ଇରାନ୍-ଆମେରିକା ଭିତରେ ଶାନ୍ତି ଆଲୋଚନା ବିଫଳର ହେବା ପରେ ପୁଣି ଯୁଦ୍ଧ ଆଶଙ୍କା ତେଜିଛି । ଏହାର ସିଧା ପ୍ରଭାବ ପଡିଛି ସେୟାର ବଜାର ଉପରେ। ସେନସେକ୍ସ ଖୋଲିବା ମାତ୍ରେ ୧୬ଶହ ଅଙ୍କ ଖସି ଯାଇଛି । ସେହିପରି ନିଫ୍ଟି  ମଧ୍ୟ  ୪୯୦ ପଏଣ୍ଟ ଖସି ଯାଇଛି। ପୁଣି ଇରାନ୍ ଉପରେ ଆକ୍ରମଣ ନେଇ ଟ୍ରମ୍ପ ନିର୍ଦ୍ଦେଶ ଦେଇଥିବା ଆମେରିକାର  ୱାଲ୍ ଷ୍ଟ୍ରିଟ୍ ଜର୍ଣ୍ଣାଲରେ ରିପୋର୍ଟ ପ୍ରକାଶ ପାଇଛି । ଏହାପରେ ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ଦର ଅଚାନକ ବୃଦ୍ଧି ପାଇଛି । ଯାହା ଫଳରେ ସେୟାର ବଜାରରେ ଲାଲ୍ ହୋଇ ଯାଇଛି । ଜାପାନ୍‍, ହଂକଂ, ଦକ୍ଷିଣ କୋରିଆ ସେୟାର ବଜାର ମଧ୍ୟ ତଳମୁହାଁ ହୋଇଛି।ସେପଟେ ସପ୍ତାହର ପ୍ରଥମ ଦିନରେ ସୁନା ଏବଂ ରୂପା ମୂଲ୍ୟରେ ଦ୍ରୁତ ହ୍ରାସ ଘଟିଛି। MCXରେ ରୂପା ଗତ ଶୁକ୍ରବାର ତୁଳନାରେ ପ୍ରାୟ ୬ ହଜାର ଟଙ୍କାକୁ ହ୍ରାସ ପାଇଛି। ଏହାର ଅର୍ଥ ରୂପା ଗୋଟିଏ ଝଟକାରେ ୬ ହଜାରରୁ ଅଧିକ ଟଙ୍କା ଅଧିକ ଶସ୍ତା ହୋଇଛି। ଏହି ହ୍ରାସ ପରେ, ୧  କେଜି ରୂପାର ମୂଲ୍ୟ ଏବେ ଏହାର  ୨.୦୨ ଲକ୍ଷକୁ ହ୍ରାସ ପାଇଛି। ସୋମବାର ସୁନା ମଧ୍ୟ ହ୍ରାସ ପାଇଛି, ପ୍ରତି ୧୦ ଗ୍ରାମ ୧୧୦୦ ଟଙ୍କାରୁ ଅଧିକ ହ୍ରାସ ପାଇଛି। ଜାନୁଆରୀ ୨୦୨୬ରେ ରୂପା ମୂଲ୍ୟ ଇତିହାସରେ ପ୍ରଥମ ଥର ପାଇଁ ୪ ଲକ୍ଷ ଟଙ୍କା ଅତିକ୍ରମ କରି ୪,୩୯,୩୩୭ ଟଙ୍କା ପ୍ରତି କିଲୋଗ୍ରାମର ସର୍ବୋଚ୍ଚ ସ୍ତରରେ ପହଞ୍ଚିଥିଲା। #🪙📆ଆଜି ସୁନା ନ କିଣିଲେ ପସ୍ତେଇବେ😱