിശ്വസ്തരായി നിലകൊള്ളുമ്പോൾ, ദൈവം തന്റെ ശക്തി അത്ഭുതകരമായി വെളിപ്പെടുത്തുന്നു. അതിന്റെ ഒരു ആധുനിക ഉദാഹരണമാണ് ബ്രദർ ആൻഡ്രൂ. അദ്ദേഹം ഒരു ഡച്ച് ക്രിസ്തീയ മിഷനറിയും “ഓപ്പൺ ഡോഴ്‌സ്” എന്ന ക്രിസ്തീയ സംഘടനയുടെ സ്ഥാപകനുമായിരുന്നു. ശീതയുദ്ധകാലത്ത് കമ്മ്യൂണിസ്റ്റ് രാജ്യങ്ങളിലേക്ക് അദ്ദേഹം രഹസ്യമായി ബൈബിളുകളും മറ്റ് ക്രിസ്തീയ സാഹിത്യങ്ങളും എത്തിച്ചു. അതുകൊണ്ടുതന്നെ അദ്ദേഹം “ഗോഡ്സ് സ്മഗ്ലർ” എന്ന പേരിലും അറിയപ്പെട്ടു. നിരവധി അപകടങ്ങളുടെയും അതിർത്തി പരിശോധനകളുടെയും നടുവിൽ അദ്ദേഹം പ്രാർത്ഥിച്ചിരുന്നത്: “കർത്താവേ, കാണുന്ന കണ്ണുകളെ അന്ധമാക്കണമേ” എന്നായിരുന്നു. ദൈവം പലവട്ടം അത്ഭുതകരമായി അദ്ദേഹത്തെ കാത്തുസൂക്ഷിച്ചു. വിശ്വാസത്തിലും അനുസരണയിലും നടക്കുന്നവർക്കായി ദൈവം ശക്തനായി പ്രവർത്തിക്കുന്നുവെന്ന് അദ്ദേഹത്തിന്റെ ജീവിതം നമ്മെ ഓർമ്മിപ്പിക്കുന്നു. ക്രിസ്തുവിനോടുള്ള വിശ്വസ്തതയുടെ ഒരു പ്രവൃത്തിയും ദൈവത്തിന്റെ ശ്രദ്ധയിൽപ്പെടാതെ പോകുന്നില്ല. നമ്മുടെ ഹൃദയം പൂർണ്ണമായി കർത്താവിനായാൽ, അവന്റെ ശക്തി നമ്മുടെ ജീവിതത്തിൽ മഹത്വത്തോടെ പ്രവർത്തിക്കും. ഡോ. ജോൺസൺ ചെറിയാൻ #🙏🏼 ഭക്തി #✝ ബൈബിൾ വചനം #😇 എന്റെ യേശു