#😳 പാർട്ടിക്കിടയിൽ ആ നടിയെ പരസ്യമായി ചുംബിച്ചു; വീണ്ടും വെളിപ്പെടുത്തൽ പീഡനവും വഞ്ചനയും ആരോപിച്ച്‌ സജ്‌നയുടെ തുറന്നുപറച്ചിൽ🥺 Bigg Boss Malayalam വഴി ശ്രദ്ധ നേടിയ സജ്‌നയും ഫിറോസ് ഖാനും തമ്മിലുള്ള വിവാഹമോചനവുമായി ബന്ധപ്പെട്ട വിവാദങ്ങൾ ശക്തമാകുന്നതിനിടെ, സംഭവത്തെ കുറിച്ച് കൂടുതൽ വ്യക്തത വരുത്തി രംഗത്തെത്തിയിരിക്കുകയാണ് സജ്‌ന നൂർ. സോഷ്യൽ മീഡിയയിൽ പങ്കുവെച്ച വീഡിയോയിൽ, വിവാഹജീവിതത്തിൽ നേരിട്ടുവെന്നു പറയുന്ന ശാരീരികവും മാനസികവുമായ പീഡനങ്ങളും വഞ്ചനകളും സജ്‌ന വിശദമായി തുറന്നുപറയുന്നു. ഇത് തന്റെ രണ്ടാം വിവാഹമായിരുന്നുവെന്നും, ആദ്യ വിവാഹത്തിലെ മകളെ സ്നേഹത്തോടെ നോക്കാമെന്ന ഉറപ്പിലാണ് ഫിറോസ് വിവാഹം കഴിച്ചതെന്നും സജ്‌ന പറയുന്നു. എന്നാൽ വിവാഹത്തിന് ശേഷം വളരെ വേഗം തന്നെ തന്റെ കുഞ്ഞിനെ കാണുന്നതിൽ നിയന്ത്രണങ്ങൾ ഉണ്ടായതായും, ഗർഭിണിയായിരുന്ന സമയത്തുപോലും കുടുംബത്തോട് ബന്ധപ്പെടാൻ അനുവദിച്ചില്ലെന്നുമാണ് ആരോപണം. പ്രസവത്തിന് പിന്നാലെ ഫിറോസിന്റെ ഫോണിൽ മറ്റൊരു സ്ത്രീയുമായുള്ള അശ്ലീല സംഭാഷണം കേട്ടതോടെ താൻ മാനസികമായി തകർന്നുപോയെന്നും, അതിന്റെ ആഘാതത്തിൽ ആത്മഹത്യക്ക് പോലും ശ്രമിച്ചുവെന്നും അവർ പറയുന്നു. തുടർന്ന് എറണാകുളത്ത് താമസം മാറിയപ്പോൾ സിനിമാ സെറ്റിൽ മറ്റൊരു യുവതിയുമായി ഫിറോസിനെ നേരിൽ കണ്ടുവെന്നും, പിന്നീട് മറ്റു ബന്ധങ്ങളെക്കുറിച്ചും സംശയങ്ങൾ ശക്തമായതായും സജ്‌ന ആരോപിക്കുന്നു. ഷിയാസ് കരീമിന്റെ കേസുമായി ബന്ധപ്പെട്ട ഒരു യുവതിയുമായും ഫിറോസിന് അടുത്ത ബന്ധമുണ്ടായിരുന്നു. ഇത്തരം വഞ്ചനകള്‍ സഹിക്കാനാവാതെയാണ് ബന്ധം വേർപെടുത്താൻ ഞാൻ തീരുമാനിച്ചത്.ഈ സാഹചര്യങ്ങളാണ് ബന്ധം അവസാനിപ്പിക്കാൻ തനിക്ക് പ്രേരണയായതെന്നും, ഇതിനകം തന്നെ നിയമനടപടികൾ ആരംഭിച്ചതായും അവർ വ്യക്തമാക്കുന്നു. “ഇനി പേടിച്ചുകൊണ്ട് ജീവിക്കാൻ കഴിയില്ല. എന്റെ കുഞ്ഞുങ്ങൾക്കായി ഞാൻ മുന്നോട്ട് പോകും,” എന്ന നിലപാടോടെയാണ് സജ്‌ന പ്രതികരണം അവസാനിപ്പിച്ചത്. വിഷയത്തിൽ കൂടുതൽ നിയമപരമായ നീക്കങ്ങൾ ഉണ്ടാകുമെന്ന സൂചനയുണ്ട്