ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/ml6GWZqk?d=n&ui=v64j8rk&e1=cപെയ്തൊഴിയാതെ ഭാഗം...21 *********** സ്പീഡിൽ വണ്ടി പറപ്പിച്ചു വിടുമ്പോഴും, അവന്റെ ഉള്ളിൽ അവളോടുള്ള ദേഷ്യം ആളികത്തി.... എല്ലാവരുടെയും ഇടയിൽവെച്ച് ഒരുത്തി തന്നെ കടന്ന് പിടിച്ച് ഉമ്മ വെച്ചിരിക്കുന്നു.. ഛെ... "ഇത് വരെ ആരുടെയും മുഖത്ത് പോലും നോക്കാത്ത എന്നെ... അവരുടെയൊക്കെ ഇടയിൽ വെച്ചവൾ മോശക്കാരനാക്കിയിരിക്കുന്നു അവൻ ദേഷ്യത്തോടെ പറപ്പിച്ചു വിടുമ്പോഴും അറിയാതെ ഒരു പുഞ്ചിരി അവന്റെ ചുണ്ടിൽ വിരിയുന്നുണ്ടായിരുന്നു...കൂടെ അവളെ അടിച്ചതിന്റെ കുറ്റബോധവും. 🌹🌹🌹 വീട്ടിൽ എത്തി കുളികഴിഞ്ഞു വേഷം മാറിയപ്പോഴും... ഉമ്മ എടുത്ത് വെച്ച ഫുഡെടുത്തു കഴിക്കുമ്പോഴും... അവന്റെ മനസ്സിൽ അവളുടെ... മുഖം നിറഞ്ഞു നിന്നു... റഫീ.... റഫീ..... എന്ന് വിളിക്കുന്നത് പോലെ അവന്റെ കാതുകളിൽ അലയടിച്ചു..... ശോ.... എന്തൊരു കഷ്ടമാണിത്... അവളുടെ മുഖം മനസ്സിൽ നിന്നും മായുന്നില്ലല്ലോ....അകം നിറച്ചങ്ങിനെ അവൾ നിറഞ്ഞു നിൽക്കുകയാണല്ലോ.... ഞാൻ അവളെ ഒരിക്കൽ പോലും പ്രണയത്തോടെ നോക്കിയിട്ടില്ല.... ഇഷ്ടം പറഞ്ഞു പുറകെ നടന്നിട്ടില്ല.. എന്തിന്....? അവളെ നോക്കി ഒന്ന് പുഞ്ചിരിച്ചിട്ടു പോലും ഇല്ല. എന്നിട്ടും അവൾക്കെങ്ങിനെ എന്നെ ഇങ്ങനെ സ്നേഹിക്കാൻ കഴിയുന്നു.. അതിന് മാത്രം എന്താ എനിക്കുള്ളത്.... ഛെ... പണ്ടാരം...കോളേജും അടച്ച് ഇനിയിപ്പോ...എങ്ങിനെ അവളെ ഒന്ന് കാണും...അവളോട് ക്ഷമ ചോദിക്കും.... റഫിയുടെ മനസ്സ്... അസ്വസ്ഥയായി... തെറ്റാണ് അവൾ ചെയ്തത് എങ്കിലും അടിക്കാൻ പാടില്ലായിരുന്നു. ഇഷ്ട്ടം മാറി വെറുപ്പായൊ പെണ്ണിന് എന്നോടാവൊ ..? " അവന്റെ ചിന്തകൾ ഏതാസമയവും അവൾക്ക് പിന്നാലെ പാറി നടന്നു... സ്പോർഡ്സിന്റെ മാസികയും കയ്യിൽ പിടിച്ച് മറിച്ചുനോക്കികൊണ്ടിരിക്കുന്ന സമയത്താണ് പോസ്റ്റ്മാൻ രാഘവേട്ടൻ നീട്ടി വിളിക്കുന്നത് കേട്ടത്.... "ആരും... ല്ലെ ഇവിടെ...? " റഫീഖ്... മാസികയും ചുരുട്ടിപിടിച്ചു കൊണ്ട് ഉമ്മറത്തേക്ക് എത്തി നോക്കി. "ആഹാ...