ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/mlG4awpD?d=n&ui=v64j8rk&e1=cമന്ത്രകോടി :പാർട്ട്‌ -47💚🌺 ദിവസങ്ങൾ വീണ്ടും കൊഴിഞ്ഞു തുടങ്ങി..... ഇന്നാണ് സഞ്ചുവിന്റെ എൻഗേജ്‍മെന്റ്. രണ്ട് മാസം മുൻപേയാണ് അവരുടെ പെണ്ണുകാണൽ നടന്നത്. സഞ്ചുവും സഞ്ചുവിന്റെ അമ്മയും നന്ദനും ഭാമയും ചേർന്നാണ് പെണ്ണ് കാണാനായി പല്ലവിയുടെ തറവാട്ടിലെ വീട്ടിലേക്ക് പോയത്. അന്ന് തന്നെ എല്ലാം സംസാരിസിച്ചുറപ്പിച്ച് നിശ്ചയത്തിനുള്ള ഡേറ്റും എടുത്തിട്ടാണ് എല്ലാവരും തിരികെയെത്തിയത്. ഇന്ന് പല്ലവിയുടെ തറവാട് വീട്ടിൽ വച്ച് തന്നെയാണ് ചടങ്ങ് വച്ചിരിക്കുന്നത്. വളരെ ചുരുക്കം ബന്ധുക്കളെ മാത്രമേ ക്ഷണിച്ചിട്ടുള്ളൂ.... വീട്ടിൽ നിന്ന് നന്ദനും ഭാമയുമുൾപ്പെടെ എല്ലാവരും റെഡിയാണ്..... മഹി വരുന്നില്ലെന്ന് നേരത്തേ പറഞ്ഞിരുന്നു എന്നാൽ രാവിലെ മഹിയുടെ ഹോംനേഴ്സാ യ മനുവിന് വീട്ടിൽ നിന്നൊരു കാൾ വന്നു ആളുടെ അമ്മ സുഖമില്ലാതെ കിടക്കുകയാണ് ഇടക്കിടക്ക് ലീവെടുത്ത് അവൻ വീട്ടിലേക്ക് പോകുന്നതും അതുകൊണ്ടാണ്. രാവിലെ കുറച്ച് സീരിയസ് ആണെന്ന് വിളിച്ചു പറഞ്ഞതും അവന് പോകേണ്ടതായി വന്നു. വീട്ടിലെയെല്ലാവരും ചടങ്ങിന് പോകുന്നത് കൊണ്ട് മഹിയെ ഒറ്റക്കാൻ കഴിയില്ല. അതുകൊണ്ട് തന്നെ അവനും കൂടി വരണ മെന്ന് നന്ദൻ നിർബന്ധം പറഞ്ഞു. തന്നെക്കൊണ്ട് ഇനിയൊരു ബുദ്ധിമുട്ട് വേണ്ടന്ന് വച്ച് മഹി പിന്നൊന്നും പറയാൻ നിന്നില്ല. വരാമെന്ന് സമ്മതിച്ചു. നന്ദൻ തന്നെ മഹിയെ കൂടി റെഡിയാക്കി. ഒരു ലൈറ്റ് യെല്ലോ കളർ കുർത്തയും മുണ്ടും ധരിപ്പിച്ചു. അതവന് വല്ലാത്തൊരു ഭംഗി നൽകുന്നുണ്ടായിരുന്നു. നന്ദൻ ചെറിയ തമാശയൊക്കെ പറഞ്ഞുകൊണ്ടാണവനെ റെഡിയാക്കുന്നത് അതുകൊണ്ട് തന്നെ മഹി മറ്റെല്ലാം മറന്ന് ആ നിമിഷത്തിലെ സന്തോഷത്തിൽ തന്നെയായിരുന്നു. ഒരുക്കം കഴിഞ്ഞതും മഹിയെ കൈകളിൽ കോരിയെടുത്ത് നന്ദൻ നടന്നു . കാറിനരികിലായിതന്നെ മഹിയുടെ വീൽചെയറെടുത്ത് വച്ചിട്ടുണ്ട്. നന്ദൻ സ്റ്റെപ്പിറങ്ങി മഹിയെ പതിയെ കറിനുള്ളിലേക്ക് കയറ്റിയിരുത്തി. ശേഷം പുറത്തിരുന്ന വീൽചെയർ മടക്കി കാറിന്റെ ടിക്കിയിലേക്ക് കയറ്റി വച്ചു. മഹിയേട്ടാ..... ഇരിക്കേ ഞാനിപ്പോ വരാം... മ്മ്മ്... മഹിയോട് പറഞ്ഞു