Part 52 " എന്താ എന്തെങ്കിലും പറയാനുണ്ടോ.....? എന്താണെങ്കിലും പറഞ്ഞോ...? " : ആരും ഒന്നും മിണ്ടുന്നില്ല എന്ന് കണ്ടതും സതീശൻ തിരക്കി. " അത് പിന്നെ സതീശാ ഞങ്ങൾക്ക് കല്യാണം എത്രയും പെട്ടെന്ന് നടത്തണം എന്നാണ് " : വേണു ഒരു നിശ്വാസത്തോടെ കാര്യം പറഞ്ഞു. അത് കേട്ടതും സരസ്വതിക്കും ലതക്കും ഇനി പറയാൻ പോകുന്നത് എന്തായിരുക്കും എന്ന് പിടി കിട്ടി. അവർക്ക് ഉള്ളിലും സതീശൻ എങ്ങനെ പ്രതികരിക്കും എന്നുള്ള ആശങ്ക നിറഞ്ഞു. " അതിനെന്താ വെച്ച് താമസിപ്പിക്കേണ്ട അടുത്ത മാസം നല്ലൊരു മുഹൂർത്തം നോക്കിയിട്ട് നിശ്ചയം നടത്തി വെക്കാം എന്നിട്ട് അതിനോട് ചേർന്ന് വരുന്ന നല്ലൊരു നാളിലേക്ക് കല്യാണവും നടത്താം. എന്ത് പറയുന്നു....? " : എല്ലാരോടും ആയി പറഞ്ഞ് കൊണ്ട് അടുത്ത് നിൽക്കുന്ന സരസ്വതിയെ നോക്കി അയാൾ. അതിന് അവർ ഒന്ന് ചിരിച്ചെന്ന് വരുത്തി. എന്നാൽ സതീശന്റെ വാക്കുകൾ കേട്ടതും ശ്രീയുടെ കുടുംബം എല്ലാം പരസ്പരം നോക്കീ. ഒരു പെണ്ണ് കുട്ടിയുടെ അച്ചനാണ് മുന്നിൽ ഇരിക്കുന്നത് പെട്ടന്നൊരു വിവാഹം എന്നൊക്കെ പറയുമ്പോൾ അവർ എങ്ങനെ പ്രതികരിക്കും എന്ന് ഓർത്താണ് അവർക്ക് കാര്യം അവതരിപ്പിക്കാൻ ബുദ്ധിമുട്ട് തോന്നുന്നത്. എന്തൊക്കെ പറഞ്ഞാലും മക്കളുടെ വിവാഹത്തെ കുറിച്ച് മാതാപിതാക്കൾക്ക് സ്വപ്‌നങ്ങൾ കാണാതെ ഇരിക്കില്ലല്ലോ പ്രത്തേകിച്ച് ഒരു മകൾ ഒളിച്ചോടി പോയി നിൽക്കുന്ന സാഹചര്യത്തിൽ അതാണ് അവരും ചിന്തിച്ചത്. പെട്ടന്ന് നിങ്ങളുടെ മകന് വേണ്ടി അവരുടെ ആഗ്രഹങ്ങളും സ്വപ്നങ്ങളും ഒക്കെ മാറ്റി വെക്കേണ്ടേ അതൊക്കെ ഓർത്തിട്ടാണ് കാര്യം എങ്ങനെ അവതരിപ്പിക്കും എന്നൊരു വല്ലായിമ അവരിൽ നിറയുന്നത്. " വേണു ഒന്നും പറഞ്ഞില്ല " : നിമിഷങ്ങൾ കഴിഞ്ഞിട്ടും എന്തോ ചിന്തിച്ചിരിക്കുന്ന വേണുവിനെ വിളിച്ച് കൊണ്ട് സതീശൻ തിരക്കി. " അത് സതീശാ കഴിഞ്ഞ ആഴ്ച അനിലയും അമ്മയും കൂടി ജ്യോൽസ്യനെ കാണാൻ പോയി. അപ്പൊ കൂട്ടത്തിൽ പിള്ളേരുടെ എല്ലാരുടെയും ജാതകവും ഒന്ന് നോക്കാലോ എന്നും പറഞ്ഞാണ് പോയത്. അപ്പോഴാണ് അദ്ദേഹം പറയുന്നത് ശ്രീയിക്ക് വയസ്സ് ഇരുപത്തി അഞ്ചു