भारतीय ऑटोमोबाईल मार्केटमध्ये आपले अव्वल स्थान टिकवून ठेवण्यासाठी मारुति सुझुकीने मोठी कंबर कसली आहे. 2030 पर्यंत 50 टक्के बाजारपेठेवर कब्जा मिळवण्याच्या उद्देशाने कंपनी 5 नवीन सब-4 मीटर कार लाँच करण्याच्या तयारीत आहे. यामध्ये ग्राहकांच्या पसंतीस उतरलेल्या ब्रेझा आणि फ्रॉन्क्सच्या फेसलिफ्ट मॉडेल्सचाही समावेश असणार आहे. मारुतिच्या या नवीन प्लॅनमुळे प्रतिस्पर्धी कंपन्यांचे धाबे दणाणले आहेत.