#😭35 ਸਾਲਾ ਮਸ਼ਹੂਰ ਅਦਾਕਾਰ ਦਾ ਦਿਹਾਂਤ ਮਨੋਰੰਜਨ ਜਗਤ ਤੋਂ ਇੱਕ ਬੇਹੱਦ ਮੰਦਭਾਗੀ ਖ਼ਬਰ ਸਾਹਮਣੇ ਆਈ ਹੈ। ਮਸ਼ਹੂਰ ਸੀਰੀਜ਼ 'ਗੇਮ ਆਫ ਥਰੋਨਸ' ਵਿੱਚ ਆਪਣੀ ਅਦਾਕਾਰੀ ਦਾ ਲੋਹਾ ਮਨਵਾਉਣ ਵਾਲੇ ਅਦਾਕਾਰ ਮਾਈਕਲ ਪੈਟਰਿਕ (ਅਸਲੀ ਨਾਮ ਮਾਈਕਲ ਕੈਂਪਬੈਲ) ਦਾ ਦਿਹਾਂਤ ਹੋ ਗਿਆ ਹੈ। ਉਹ ਸਿਰਫ਼ 35 ਸਾਲਾਂ ਦੇ ਸਨ ਅਤੇ ਪਿਛਲੇ ਕੁਝ ਸਮੇਂ ਤੋਂ 'ਮੋਟਰ ਨਿਊਰੋਨ ਡਿਜ਼ੀਜ਼' (MND) ਨਾਮਕ ਗੰਭੀਰ ਬਿਮਾਰੀ ਨਾਲ ਜੂਝ ਰਹੇ ਸਨ।ਮਾਈਕਲ ਨੇ ਮੰਗਲਵਾਰ, 7 ਅਪ੍ਰੈਲ ਨੂੰ ਉੱਤਰੀ ਆਇਰਲੈਂਡ ਦੇ ਇੱਕ ਹਸਪਤਾਲ ਵਿੱਚ ਆਖਰੀ ਸਾਹ ਲਏ। ਦੱਸਿਆ ਜਾ ਰਿਹਾ ਹੈ ਕਿ ਉਨ੍ਹਾਂ ਨੂੰ 10 ਦਿਨ ਪਹਿਲਾਂ ਹੀ ਉੱਥੇ ਦਾਖਲ ਕਰਵਾਇਆ ਗਿਆ ਸੀ। ਮਾਈਕਲ ਪੈਟਰਿਕ ਲਈ ਇਹ ਬਿਮਾਰੀ ਸਿਰਫ਼ ਇੱਕ ਸਰੀਰਕ ਕਸ਼ਟ ਨਹੀਂ ਸੀ, ਸਗੋਂ ਇੱਕ ਪਰਿਵਾਰਕ ਦੁਖਾਂਤ ਵੀ ਸੀ। ਜਦੋਂ ਮਾਈਕਲ ਛੋਟੇ ਸਨ, ਉਦੋਂ ਉਨ੍ਹਾਂ ਦੇ ਪਿਤਾ ਦੀ ਮੌਤ ਵੀ ਇਸੇ 'ਮੋਟਰ ਨਿਊਰੋਨ ਡਿਜ਼ੀਜ਼' ਕਾਰਨ ਹੋਈ ਸੀ। ਫਰਵਰੀ 2023 ਵਿੱਚ ਮਾਈਕਲ ਨੂੰ ਖੁਦ ਇਸ ਬਿਮਾਰੀ ਦਾ ਪਤਾ ਲੱਗਾ, ਜਿਸ ਤੋਂ ਬਾਅਦ ਉਨ੍ਹਾਂ ਦੇ ਤੇਜ਼ੀ ਨਾਲ ਵਧਦੇ ਕਰੀਅਰ ਨੂੰ ਗ੍ਰਹਿਣ ਲੱਗ ਗਿਆ।