ആകുന്നതിനു മുന്നേ അവന്റെ വിവാഹം നടക്കണം എന്ന്  " : അത്രയും പറഞ്ഞ് കൊണ്ട് വേണു സതീശനെ നോക്കി. അവിടെ ശ്രദ്ധയോടെ കേട്ടിരിക്കുന്നത് കണ്ടതും ഒരു നെടുവീർപ്പോടെ അയാൾ വീണ്ടും തുടർന്നു. " ഇവൻ ഇരുപത്തി അഞ്ചു ആകുന്നതിനു മുന്നേ നടന്നില്ലെങ്കിൽ പിന്നെ കുടുംബ ജീവിതം ഒന്നും ശെരി ആകില്ലത്രെ എന്തിന് അടുത്ത ഒരു തലമുറ ഉണ്ടാകുമോ എന്ന് പോലും സംശയം ആണെന്നാണ് അദ്ദേഹം പറഞ്ഞത്. അദ്ദേഹം പറഞ്ഞ പിന്നെ അച്ചിട്ട, അത് കേട്ടപ്പോൾ മുതൽ ഇവർക്ക് രണ്ട് പേർക്കും ആകെ പേടി അങ്ങനെയാണ് ഇവന്റെ കല്യാണ കാര്യം വീട്ടിൽ ചർച്ച ആകുന്നത്. ആദ്യം ഇവൻ ആകുന്നതും എതിർത്തതാ പിന്നെ അറിയാലോ മക്കളെ കാര്യം വരുമ്പോൾ എന്തൊക്കെ ആയാലും നമ്മളും ഒന്നും പേടിക്കും അത് തന്നെ ഇവിടെയും സംഭവിച്ചേ. അങ്ങനെയാണ് ഇവൻ ലെച്ചു മോൾടെ കാര്യം പറയുന്നത്. അതാണ് പിന്നെ വെച്ച് താമസിപ്പിക്കാതെ മുന്നോട്ടേക്ക് ഇറങ്ങിയത്. " : വേണു കാര്യങ്ങൾ മുഴുവൻ ചുരുക്കി വിവരിച്ചു. " ഇപ്പോഴും വേണു കാര്യം പറഞ്ഞില്ല " : സതീശൻ കാര്യഗൗരവത്തോടെ ചോദിച്ചു. " അത് പിന്നെ സതീശാ ഞാൻ പറഞ്ഞില്ലേ ഇവന് ഇരുപത്തി അഞ്ചു ആകുന്നതിനു മുൻപ് വേണം കല്യാണം നടത്താൻ. അടുത്ത മാസം പതിനറിനു ഇവന് ഇരുപത്തി അഞ്ചു തുടങ്ങും. " : അവസാനം  സതീശനെ നോക്കി ഒരു പരുങ്ങലോടെ പറഞ്ഞ് നിർത്തി. പ്രദീക്ഷിച്ച പോലെ ഒരു ഞെട്ടൽ അയാളിൽ നിന്ന് ഉണ്ടായിരുന്നു. സരസ്വതിയ്ക്കും ലതയ്ക്കും പിന്നെ പ്രേത്യകിച്ച് ഭവമാറ്റം ഒന്നും കാണാതെ വന്നതും അവരോട് ലെച്ചു നേരത്തെ എല്ലാം പറഞ്ഞിട്ടുണ്ട് എന്നവർക്ക് മനസ്സിലായി. സതീശൻ കാര്യം കേട്ട ഞെട്ടലിൽ അതൊട്ട് ശ്രെദ്ധിച്ചതും ഇല്ല. " അല്ല അത്ര പെട്ടന്നെന്ന് ഒക്കെ പറയുമ്പോ ഇനി ആകെ രണ്ടാഴ്ച അല്ലെ ഉള്ളു...? " : സതീശൻ ഒരു ടെൻഷനോടെ ചോദിച്ചു. അത് കേട്ടതും ലെച്ചുവിൽ ആദി നിറഞ്ഞു. ഇനി അച്ഛനെങ്ങാനും ഇത് വേണ്ടെന്ന് പറയുമോ എന്ന അർത്ഥത്തിൽ അവൾ ലതയെ നോക്കി. ആ നോട്ടത്തിന് അർത്ഥം മനസ്സിലായത് പോലെ അവർ ഒന്നുമില്ലെന്ന പോലെ അവൾക്ക് നേരെ കണ്ണ് ചിമ്മി കാണിച്ചു. അത് കണ്ടതും അവൾ അല്പം ധൈര്യത്തോടെ ഇരുന്നു കാരണം അവൾക്ക് അറിയാം ലത ഒരു കാര്യം ഏറ്റ ഏറ്റതാണെന്ന്. അവളുടെ പല കള്ളത്തരങ്ങൾക്കും കുരുത്തക്കേടിനും ഒക്കെ കൂട്ട് നിൽക്കുന്നതും ലതയാണ്. അതുകൊണ്ടാണ് ശ്രീയുടെ കാര്യം ആദ്യം അവൾ ലതയോട് തന്നെ പറഞ്ഞതും. " നമ്മൾക്ക് മറ്റ് ചടങ്ങുകൾ ഒന്നും വേണം എന്നില്ല നേരിട്ട് ഒരു കല്യാണം മതി ഇനി അധിക ദിവസം ഒന്നും ഇല്ലല്ലോ. പിന്നെ ചെക്കനും പെണ്ണിനും അടുത്തറിയാനും ഒന്നും സമയം വേണ്ട ഇപ്പൊ ദാ രണ്ട് കുടുംബങ്ങളും അടുത്ത് അറിഞ്ഞു ഇനി ഇപ്പോൾ വേറെ ഒന്നും നോക്കാനില്ലല്ലോ " : അനിൽ കാര്യങ്ങൾ വിശദമാക്കി. " അല്ല ഇപ്പൊ മറ്റ് ചടങ്ങുകൾ ഒക്കെ ഒഴിവാക്കിയാലും ഒരു കല്യാണം എന്നൊക്കെ പറയുമ്പോൾ " : സതീശൻ ഒരു ആകുലതയോടെയും ടെൻഷനോടെയും പറഞ്ഞു. അത് കേട്ടപ്പോഴാണ് സരസ്വതിയും അങ്ങനെ ഒരു കാര്യം ഓർത്തത് സ്വർണം ഒക്കെ എടുത്തല്ലോ എന്ന ധൈര്യം ആയിരുന്നു ഇത് വരെ പക്ഷെ സതീശൻ പറഞ്ഞത് പോലെ ഒരു കല്യാണം ഒക്കെ ആകുമ്പോൾ അത് മാത്രം പോരല്ലോ. ഇനി ഒരു ലോൺ എടുക്കാന്ന് വെച്ചാൽ അതൊക്കെ ഈ കുറഞ്ഞ സമയം കൊണ്ട് കിട്ടുമോ എന്ന് തന്നെ സംശയമാണ്. അവർ ഒരു ടെൻഷനോടെ സതീശനെ നോക്കി. " അയ്യോ ചിലവ് ഓർത്താണെങ്കിൽ സതീശൻ ടെൻഷൻ ആകണ്ട കല്യാണം നമ്മൾക്ക് അടുത്തുള്ള ഏതെങ്കിലും അമ്പലത്തിൽ വെച്ച് നടത്താം, അത്യാവിശം അടുത്ത ബന്ധുക്കളെയും നാട്ടുകാരെയും മാത്രം ക്ഷണിക്കാം പിന്നെ ഉള്ളതൊക്കെ ഇവർ കല്യാണം കഴിഞ്ഞിട്ട് വിരുന്നിന് പൊക്കോട്ടെ. " : വിശ്വൻ ഒരു ഉപായം എന്ന പോലെ പറഞ്ഞു. അത് കേട്ടതും സതീശന്റെയും സരസ്വതിയുടെയും മുഖത്ത് അല്പം ആശ്വാസം പടർന്നു. " ഞങ്ങൾക്ക് അങ്ങനെ അധികം ബന്ധുക്കൾ ഒന്നും ഇല്ല, പിന്നെ ആകെ ഉള്ളത് ഈ കാണുന്ന നാട്ടുകാർ ആണ് എന്തെങ്കിലും ആവിശ്യം വന്നാൽ അവരാണ് ഞങ്ങൾക്ക് ഉള്ളത്. അപ്പൊ അവരെ ഒന്നും അങ്ങനെ ഒഴുവാക്കാൻ കഴിയുന്നതല്ല. പിന്നെ അവിടുന്ന് എത്ര പേര് ഉണ്ടാകും....? " : സതീശൻ ഉള്ളത് അത് പോലെ പറഞ്ഞ് കൊണ്ട് വേണുവിനോട് തിരക്കി. " ഞങ്ങൾ കരുതുന്നത് കല്യാണത്തിന് അധികം ആരെയും ക്ഷണിക്കണ്ട, ഏറ്റവും അടുത്ത് നിൽക്കുന്നവരെ മാത്രം മതി. കല്യാണം