ବଢ଼ିଲା ବାତ୍ୟା ଭୟ। ଜିଏଫଏସ୍ ମଡେଲ୍ ପରେ ୟୁରୋପିଆନ ଫୋରକାଷ୍ଟ ମଡେଲର ଆକଳନ। ବଙ୍ଗୋପସାଗରରେ ହେବ ବଡ଼ ବାତ୍ୟା।ଜିଏଫଏସ୍ ମଡେଲ୍ ଆକଳନ କରୁଛି ମେ’ ୧୦ ତାରିଖ ବେଳକୁ ଆଣ୍ଡାମାନ ସାଗର ଅଞ୍ଚଳରେ ଏକ ଘୂର୍ଣ୍ଣିବଳୟ ସୃଷ୍ଟି ହେବାର ସମ୍ଭାବନ ରହିଛି। ଫଳରେ ଏହା ଅଧିକ ଘନୀଭୂତ ହୋଇ ଓଡ଼ିଶା ଓ ପଶ୍ଚିମବଙ୍ଗ ମୁହାଁ ହେବ।ଏହାପରେ ମେ’ ୧୬ ତାରିକ ବେଳକୁ ଏହା ଉପକୂଳ ଛୁଇଁବାର ସମ୍ଭାବନା ରହିଛି। ହଁ ଆଜ୍ଞା  ମେ’ ମାସ ଆସିବା ମାତ୍ରେ ଘନେଇ ଥାଏ ବାତ୍ୟାର ଭୟ। ୨୦୨୦ରେ ବାତ୍ୟା ଅମ୍ଫାନ ସମାନ ଅଞ୍ଚଳରେ ସୃଷ୍ଟି ହୋଇଥିଲା।ଏହାସହ ୧୬ ମେ’ ସୁଦ୍ଧା ପଶ୍ଚିମବଙ୍ଗ ଏବଂ ଓଡିଶା ଉପକୂଳରେ ତାଣ୍ଡବ ରଚିବା ସହ ବ୍ୟାପକ କ୍ଷୟକ୍ଷତି କରିଥିଲା। ବର୍ତ୍ତମାନ ବଙ୍ଗୋପସାଗର ପାଣିପାଗର କାରକଗୁଡ଼ିକ ମଧ୍ୟ ବାତ୍ୟା ସୃଷ୍ଟିକୁ ସୁହାଇବା ଭଳି ରହିଛି। ବଙ୍ଗୋପସାଗରରେ MJO ସକ୍ରିୟ ଥିବା ବେଳେ ତରଙ୍ଗାୟିତ ବାୟୁ ପ୍ରବାହ ବି ସକ୍ରିୟ ରହିଛି।ଏହି ତରଙ୍ଗାୟିତ ପ୍ରବାହ ପ୍ରଭାବରେ ଏପ୍ରିଲ ଏବଂ ମେ’ ମାସରେ ଉଭୟ ଆରବସାଗର ଓ ବଙ୍ଗୋପସାଗର ଅଞ୍ଚଳରେ ବାତ୍ୟା ସୃଷ୍ଟି ପାଇଁ ପାଣିପାଗକୁ ସକ୍ରିୟ କରାଇଥାଏ। ସେପଟେ ଆଣ୍ଡାମାନରେ ବାଦଲ ଆଚ୍ଛାଦନ ଦେଖାଦେଲାଣି। ତେବେ ଏହା ବାତ୍ୟା ନା ଲଘୁଚାପ ୪୮ ଘଣ୍ଟା ଭିତରେ ସ୍ପଷ୍ଟ ହେବ ଚିତ୍ର।