രാഘവേട്ടനോ.. എന്തെ....?" "റഫീഖ്മോൻക്കൊരു കത്തുണ്ട്..." "എനിക്കോ...! എനിക്ക് ആര് കത്ത് എഴുതാൻ...." "മോൻ ചിന്തിച്ചു നിൽക്കാതെ ഇത് ഒപ്പിട്ട് വാങ്ങിക്ക്... എനിക്ക് ഇനിയും രണ്ട് മൂന്ന് വീടുകൂടി കയറി ഇറങ്ങാൻ ഉള്ളതാ...." റഫീഖ് ആശ്ചര്യത്തോടെ അത്‌ ഒപ്പിട്ട് വാങ്ങി.... "ഡാ....ആരാ...വന്നത്...? " ഉമ്മറത്തെ വാതിലിനപ്പുറം നിന്നുകൊണ്ട്....റഫീഖിന്റെ ഉമ്മ വിളിച്ച് ചോദിച്ചു.... "അതുപിന്നെ ഉമ്മാ... പോസ്റ്റ്മാൻ രാഘവേട്ടൻ.." "അയാൾ..എന്തിനാ വന്നത്. എന്താ... നിന്റെ കയ്യിൽ.." "അത്... പിന്നേ എഴുത്ത്..." "എഴുത്തോ... എന്തെഴുത്ത്..?" "ഉമ്മാ..തല ശെരിക്ക് തുവർത്താതെ ആണോ ഓടി.വന്നത്....പനിപിടിക്കില്ലേ...അവൻ കത്ത് പുറകിലേക്ക് പിടിച്ച് ഉമ്മയെ ഓരോന്ന് പറഞ്ഞുകൊണ്ട് റൂമിലേക്കയച്ചു...പിന്നെ അവന്റെ റൂമിലേക്ക് ഒരോട്ടം ആയിരുന്നു....ഡോറിന്റെ അടുത്ത് വന്ന് ഹാളിലേക്ക് ഒന്നെത്തിനോക്കി കൊണ്ട് വാതിൽ ലോക്കിട്ടു കൊണ്ട്. ബെഡിലേക്കിരുന്നു... കവറിന്റെ മുകളിൽ മാഹിറ എന്നെഴുതിയതും അവന്റെ നെഞ്ച് പിടപിടക്കാൻ തുടങ്ങി.. പൊട്ടിച്ച് നോക്കാതെ ആ കവറിലേക്കും നോക്കി അങ്ങിനെ കുറച്ചു നേരം ഇരുന്നു അവൻ... അല്ല... എന്താണാവോ ഇങ്ങനെ ഒരെഴുത്തിന്റെ ഉദ്ദേശം..... ഞാൻ അടിച്ചതിനു തെറിവിളിച്ചുകൊണ്ട് എഴുതിയതാണോ... അതോ അവളുടെ ആങ്ങളെയോ മറ്റോ... എന്നെ ഭീക്ഷണിപ്പെടുത്താൻ... യ്യോ... എങ്കിൽ പിന്നേ കവർ പൊട്ടിക്കാതെ നേരെ അടുപ്പിൽ കൊണ്ട് പോയി വെക്കുന്നതാ നല്ലത്... "അല്ല... ശെടാ..." ഇവൾക്ക് എന്റെ അഡ്രെസ്സ് എങ്ങിനെ കിട്ടി.... ഇനി ആങ്ങളമാരെ കൂട്ടി ഇങ്ങോട്ട് എങ്ങാനും വരുവോ....? " അടിക്കേണ്ടിയിരുന്നില്ല... എന്നാലും ഇതിനുള്ളിൽ എന്താ എഴുതിയേക്കുന്നെ എന്നറിയാഞ്ഞിട്ട് ഒരു സുഖം പോരാ.... ധൈര്യം സംഭരിച്ചു കൊണ്ട് പൊട്ടിക്കുകതന്നെ. കവറിന്റെ ഒരറ്റം പതിയെകീറി അവൻ പേപ്പർ പതിയെ പുറത്തെടുത്ത് നിവർത്തി... പ്രിയപ്പെട്ട.... എന്റെ രാജകുമാരന് ' എന്റെ ജീവന്റെ ജീവനായി എപ്പോഴോ..