ଝାଡ଼ଖଣ୍ଡର ଚତ୍ରା ଜିଲ୍ଲାରୁ ଏକ ଚାଞ୍ଚଲ୍ୟକର ତଥା ଆଶ୍ଚର୍ଯ୍ୟଜନକ ମାମଲା ସାମ୍ନାକୁ ଆସିଛି, ଯାହା ପାଗଳାମୀର ସବୁ ସୀମା ପାର୍ କରିଦେଇଛି । ଜଣେ ୪୬ ବର୍ଷୀୟ ବ୍ୟକ୍ତି ମଦ ନିଶାରେ ଚୂର ହୋଇ ଗୋଟିଏ ନୁହେଁ ବରଂ ଦୁଇ ଦୁଇଟି ସାପକୁ ଚୋବେଇ ଚୋବେଇ ଖାଇଯାଇଛି । ବର୍ତ୍ତମାନ ଉକ୍ତ ବ୍ୟକ୍ତିଜଣକ ଅତ୍ୟନ୍ତ ଗୁରୁତର ଅବସ୍ଥାରେ ଡାକ୍ତରଖାନାରେ ଜୀବନ ମରଣ ସହ ସଂଗ୍ରାମ କରୁଛନ୍ତି । ଏହି ଅଜବ ଘଟଣାଟି ଚତ୍ରା ଜିଲ୍ଲାର କୁନ୍ଦା ଥାନା ଅନ୍ତର୍ଗତ ବରୱାଡିହ ଟୋଲା ଗାଁରେ ଘଟିଛି ।ସୂଚନା ଅନୁଯାୟୀ, ଶନିବାର ଦିନ ଗାଁର ବୁଧନ ଭାରତୀ ନାମକ ଜଣେ ବ୍ୟକ୍ତି ମଦ ପିଇ ନିଜ ସାଙ୍ଗମାନଙ୍କ ସହ ତାସ ଖେଳୁଥିଲେ । ଏହି ସମୟରେ ପାଖ କ୍ଷେତରୁ ଏକ ବିଷଧର ସାପ ଧାଇଁ ଆସି ବୁଧନଙ୍କୁ କାମୁଡ଼ିବାକୁ ଚେଷ୍ଟା କରିଥିଲା । ସାଧାରଣତଃ ସାପ ଦେଖିଲେ ଲୋକେ ଦୂରକୁ ପଳାନ୍ତି, କିନ୍ତୁ ମଦ ନିଶାରେ ଥିବା ବୁଧନ ସାପଟିକୁ ଝାମ୍ପ ମାରି ହାତରେ ଧରି ପକାଇଥିଲେ । ପାଖରେ ଥିବା ସାଙ୍ଗମାନେ ଚିତ୍କାର କରି ବାରଣ କରୁଥିଲେ ମଧ୍ୟ ସେ କାହାରି କଥା ନଶୁଣି ସାପଟିକୁ ଜୀବନ୍ତା ଚୋବାଇ ଚୋବାଇ ଖାଇଯାଇଥିଲେ ।ଗୋଟିଏ ସାପକୁ ସମ୍ପୂର୍ଣ୍ଣ ଖାଇବା ପରେ ମଧ୍ୟ ବୁଧନଙ୍କ ମନ ଭରିନଥିଲା । ସେ ନିଶାର ଏଭଳି ଚରମ ସୀମାରେ ଥିଲେ ଯେ ତାଙ୍କୁ ନିଜ ଜୀବନର ସାମାନ୍ୟ ଭୟ ନଥିଲା । ପ୍ରତ୍ୟକ୍ଷଦର୍ଶୀଙ୍କ ଅନୁଯାୟୀ, ସେ ସଙ୍ଗେ ସଙ୍ଗେ ପାଖ କ୍ଷେତକୁ ଦୌଡ଼ି ଯାଇଥିଲେ, ଯେଉଁଠାରେ ଗ୍ରାମବାସୀମାନେ ଅନ୍ୟ ଏକ ମରା ସାପକୁ ଫିଙ୍ଗି ଦେଇଥିଲେ । ବୁଧନ ସେହି ମରା ସାପକୁ ମଧ୍ୟ ଉଠାଇ ଚୋବାଇ ଖାଇଯାଇଥିଲେ ।ଏହାପରେ ସେ ପୁଣି ଆସି ମଦ ପିଇଥିଲେ ଏବଂ ଆଉ ଏକ ସାପକୁ ଧରି ଖାଇବାକୁ ଯାଉଥିବା ବେଳେ ଗ୍ରାମବାସୀଙ୍କଠାରୁ ଖବର ପାଇ ତାଙ୍କ ପରିବାର ଲୋକେ କାନ୍ଦି କାନ୍ଦି ସେଠାରେ ପହଞ୍ଚିଥିଲେ । ପରିବାର ଲୋକଙ୍କ ବହୁ ନେହୁରା ଏବଂ ହାତ ଗୋଡ଼ ଧରିବା ପରେ ବୁଧନ ଅଟକି ଯାଇଥିଲେ । #🐉2ଟି ଜୀଅନ୍ତା ସାପକୁ ଚୋବାଇ ଖାଇଗଲା ପାଷାଣ୍ଡ😱