#📝 ഞാൻ എഴുതിയ വരികൾ 💘✍️എന്റെ കുഞ്ഞു.. നിനക്കൊരു പ്രേമലേഖനം എഴുതണമെന്നുണ്ട്.... പക്ഷേ നിന്നെയോർക്കുമ്പോൾ എന്റെ വിരലുകൾ പോലും പ്രേമത്താൽ വിറക്കുമ്പോൾ എനിക്കെങ്ങനെ അതിന് പറ്റും.. നിന്നെ കുറിക്കുവാനുള്ള ശക്തി എന്റെ തൂലികക്കില്ല എന്നോർത്തിട്ടാണോ ആവോ അക്ഷരങ്ങൾ പോലും എന്നിൽ നിന്ന് തെന്നിമാറുന്നു.. നിന്നെ മാത്രം തൊട്ടാൽ മതിയെന്ന് വാശി പിടിച്ച നിന്നെ എഴുതാൻ ഞാൻ കടലാസ്സിൽ തൊട്ടാൽ നീ പിണങ്ങുമെന്നോർത്ത് അവരും എന്നിൽ നിന്നൊരകലം പാലിക്കുന്നുണ്ട്... അപ്പോൾ അവർക്ക് പോലും അറിയാം ഞാൻ നിന്റേത് മാത്രമാണെന്ന് എന്നിട്ടും നിനക്ക് മാത്രം പരാതിയും പരിഭവവും ഒഴിഞ്ഞൊരു നേരമില്ലല്ലോ എന്റെ പെണ്ണേ... നിന്റെ പരിഭവങ്ങൾ ഏറ്റ് വാങ്ങുവാൻ ഇനിയൊരു ജന്മം കൂടി കണ്ണനോട് ഞാൻ ചോദിച്ചു വാങ്ങുന്നുണ്ട്.. ആ ജന്മത്തിലും എന്റെ കൂടെ നീ വേണം എന്നോട് ഇണങ്ങുവാനും... പിണങ്ങുവാനും...ദേഷ്യം വരുമ്പോൾ എന്നെ ചീത്ത പറയാനും...ഞാൻ പിണങ്ങിയാൽ കരഞ്ഞു കൊണ്ടെന്റെ മാറോടൊട്ടാനും നീ വേണമെനിക്ക്..✍️𝗦𝗮𝗷𝗶𝘁𝗵💘