മാറിക്കഴിഞ്ഞ നിന്നെ എനിക്ക് ഒരുപാട് ഇഷ്ടം ആണെടോ..... അതുപോലെ നിനക്കും എന്നെ ഇഷ്ടം ആണെന്ന് ഞാൻ സ്വയം വിലയിരുത്തി. അതിന്റെ അഹങ്കാരത്തിൽ ആയിരുന്നുകുറച്ചു ദിവസം മുന്നേ...ഞാൻ കാട്ടികൂട്ടിയതല്ലാം... എന്നോട് ക്ഷെമിക്കു...റഫി. അതിൽ ഒരംശം പോലും തിരിച്ച് ഇങ്ങോട്ടില്ലന്ന് നിന്റെ അടികിട്ടിയപ്പോൾ എനിക്ക് ബോധ്യമായി...അതുകൊണ്ട് ഇനിയൊരിക്കലും നിന്റെ പിന്നാലെ നടന്നു ശല്യംചെയ്യാൻ ഞാൻ വരില്ല...എന്ന് മാഹിറ നിനക്ക് ഉറപ്പ് തരും.... എന്ന്...നീ ഒരിക്കലും കരുതണ്ട... ' നീ...എന്നെ ഇഷ്ടം ആണെന്ന് പറയുന്നത് വരെ അല്ലങ്കിൽ ആ ഖൽബിന്റെ കൂട്ടിൽ എന്നെ കുടിയിരുത്തുന്നത് വരെ ഞാൻ നിന്നെ ശല്യം ചെയ്തുകൊണ്ടിരിക്കും. ഇഷ്ടം ആണെടോ തന്നെ ഒരുപാട്... ഒരുപാട്... എന്റെ ഖൽബിന്റെ.... അങ്ങേ അറ്റത്തോളം.. ❤️ അവൻ കത്തിലേ വരികൾ വീണ്ടും...വീണ്ടും വായിച്ചു. ഖൽബിന്റെ ഉള്ളിൽ നിന്നും അറിയാതെ ഒരു പുഞ്ചിരി അവന്റെ ചുണ്ടിൽ വിരിഞ്ഞു... എഴുത്ത് ‌ മടക്കിപിടിച്ചുകൊണ്ട് അവന്റെ ഇടനെഞ്ചിലായി... ചേർത്തു പിടിച്ചു.... എടി...അമ്പടി.എവിടുന്ന് ഒപ്പിച്ചു....എന്റെ അഡ്രസ്സ്. നിന്റെ ചെക്കൻ ഞാൻ ആണെന്ന് നീ ഉറപ്പിച്ച സ്ഥിതിക്ക്.... എനിക്കും ഉറപ്പിക്കാതിരിക്കാൻ കഴിയുമോ..... കുഞ്ഞി പെണ്ണെ..... നീയാണ് എന്റെ പെണ്ണ്.... ഞാനും ഉറപ്പിച്ചു കഴിഞ്ഞു. "ഡാ..... റഫീ.... തുറക്കടാ.... വാതിൽ രാഘവൻ തന്ന പേപ്പറും കൊണ്ട് ഓടിയതാണല്ലോ നീ... എന്താ... അതിൽ.... ഇങ്ങോട്ട് കൊണ്ട് വന്നേ ഞാൻ നോക്കട്ടെ..." "അയ്യോ... പെട്ടോ..." ഉമ്മാനോട് എന്ത് പറയും. അത് ഉമ്മ വായിച്ചാൽ... ന്റെ റബ്ബേ.... അവൻ തലയിൽ കൈവെച്ചു..... "തുറക്കടാ.... ഈ ചെറുക്കൻ... എന്തെടുക്കാ...അവിടെ..?" അവൻ കത്ത് കയ്യിൽ പിടിച്ചുകൊണ്ടു ആകെ വെപ്രാളപെട്ടു... 