ചാരുതയാർന്ന മൗനം ഓരോ ചുവടിലും തനിച്ചാണ് ഞാനിന്നെൻ, നിഴൽപോലും നോക്കുന്നു പരിഹാസമോടെ. കൂടെനടക്കുവാൻ പലരുമുണ്ടെന്നു ഞാൻ കൂട്ടുകൂടുമ്പോൾ വെറുതെ മോഹിച്ചു. മൂകമായ് ഓരോരോ ചിന്തകൾ കൊണ്ടെന്റെ മനസ്സിലും മൗനവും വ്യസനവും മാത്രം. വിജനമാമീവഴിയിൽ നോക്കെത്താ ദൂരത്ത് വിരിയുന്ന പൂക്കളോ പൊഴിയുന്നുണ്ടേറെ. പലപലയോർമ്മകൾ നെഞ്ചിലടുക്കി ഞാൻ നോവിന്റെയലകൾ മറക്കുവാൻ ശ്രമിക്കുന്നു. പണ്ട് നാമിരുവരും ചേർന്നു നടന്നൊരീ മണ്ണിന്റെ വിരിമാറിൽ മായാത്ത കൽപ്പാടുകളും, അന്നെന്റെ ചിരിയിൽ നീ കുളിരാർന്നു നിന്നതും ഇന്നും ഞാനോർക്കുന്നു; ഓർമ്മകൾ വിങ്ങുന്നു. കണ്ണീർക്കണങ്ങളാൽ വിതുമ്പുന്നോരെന്നെ പൂക്കളാൽ തഴുകുന്നു ഗുൽമോഹറും. നീറും മനസ്സിനെ ചിരിയാൽ മറച്ചു ഞാൻ പതിയെ നടക്കുന്നു നെടുവീർപ്പുമായി. ആരുമേ കാണരുതെന്നിലെ നൊമ്പരം, ആരുമേയറിയരുതിന്നെന്നിലെ മൗനം. നേർത്തൊരു പുഞ്ചിരിതൻ പൊയ്മുഖമണിഞ്ഞു, സുന്ദരിയായിന്നു ഞാൻ ചാരുതയാർന്നു… ✍️പവിഴമല്ലി #♥ പ്രണയം നിന്നോട് #💞 നിനക്കായ് #📝 ഞാൻ എഴുതിയ വരികൾ #😔 ഇമോഷണൽ സ്റ്റാറ്റസ് 😍 #❤️ പ്രണയം സ്റ്റാറ്റസുകൾ