#😡ਪੰਜਾਬ: ਰੋਣ ਤੋਂ ਦੁਖੀ ਮਾਂ ਵੱਲੋਂ 21 ਮਹੀਨੇ ਦੀ ਧੀ ਦਾ ਕਤਲ ਪਟਿਆਲਾ ਦੇ ਪਿੰਡ ਖੇੜਕੀ ਵਿੱਚ ਇੱਕ ਮਾਂ ਨੇ ਆਪਣੀ ਹੀ 21 ਮਹੀਨੇ ਦੀ ਧੀ ਨੂੰ ਚਾਕੂ ਮਾਰ ਕੇ ਕਤਲ ਕਰ ਦਿੱਤਾ। ਇਸ ਦੀ ਪੁਸਟੀ ਕਰਦੇ ਹੋਏ ਥਾਣਾ ਪਸਿਆਣਾ ਦੇ ਐਸ.ਐਚ.ਓ. ਇੰਸ: ਗੁਰਪ੍ਰੀਤ ਸਿੰਘ ਹਾਂਡਾ ਨੇ ਦੱਸਿਆ ਕਿ ਮਾਂ ਡਿਪ੍ਰੈਸ਼ਰ ਦਾ ਸ਼ਿਕਾਰ ਸੀ ਅਤੇ ਜਦੋਂ ਬੱਚੀ ਦੇ ਲਗਾਤਾਰ ਰੋਣ ਤੋਂ ਮਾਂ ਐਨੀ ਦੁਖੀ ਹੋ ਗਈ ਕਿ ਉਸਨੇ ਆਪਣੀ 21 ਮਹੀਨੇ ਦੀ ਧੀ ਦੇ ਚਾਕੂ ਨਾਲ ਵਾਰ ਕਰਕੇ ਉਸ ਦਾ ਕਤਲ ਕਰ ਦਿੱਤਾ। ਪਹਿਲਾਂ ਪਰਿਵਾਰ ਨੇ ਪੁਲਸ ਨੇ ਇਸ ਨੂੰ ਇੱਕ ਹਾਦਸਾ ਕਰਾਰ ਦੇ ਕੇ ਗੁੰਮਰਾਹ ਕਰਨ ਦੀ ਕੋਸ਼ਿਸ ਕੀਤੀ ਪਰ ਜਦੋਂ ਪੁਲਸ ਨੇ ਮਾਮਲੇ ਦੀ ਤਫਤੀਸ਼ ਸ਼ੁਰੂ ਕੀਤੀ ਤਾਂ ਪਤਾ ਲੱਗਿਆ ਕਿ ਬੱਚੀ ਨੂੰ ਮਾਂ ਨੇ ਕਤਲ ਕੀਤਾ ਹੈ ਤਾਂ ਪੁਲਸ ਨੇ ਬੱਚੀ ਦੀ ਮਾਤਾ ਲਵਪ੍ਰੀਤ ਕੌਰ ਨੂੰ ਗ੍ਰਿਫਤਾਰ ਕਰਕੇ ਉਸ ਦੇ ਖਿਲਾਫ ਕਤਲ ਦਾ ਕੇਸ ਦਰਜ ਕਰਕੇ ਉਸ ਨੂੰ ਜੇਲ ਭੇਜ ਦਿੱਤਾ ਹੈ। ਇੰਸ: ਹਾਂਡਾ ਨੇ ਦੱਸਿਆ ਕਿ ਬੱਚੀ ਦਾ ਜਨਤ ਅਗਸਤ 2024 ਦਾ ਸੀ ਅਤੇ ਅਜੇ ਦੋ ਸਾਲ ਦੀ ਵੀ ਪੁਰੀ ਨਹੀਂ ਸੀ ਹੋਈ। ਉਨ੍ਹਾਂ ਦੱਸਿਆ ਕਿ ਔਰਤ ਦਾ ਪਤੀ ਖੇਤੀਬਾੜੀ ਦਾ ਹੀ ਕੰਮ ਕਰਦਾ ਹੈ।