കഴിഞ്ഞ് അവിടെ ഒരു റിസപ്ഷൻ വെക്കാം എന്നാണ് അതാകുമ്പോൾ ആർക്കും ആർക്കും പരാതി കാണില്ലല്ലോ. എന്നാലും ഒരു നാല്പത് പേര് ഉണ്ടാകും " : വേണു മനസ്സിൽ ഒരു കണക്കെടുപ്പ് എടുത്ത് കൊണ്ട് പറഞ്ഞു. " ഇവിടെ അങ്ങനെ അവിടുത്തെ അത്രയും വലിയ ഓഡിറ്റോറിയം ഒന്നും ഇല്ല, അറിയാലോ ഇതൊരു നാട്ടിപ്പുറം ആണ് ചെറിയ വികസനം ഒക്കെ വന്നന്നെ ഉള്ളു. " : സതീശൻ മറച്ച് വെക്കാതെ അയാളുടെ ആശങ്ക പങ്ക് വെച്ചു. " ഏയ്യ് അതിലൊക്കെ എന്ത് ഇരിക്കുന്നു സതീശാ, വലിയ ഓഡിറ്റോറിയവും ആഘോഷങ്ങളും ഒക്കെ ഒരു പ്രഹസനങ്ങൾ അല്ലെ. നമ്മൾക്ക് നമ്മുടെ മക്കൾ നന്നായി ജീവിക്കുന്നത് കണ്ടാൽ പോരെ. ഈ കല്യാണത്തിന് വരുന്നവർ പോലും നമ്മൾ നൽകുന്ന ഭക്ഷണം കഴിച്ചിട്ട് മാറി ഇരുന്ന് കുറ്റം കണ്ട് പിടിക്കലാണ് കൂടുതലും. അപ്പൊ അവരെ ബോധിപ്പിച്ച് നടത്തേണ്ട കാര്യം ഇല്ലല്ലോ. പിന്നെ സതീശനോ സരസ്വതിക്കോ എന്തെങ്കിലും ആഗ്രഹം ഉണ്ടെങ്കിൽ അങ്ങനെ ആവട്ടോ " : വേണു സതീശന്റെ ചിന്ത മനസ്സിലാക്കി കൊണ്ട് പറഞ്ഞു. അത് കേട്ടതും എല്ലാവരിലും ഒരു ആശ്വാസം പടർന്നു.  " അല്ല കല്യാണം ഒക്കെ ആകുമ്പോൾ..... " : സതീശൻ തല ചൊറിഞ്ഞ് കൊണ്ട് പറഞ്ഞു. അത് കേട്ടപ്പോൾ എല്ലാരും സംശയത്തോടെ അയാളെ നോക്കി. " എന്ത് പറ്റി സതീശാ...? എന്താണെങ്കിലും പറഞ്ഞോ...? " : വേണു ഒരു സംശയത്തോടെ അയാളോട് ചോദിച്ചു. " അല്ല ഒരു കല്യാണം ഒക്കെ ആകുമ്പോൾ കുറച്ച് നാട്ട് നടപ്പൊക്കെ ഇല്ലേ അതിനെ കുറിച്ചൊന്നും പറഞ്ഞില്ല " : സതീശൻ അതെ വല്ലയിമയോടെ ചോദിച്ചു. അത് കേട്ടതും കാര്യം മനസ്സിലായത് പോലെ എല്ലാരും പരസ്പരം മുഖത്തോട് മുഖം നോക്കി. " ശ്രീധനത്തിന്റെ കാര്യം ആണോ സതീശൻ ഉദേശിച്ചേ....? " : ഒന്നും കൂടി ഉറപ്പിക്കാനായി വിശ്വൻ തിരക്കി. അതിന് അയാൾ അതെ എന്ന പോലെ തലയാട്ടി. അത് കണ്ടതും വേണു അനിലയെ നോക്കി ഒന്ന് ചിരിച്ചു. " എന്റെ സതീശാ താൻ ഇത് ഏത് നൂറ്റാണ്ടിലാ, ഞങ്ങൾക്ക് സ്ത്രീധനം ഒന്നും വേണ്ട. ഞങ്ങളുടെ ശ്രീയിക്ക് ഒരു കുട്ടിയെ ഇഷ്ടമായി അത് ഞങ്ങളോട് അവൻ വന്ന് പറഞ്ഞു. ഞങ്ങൾ ദാ ഇവിടെ വന്ന് അവന് വേണ്ടി ലെച്ചു മോളെ ചോദിക്കാൻ വന്നു