#✈️બાળક માટે ફ્લાઇટનું ઇમરજન્સી લેન્ડિંગ😱 અમદાવાદથી મુંબઈ જઈ રહેલી ફ્લાઈટમાં ત્રણ વર્ષનું એક બાળક અચાનક બેભાન થતાં અફરાતફરી મચી ગઈ હતી. બનાવને પગલે ફ્લાઈટમાં જાહેરાત કરવામાં આવી હતી કે, પેસેન્જર્સમાં કોઈ ડોક્ટર્સ હોય તો આગળ આવીને મદદ કરે. એનાઉન્સમેન્ટ બાદ તરત જ બે ડોક્ટર સામે આવ્યા અને બાળકને બચાવવાના પ્રયાસો હાથ ધર્યા હતા. પરંતુ તે નિષ્ફળ રહ્યા હતા. બાળકના શ્વાસ ચાલતા હોવાથી ડોક્ટર્સે તાત્કાલિક ક્રૂ મેમ્બર્સને કહ્યું કે બાળકને તાત્કાલિક મેડિકલ ટ્રીટમેન્ટની જરૂર છે. મામલાની ગંભીરતા જોઈ ક્રૂ મેમ્બરે પાયલોટનો સંપર્ક કર્યો હતો. પ્લેન સુરતના આકાશમાંથી પસાર થઈ રહ્યું હતું. પાયલોટે સુરત ATCનો સંપર્ક કર્યો અને પ્લેનની ઇમરજન્સી લેન્ડિંગ કર્યું હતું. રન-વે પર પહેલાથી જ હાજર મેડિકલ સ્ટાફ એમ્બ્યુલન્સ સાથે તૈયાર હતો અને પ્લેન લેન્ડ થતાં જ બાળકને એમ્બ્યુલન્સની મદદથી હોસ્પિટલ પહોંચાડવામાં આવ્યો હતો. જ્યાં હાલ તેની સ્થિતિ સુધારા પર હોવાનું જાણવા મળ્યું છે.