🌷🌷🌷దైవ మర్మములు - Bro. Bakht Singh🌷🌷🌷 🛐 Daily Devotional 🛐 Theme of the Month: దేవుని స్వరము వినుటలోని రహస్యములు Monday, June 8 *''నీ మార్గమును నాకు స్పష్టముగా కనుపరచుము'' (కీర్తన 5:8).* యేసుక్రీస్తు ప్రభువు తన శిష్యులను ఒక ఎత్తైన పర్వతము మీదికి తీసికొని వెళ్లి రూపాంతరము పొందెను. ఆ సమయమున ''ఈయన నా ప్రియ కుమారుడు, ఈయన యందు నేనానందించుచున్నా''నని ఆకాశము నుండి ఒక స్వరము వినబడెను. మనము దైవిక జీవితము జీవించవలెనని కోరిన యెడల మన పాత స్వభావమునకు మరణించవలెనని యిచ్చట మనము నేర్చుకొనుచున్నాము. యేసు ప్రభువు సహాయము లేకుండా మన పాత స్వభావమునకు మనము చనిపోలేము. మన పాత స్వభావము నిమిత్తము మనము మరణించుటకు సహాయపడుటకే ప్రభువు మరణించెను. దీనికి ఋజువు ఏమనగా ' మనము ఆయన మరణములో ఐక్యపరచుకొని ఆయనకు విధేయులమైనప్పుడు ఆయన దైవిక వెలుగు మన ముఖములపై ప్రకాశించును. ఆయన మహిమ యొక్క తేజస్సు మన ముఖములపై ప్రకాశించును. నూతన జీవమును అనగా ఆయన పునురుత్థాన జీవమును మనలో పోయుటకు యేసుక్రీస్తు ప్రభువు తిరిగి లేచెను. ఆ జీవము మనలో పోయబడినప్పుడే ఆయన మెల్లని స్వరమును వినగలము. అది మానవ స్వరము కాదు గాని నిజముగా దేవుని మెల్లని స్వరము. ఆయనను వెంబడించినప్పుడే అనుభవము ద్వారా ఆ స్వరమును మనము యెరుగగలము. సామాన్యమైన దైవిక మార్గమును వెంబడించి ఆయన శక్తిని పొందిన యెడల అనుదినము ప్రతి ప్రశ్నకు జవాబియ్యబడును. ఈ సామాన్యమైన మార్గమును అనుసరించుటకు హృదయపూర్వకముగా పశ్చాత్తాపము నొందవలెను. ఏ పాపమును దాచుకొనక ఒప్పుకొనవలెను. ''నా పాపముల నిమిత్తము యేసుక్రీస్తు మరణించె''నని హృదయపూర్వకముగా నమ్మవలెను. ఆయన నీ కొరకై మరణించినందులకు కృతజ్ఞతాస్తుతులు చెల్లించవలెను. అనుదినము ''ఓ దేవా, నీ వాక్యమునుండి మరుగైన సంగతులను నాకు నేర్పించుము. ఈ దినమునకు, భవిష్యత్తు నిమ్తిమతు నీ ఏర్పాటును చూపించుము'' అని అడుగుము. అప్పుడు ప్రతి దినము మీరు దేవుని స్వరమును వినెదరు. Download Daily Devotions by Brother Bakht Singh Mobile App, using link: https://rb.gy/iv32b1 #📀యేసయ్య కీర్తనలు🎙 #😇My Status Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com