അല്ലാതെ ഞങ്ങൾ സ്ത്രീധനം പ്രതീക്ഷിച്ചു വന്നതൊന്നും അല്ല. അവന് സന്തോഷവും സമാധാനവും നിറഞ്ഞൊരു ജീവിതം വേണം അതെ ഞങ്ങൾക്ക് ഉള്ളു. ഇപ്പൊ ദാ ഈ നിന്ന നിൽപ്പിൽ ലെച്ചു മോളെ കൂട്ടി കൊണ്ട് പോകാനും ഞങ്ങൾക്ക് സമ്മദമാണ് പിന്നെ ചടങ്ങിനൊരു താലി കെട്ട് അത്ര തന്ന. ലെച്ചു മോളെ നോക്കാനുള്ള ജോലി ഒക്കെ അവനുണ്ട് അതും അല്ലെങ്കിൽ പട്ടിണി കൂടാതെ കിടക്കാനുള്ളതൊക്കെ ഞാനും സംബാധിക്കുന്നുണ്ട് അത്രയും പോരെ " : ലെച്ചുവിന്റെ വീട്ടുകാരെ പറഞ്ഞ് മനസ്സിലാക്കി കൊണ്ട് ഒരു ചിരിയോടെ അയാൾ പറഞ്ഞ് നിർത്തി. അത് കേട്ടതും സതീശന്റെയും സരസ്വതിയുടെയും ലതയുടെയും മുഖം വിടർന്നു, എന്നാൽ അടുത്ത നിമിഷം പാർവതി പറഞ്ഞത് കേട്ട് അത് മങ്ങുകയും ചെയ്തു. " ഞങ്ങൾ അങ്ങനെ പറഞ്ഞെന്ന് കരുതി നിങ്ങൾ നിങ്ങളുടെ മകൾക്ക് എന്തെങ്കിലും കൊടുക്കണം എങ്കിൽ കൊടുക്കാട്ടോ, അല്ലാതെ ഞങ്ങൾ അങ്ങനെ പറഞ്ഞെന്ന് കരുതി വെറും കൈയ്യോടെ വിടണം എന്നില്ല " : മകന്റെ ചിന്താഗതി കേട്ട് പാർവതി പെട്ടന്ന് തന്നെ അങ്ങനെ പറഞ്ഞു. ഇനി വേണു പറഞ്ഞത് കേട്ട് ഒന്നും താരാതെ അവർ പെണ്ണിനെ കൊച്ചു മകന് കൈ പിടിച്ച് കൊടുക്കുമോ എന്ന പേടി ആണ് അവർക്ക്. എന്നാൽ പാർവതി അങ്ങനെ പറഞ്ഞതും ശ്രീയുടെ വീട്ടുകാർക്ക് എല്ലാം വല്ലായിമ നിറഞ്ഞു. ഇതിപ്പോ മറ്റൊരു രീതിക്ക് സ്ത്രീധനം ചോദിച്ചത് പോലെ ആയില്ലേ എന്നൊരു ധ്വനി ഉണ്ടായിരുന്നു അതിൽ. എങ്കിലും പാർവതിയെ എതിർത്ത് പറയാൻ അവർ ആരും തയാറായില്ല അതൊരിക്കലും അവർ പറഞ്ഞത് ശെരി വെച്ചത് കൊണ്ട് ആയിരുന്നില്ല മറിച്ച് മറ്റൊരു കുടുംബത്തിന് മുന്നിൽ വെച്ച് പാർവതിയോട് എതിർക്കാൻ കഴിയാത്തത് കൊണ്ട് ആയിരുന്നു. " അല്ലെങ്കിലും ഞങ്ങളുടെ കുഞ്ഞിഞ്ഞേ അങ്ങനെ വെറും കൈയ്യോടെ വിടാൻ ഞങ്ങൾക്കും കഴിയില്ലല്ലോ " : പാർവതിക്ക് മറുപടി എന്ന പോലെ ലത ചിരിയോടെ പറഞ്ഞു. പിന്നീട് ലത പറയുന്നത് കേട്ട് സതീശൻ ആകെ ഞെട്ടി ഇരുന്ന് പോയി. ലച്ചു ആണെങ്കിൽ അത്ഭുതത്തോടെ ലതയെയും സരസ്വതിയെയും നോക്കി. തുടരും....... #നോവൽ #തുടർകഥ #കഥ #തുടർകഥ #mallu stories #പ്രണയം #പ്രണയ കഥ #പ്രണയം #viral #love