'അള്ളോഹ്.' ഇതെവിടെ വെക്കും.... കാബോർടിന്റ വാതിൽ തുറന്ന് ഡ്രസ്സുകൾക്കടിയിലേക്ക് തിരികിവെച്ചു അവൻ.. അല്ലേൽ വേണ്ട.. ഞാൻ പുറത്തുപോകുന്ന സമയത്ത് എങ്ങാനും കാബോർഡ് തുറന്നാൽ..... സമാധാനം ഇല്ലാതെ എഴുത്ത് അതിൽ നിന്നെടുത്തുകൊണ്ട്... ബെഡിനടിയിലേക്ക് വെച്ചു കൊണ്ട് വാതിൽ തുറന്നു.. "എന്തടാ... നിന്റെ മുഖത്തൊരു കള്ള ലക്ഷണം..." "ഹേയ്... എന്ത്....ഒന്നുല്ലല്ലോ..' "വാതിൽ തുറക്കാതെ എന്ത് നോക്കിയിരിപ്പായിരുന്നു നീ...' "ഒന്നുല്ലല്ലോ... എന്റെ ഉമ്മാക്ക് അങ്ങിനെ തോന്നിയോ..." "പിന്നേ... ആ... ലെറ്റർ എവിടെ..? " "ലെറ്ററോ... ഏത് ലെറ്റർ..?" "എന്താടാ... നിനക്കൊരു വെപ്രാളം പോലെ..." "ഓഹ്....അതോ.... രാഘവേട്ടൻ തന്ന.. പേപ്പറാണോ...? " "ഈ... ചെക്കനെ... ഞാനിന്ന്.... നിന്ന് തപ്പികളിക്കാതെ അതിങ്ങ് താടാ.." "ഉമ്മാ... വിശന്നിട്ടു വെയ്യ. വന്നേ...എനിക്ക് എന്തേലും ത്താ.... വാ.. ഉമ്മാ... പേപ്പറൊക്കെ ഞാൻ തരാം... അത്... എക്സാം എഴുതാനുള്ളതാ..." "എക്സാം അല്ലേ..പ്പൊ.. കഴിഞ്ഞത്...." "അതെ... ഇനിയും വരുമല്ലോ.." "എന്നെ കളിപ്പിക്കാതെ അതിങ്ങെടുക്ക്... ഇത്രയും ദിവസം അങ്ങിനെ ഒരു പേപ്പർ വന്നിട്ടില്ലല്ലോ നീ എക്സാം എഴുതിയത്...." അതൊക്കെ ഞാൻ എടുത്ത് തരാം...ഉമ്മ അദ്യം വന്ന് വിശക്കുന്നതിന് എന്തേലും ത്താ.... അവൻ വയർ ഉഴിഞ്ഞുകൊണ്ട്... ഉമ്മാനെ ദയനീയമായി നോക്കി... ഉമ്മതിൽ വീഴുകയും ചെയ്തു. എന്തല്ലാംസംശയങ്ങളാ.. ഈ...ഉമ്മാക്ക്.....അവൻ സ്വയം ഉള്ളിൽ പറഞ്ഞുകൊണ്ട് ഉമ്മാന്റെ പിന്നാലെ അടുക്കളയിലേക്ക് നടന്നു. ❤️ എന്ത് പറ്റി...ഇക്കാ.... ഇക്കകരയാണോ..? " ജൂബിയുടെ ചോദ്യം കേട്ടുകൊണ്ടാണ് റഫീഖ് ചിന്തയിൽ നിന്നും ഉണർന്നത്. കണ്ണിന്റെ ഇരുവശങ്ങളീലൂടെയും ഒലിച്ചിറങ്ങിയ കണ്ണുനീർ കൈകൊണ്ട് വെപ്രാളപെട്ട് തുടച്ചുകൊണ്ടവൻ ബെഡിൽനിന്നും എഴുനേറ്റിരുന്നു.... "മ്മ്ഹ്.... ഓരോന്ന് ഓർത്ത് അറിയാതെ...." "ഇക്കാ... എന്ത് പറ്റി...? " "നിനക്കറിയോ...