ବାହା ହେବା ପାଇଁ ଚାହୁଁଛନ୍ତି କି? ମ୍ୟାଟ୍ରିମୋନିଆଲ ସାଇଟ୍‌ରେ ରେଜିଷ୍ଟ୍ରି କରିଛନ୍ତି କି? ହୁସିଆର ହୋଇଯାଆନ୍ତୁ ଆପଣଙ୍କ ପାଖକୁ ଆସିପାରେ ‘ଏଆଇ’ ଭିଡ଼ିଓ କଲ୍‌। ଯେଉଁଥିରେ ଜଣେ ମହିଳା ଅଳ୍ପ ମୁହଁ ଦେଖାଇ ମିଠା ମିଠା କଥା କହି କରିଦେଉଛି ପକେଟ ଖାଲି। ଏପରି ଏକ ଗ୍ୟାଙ୍ଗ ଉତ୍ତରପ୍ରଦେଶର କାନପୁରରୁ ଠାବ ହୋଇଛି। ଉତ୍ତରପ୍ରଦେଶ ପୋଲିସ ଏହି ମାମଲାରେ ଜଣ ଯୁବକଙ୍କୁ ଗିରଫ କରିଥିବା ବେଳେ ୩ ଜଣ ଫେରାର ହୋଇଯାଇଛନ୍ତି।ପୋଲିସର କହିବା ଅନୁସାରେ ରଞ୍ଜିତ, ଅମିତ କୁମାର, ଜାଗୃତି ଓ ଅନ୍ୟ ଜଣେ ଯୁବକ ମିଶି ବିବାହ ପ୍ରଲୋଭନ ଦେଖାଇ ଯୁବକଙ୍କୁ ଠକୁଥିଲେ। ଏମାନଙ୍କ ଫଣ୍ଡା ଏକ୍‌ଦମ୍ କ୍ଲିୟର। ଏମାନେ ପ୍ରଥମେ ଫେସ୍‌ବୁକ୍ ଓ ଇନ୍‌ଷ୍ଟାଗ୍ରାମରୁ ସୁନ୍ଦର ସୁନ୍ଦର ଯୁବତୀଙ୍କ ଫଟୋ ସଂଗ୍ରହ କରୁଥିଲେ। ସେହି ଫଟୋକୁ ବ୍ୟବହାର କରି ସେମାନେ ଏଆଇ ଟୁଲ୍ସ ତିଆରି କରୁଥିଲେ। ସେହି ଟୁଲ୍ସକୁ ‘ପରଫେକ୍ଟ ରିସ୍ତା’, ‘ଶାଦୀ ମ୍ୟାଚ୍’ ଓ ‘ଶାଦୀ ମ୍ୟାଚ୍ ଇଣ୍ଡିଆ’ ଭଳି ନାଁରେ ମ୍ୟାଟ୍ରିମୋନିଆଲ ସାଇଟରେ ଅପ୍‌ଲୋଡ଼ କରୁଥିଲେ। ପରବର୍ତ୍ତୀ ସମୟରେ ଅବବାହିତ ଯୁବକଙ୍କୁ ଟାର୍ଗେଟ କରୁଥିଲେ। ବିଭିନ୍ନ ସୋସିଆଲ ମିଡିଆରୁ ଯୁବକଙ୍କ ଫୋନ୍ ନମ୍ବର ସଂଗ୍ରହ କରୁଥିଲେ। ଆଉ ସେହି ନମ୍ବରରେ ଫୋନ୍ କରି ବିବାହ ପାଇଁ ପ୍ରସ୍ତାବ ଦେଉଥିଲେ।ବକରା ଫସିବା ପରେ ମ୍ୟାଟ୍ରିମୋନିଆଲ ସାଇଟରେ ରେଜିଷ୍ଟି ଓ ଅନ୍ୟାନ୍ୟ ବାହାନାରେ ମୋଟା ଅଙ୍କର ଅର୍ଥ ଆଦାୟ କରୁଥିଲେ। ରେଜିଷ୍ଟ୍ରେସନ୍ କାମ ସରିବା ପରେ ଆରମ୍ଭ ହେଉଥିଲା ପ୍ରକୃତ ଖେଳ। ବିବାହ ପାଇଁ ଅପେକ୍ଷା କରିଥିବା ଯୁବକଙ୍କ ପାଖକୁ ମହିଳାଙ୍କ ସ୍ୱରରେ ଫୋନ୍ କରୁଥିଲେ। ବେଳେ ବେଳେ ଭିଡ଼ିଓ କଲ କରୁଥିଲେ। #💔ଧୋକା ଦେଉଥିଲା AI ଦୁଲହନ🤖