ജുബി... എന്റെ ഹൃദയത്തിലോട്ട് ഇടിച്ചു കയറി വന്നവളാ എന്റെ മാഹി. അവളെ ഞാൻ എത്ര മാത്രം സ്നേഹിച്ചിട്ടുണ്ടന്നോ... ഞാനൊരു മസിൽ മാൻ ആണെന്നും,സ്നേഹം പുറത്ത് കാണിക്കാൻ അറിയാത്തവൻ ആണന്നുമൊക്കെ.... പറഞ്ഞെന്നെ പലപ്പോഴും കളിയാക്കാറുണ്ടായിരുന്നു. എന്റെ എല്ലാ സ്വഭാവങ്ങളും അറിഞ്ഞു കൊണ്ടെന്നെ സ്നേഹിച്ചവൾ...എന്നെ കൂടെ കൂട്ടിയവൾ... അവൾക്ക് പിന്നീട് എന്താണ് സംഭവിച്ചത്...?" എന്റെ ഉള്ളിൽ ഉറങ്ങികിടന്നിരുന്ന ഇഷ്ടത്തെ പുറത്തേക്ക് ചാടിച്ചവൾ..., എല്ലാവരുടെ ഇടയിൽ വെച്ചും അവൾ എന്റേതാണന്ന് പറഞ്ഞു നടന്നിരുന്നവൾ., ഞങ്ങളുടെ സ്വാകാര്യ നിമിഷങ്ങളിലെ അവളുടെ രാജകുമാരൻ,മുശഡൻ, സ്നേഹം ഇല്ലാത്തവൻ.. ദേഷ്യം വരുമ്പോ അവളുടെ സംസാരം അതായിരുന്നു.... എന്നാലും എന്റെ ഖൽബിലേക്ക് സ്നേഹം വാരിക്കോരി തന്നിരുന്നവൾ. ഞങ്ങൾക്ക് ഒരു പെൺകുഞ് ജനിക്കണം എന്നായിരുന്നു. എന്റെ ആഗ്രഹം... അവൾക്ക് ആൺകുഞ്ഞും... പ്രസവം കഴിഞ്ഞ് അവളെ റൂമിലേക്ക് കൊണ്ട് വന്നപ്പോൾ അവൾ സന്തോഷം കൊണ്ട് തുള്ളിച്ചാടുകയായിരുന്നു. ഇക്കാ.... കണ്ടോ... പടച്ചവൻ എന്റെ പ്രാർത്ഥനയാണ് കേട്ടതെന്ന് പറഞ്ഞു എന്നെ കളിയാക്കിയിരുന്നു.... എവിടെയാണ് അവൾക്ക് തെറ്റ് പറ്റിയത്....? " എവിടെയാണ് എനിക്ക് പിഴച്ചത്...? " എന്നിൽ നിന്നും അകന്ന് മറ്റൊന്നിലേക്ക് ചെക്കാറാൻ മാത്രം എന്നിൽ വന്ന തെറ്റ് എന്താണ്....? " അങ്ങിനെ.... അങ്ങിനെ ഒരുപാട് ചോദ്യങ്ങൾ ഉണ്ടെന്റെ മനസ്സിൽ.... എന്റെ.... ന്റെ...കുഞ്ഞിപ്പെണ്ണിന്... അവൾക്ക്..... അവൾക്ക് എന്താ... ശെരിക്കും..... പറ്റി...യത്....? " ഞങ്ങൾക്കിടയിൽ ഒരു വില്ലനായി അവൻ കടന്ന് വന്നതെന്തിന്...? " റഫീഖ്....കൈ മുഖത്തോട് ചേർത്തു വെച്ചുകൊണ്ട് പൊട്ടി.. പൊട്ടി കരഞ്ഞു.... എന്ത് പറയണം എങ്ങിനെ ആശ്വാസിപ്പിക്കണം... എന്നറിയാതെ ജുബി അവനരികിലായി... ഇരുന്നു. അതിലുപരി എവിടെയോ.. ഇപ്പോഴും മാഹിറയോടുള്ള സ്നേഹം.... അവന്റെ ഉള്ളിന്റെ ഉള്ളിൽ കാത്തു വെച്ചിട്ടുണ്ട്. എന്നുള്ള ഭയവും അവളുടെ മനസ്സിൽ തിങ്ങി നിറഞ്ഞു.... (തുടരും ...... കണ്ണൂർകാരൻ 🌹🌹🌹🌹🌹 #✍ തുടർക്കഥ #📔 കഥ #📙 നോവൽ #💞 പ്രണയകഥകൾ #📚 ട്വിസ്റ്റ് കഥകൾ