കൊണ്ട് നന്ദൻ വീടിനുള്ളിലേക്ക് കയറി..... മഹി വീടിന്റ മുറ്റവും തൊടിയും ചെമ്പരത്തി വേലിയുമൊക്കെ നോക്കിയിരിക്കുകയായിരുന്നു...... ചെക്കപ്പിന് പോകുമ്പോഴാണ് വീടിന് പുറത്തേക്കിറങ്ങുന്നത്. അല്ലെങ്കിൽ വീടിനുള്ളിൽ തന്നെയാണെപ്പോഴും ബാൽക്കാണിയിൽ വീൽചെയറിലിരുന്ന് മാത്രം കാണുന്ന പുറം കാഴ്ചകൾ...... ഇപ്പൊ മുറ്റത്തേക്കിറങ്ങിയിങ്ങനെ കണ്ടുകൊണ്ടിരിക്കുമ്പോ വല്ലാത്തൊരു ഫ്രഷ്‌നെസ്സ് തോന്നുന്നു..... ആഹാ..... നേരത്തേ സീറ്റ് പിടിച്ചല്ലോ..... പെട്ടന്നാണ് മറു വശത്തു നിന്നുമൊരു ശബ്ദം കേട്ടത്. തിരിഞ്ഞു നോക്കുമ്പോ കാവ്യയാണ്..... അവളെ കണ്ടതും മഹിയുടെ കണ്ണുകളൊന്ന് വിടർന്നു പോയി...... ഒരു കോട്ടൺ ടിഷ്യു സെറ്റ് സാരിയാണ് വേഷം...... മനോഹരമായത്‌ ഞൊറിഞ്ഞിടുത്തിരിക്കുന്നു..... കുളിപ്പിന്നലിട്ട് മുടി അഴിച്ചിട്ടിരിക്കുകയാണ് നെറ്റിയിലൊരു കുഞ്ഞുപൊട്ടും അതിന് മുകളിലായി ചന്ദനവും ...... അവൻ കണ്ണെടുക്കാതെ അവളെ നോക്കിപ്പോയി...... ഹലോ..... ഞാൻ ചോദിക്കുന്നതൊന്നും കേൾക്കുന്നില്ലേ....... കാവ്യ ഒന്നുകൂടി ആ മുഖത്തേക്ക് നോക്കി ചോദിച്ചു...... അവനൊന്ന് കണ്ണ് വെട്ടിച്ചു..... വരുന്നില്ലെന്ന് പറഞ്ഞിട്ട്....... കാവ്യ കാറിന്റെ അകത്തേക്ക് കയറിഇരുന്നുകൊണ്ട് ചോദിച്ചു? വേണ്ടാന്ന് തന്നെയാ വിചാരിച്ചേ അപ്പോഴാ മനുവിന്റെ അമ്മക്ക് വയ്യാതായി അവന്റെ വീട്ടിൽ നിന്ന് കാൾ വന്നത്. അതോടെ നന്ദൻ പിടിച്ച പിടിയാലേ കൂട്ടിയതാ..... ഹ്മ്മ്...... എന്തായാലും നന്നായി........ ഇങ്ങനെ ഒരു വേഷത്തിൽ ഞാൻ കണ്ടിട്ടേയില്ല..... നന്നായിട്ടുണ്ട് അവന്റെ കുർത്തിയിലേക്കും മുണ്ടിലേക്കും നോക്കി കാവ്യ പറഞ്ഞു. ആണോ...... അവൻ വിടർന്ന ചിരിയോടെ ചോദിച്ചു. തന്നെയും ഞാനിങ്ങനെ കണ്ടിട്ടില്ല. സുന്ദരി ആയിട്ടുണ്ട്...... മഹി അവളെ നോക്കി പറഞ്ഞു..... അത്കേട്ടതും അവളുടെ കരി എഴുതിയ കണ്ണുകളൊന്നു വിടർന്നു. അല്ലാ ഇതെന്താ കയ്യിൽ അവളുടെ കയ്യിലുള്ള ഇല ചീന്ത് കണ്ടവൻ ചോദിച്ചു? ചന്ദനം... ഭാമ ചേച്ചിക്ക് വേണമെന്ന് പറഞ്ഞിരുന്നു..... അതാ കയ്യിലെടുത്തേ..... എനിക്ക് കൂടി തരുവോ? വെറുതേ അവനൊന്നു ചോദിച്ചു അതിനെന്താ..... കുറച്ചെടുത്ത് അവന്റെ നെറ്റിയിൽ തൊട്ടുകൊടുത്താണ് കാവ്യ അതിന് മറുപടി നൽകിയത്..... തണുത്ത ചന്ദനം അവളുടെ വിരൽ തുമ്പ് കൊണ്ട് നെറ്റിയിൽ പതിഞ്ഞപ്പോൾ മഹി അറിയതൊന്ന് മിഴി വിടർത്തിപ്പോയി. അവന്റെ യാ കണ്ണുകളിലേക്ക് നോക്കിയപ്പോഴാണ് ധൃതി പിടിച്ച് താനെന്താണ് ചെയ്തതെന്നുള്ള ബാധം കാവ്യക്ക് വന്നത്...... സോറി...... ഞാൻ....... അവൾ പറയാൻ തുടങ്ങുമ്പോഴേക്കും നന്ദനും ഭാമയും അമ്മയും ഉമ്മറത്ത് നിന്നും കാറിനരികിലേക്കിറങ്ങിവന്നത് ..... അവരെ കണ്ടതും ഇരുവരും നേരേയിരുന്നു. ഭാമ മുന്നിലേക്ക്‌ വന്ന് കയറിയതും പിന്നിലെ ഡോറിനരികിലായി വന്നുനിന്ന അമ്മയ്ക്ക് വേണ്ടി കാവ്യ അല്പം നീങ്ങി കൊടുത്തു. ഇപ്പൊ മഹിയുടെ തൊട്ടരികിലാണവളിരിക്കുന്നത്. അത്‌ ഇരുവരിലും ഉള്ളിലൊരു പരിഭ്രമമുളവാക്കി. എങ്കിലും ഇരുവരുമത് പുറത്ത് കാണിച്ചില്ല. അവളെയൊന്ന് പാളി നോക്കിയതിന് ശേഷം അവൻ പുറത്തേ കാഴ്ചകൾ നോക്കിയിരുന്നു. യാത്രയിലുട നീളം അമ്മയും നന്ദനും ഭാമയും എന്തെല്ലാമോ സംസാരിക്കുന്നുണ്ടായിരുന്നു. എന്നാൽ മഹിയും കാവ്യയും മാത്രം സൈലന്റായിരുന്നു. പക്ഷേ ഉള്ളിലുള്ള വിഷമങ്ങളെല്ലാം മറന്ന് സന്തോഷവും ശാന്തവുമായിരുന്നു ഇരുവരുടേയും മനസ്സ്. ❤️❤️ കുറച്ചു നേരത്തേ യാത്രക്കൊടുവിൽ പല്ലവിയുടെ വീട്ടിലേക്കെത്തിയിരുന്നു ...... ബന്ധുക്കളൊക്കെ എത്തിത്തുടങ്ങുന്ന തേയുണ്ടായിരുന്നുള്ളൂ ....... ദേവകിയമ്മയേയും നന്ദനേയും കണ്ടതും പല്ലവിയുടെ അച്ഛൻ പെട്ടന്ന് തന്നെ അവർക്കരികിലേക്കെത്തി...... നേരത്തെയിറങ്ങിയോ ദേവകി....... ആഹ്ഹ് ഏട്ടാ രാവിലെ ഇറങ്ങി...... ശെരിയെല്ലാവരും അകത്തേക്ക് വരൂ... അവരേ അകത്തേക്ക് ക്ഷണിച്ചുകൊണ്ട് അയാൾ അടുത്ത ബന്ധുക്കൾക്കരികിലേക്ക് നീങ്ങി..... അപ്പോഴേക്കും നന്ദൻ കാറിന് പിന്നിൽ നിന്ന് മഹിയുടെ വീൽചെയർ പുറത്തെടുത്ത് വച്ച് അവനെ അതിലേക്കിരുത്തിയിരുന്നു. എല്ലാവരും അകത്തേക്കെത്തുമ്പോ ബന്ധുക്കളൊക്കെ വന്ന് തുടങ്ങിയതേയുള്ളൂ. മഹിയേയും കൊണ്ട് ഒരിടത്തായി നന്ദനും ഇരുന്നു. അമ്മയും ഭാമയും കാവ്യയും കൂടി പല്ലവിയെ കാണാനായി അകത്തേക്ക് കയറി. ഒരു ഒലിവ് ഗ്രീൻ കളർ ലഹങ്കയിൽ മനോഹരമായി ഒരുങ്ങി ഇരിക്കുകയാണവൾ......... എല്ലാവരെയും കണ്ടതും പല്ലവി സന്തോഷത്തോടെ എഴുന്നേറ്റു........ പിന്നീടങ്ങോട്ട് ഭാമയും കാവ്യയും പല്ലവിയും ചേർന്ന് വലിയൊരു വിശേഷം പറച്ചിലിലേക്ക് കടന്നു. മറ്റ് ബന്ധുക്കളെകണ്ടപ്പോ ദേവകിയമ്മ അങ്ങോട്ടേക്ക് പോവുകയും ചെയ്തു. കുറച്ച് നേരം കഴിഞ്ഞതും സഞ്ചു വന്നെന്നറിഞ്ഞു അന്നേരം ചെറുതായൊരു ടെൻഷൻ പല്ലവിയിൽ നിറഞ്ഞു. എന്നാൽ കാവ്യയും ഭാമയും ഉള്ളത് കൊണ്ട് ഒരാശ്വാസമായിരുന്നു. സമയമായെന്ന് പല്ലവിയുടെ അച്ഛൻ വന്ന് പറഞ്ഞതും ഭാമയും കാവ്യയും ചേർന്ന് അവളെ പുറത്തേക്ക് കൊണ്ട് വന്നു. പല്ലവിയപ്പൊതന്നെ അവനിരിക്കുന്ന ഭാഗത്തേക്ക്‌ നോക്കി. അവളുടെ ഡ്രെസ്സിന്റെ അതേ കളർ ഷർട്ടും അതേ കര മുടുമുടുത്ത് പുറത്തായ് ഒരുക്കിയ പന്തലിൽ ഇരിക്കുകയായിരുന്നു സഞ്ചു. അവനെ കണ്ടതും പല്ലവിയുടെ നെഞ്ചിടിപ്പുയർന്നു. ഒന്ന് ചിരിക്കാൻ ശ്രമിച്ചവൾ. അതേ സമയം തന്നെ അവനുമൊന്ന് അവളെ നോക്കി ചിരിച്ചു. വല്ലപ്പോഴും കിട്ടുന്നയാ ചിരിയിൽ മയങ്ങി തന്നെ അവനരികിലേക്ക് നടന്നു വന്നവൾ ശേഷം അവന്റെ മറു ഭാഗത്തായി ഇരുന്നു...... ഇരുവരും നല്ല ചേർച്ചയുണ്ടായിരുന്നു. അവരെ നോക്കിനിന്ന ഓരോരുത്തരും അത് പറയുകയും ചെയ്തു. മുഹൂർത്തമായതും ഇരുവരും പരസ്പരം പേര്‌ കൊത്തിയ മോതിരങ്ങൾ കൈമാറി.... അതേസമയം കളിചിരികളോടെ ഭാമക്കരികിൽ നിൽക്കുന്ന നന്ദനേയും വീലചെറിൽ ഇരിക്കുന്ന മഹിയേയും അവനരികിൽ നിൽക്കുന്ന കാവ്യയേയും എല്ലാവരും ശ്രദ്ധിക്കുന്നുണ്ടായിരുന്നു. ചിലരൊക്കെ ദേവകിയമ്മയോട് മക്കളേക്കുറിച്ച് ചോദിക്കുന്നുണ്ടായിരുന്നു. ചിലർ പ്രശ്നങ്ങൾ അറിഞ്ഞിട്ട് ചോദിക്കുന്നവർ ചിലർ പ്രശ്നങ്ങൾ അറിയാതെ കാവ്യയാകും നന്ദന്റ ഭാര്യയെന്ന് വിചാരിച്ചു ചോദിക്കുന്നവർ ...... ദേവകിയമ്മ ചോദ്യങ്ങൾക്കൊന്നുമങ്ങനെ മറുപടി നൽകിയിരുന്നില്ല....... ഓരോ ചോദ്യങ്ങൾക്ക് തുമ്പ് പിടിച്ച് അടുത്ത ചോദ്യങ്ങൾ എത്തുമെന്ന് അറിയാവുന്നുള്ളത് കൊണ്ടാണ് അവർ പതിയെ ഒഴിഞ്ഞുമാറി. 💖💖💖💖 മാസങ്ങൾ വീണ്ടും കൊഴിഞ്ഞു തുടങ്ങി...... ഇന്ന് കാവ്യയുടേയും ജീവന്റെയും ഡിവോഴ്സ് കേസിന്റെ വിധി വരുന്ന ദിവസമായിരുന്നു...... ജീവന്റെ പേരിൽ സ്ട്രോങ്ങ്‌ ആയുള്ള എവിഡൻസ് ഉള്ളതുകൊണ്ട് തന്നെ കാവ്യക്ക് വളരെ വേഗം ഡിവോഴ്സിന്റെ വിധി അനുകൂലമായി വന്നു. ഇന്നേ ദിവസം കോടതി വരാന്തയിൽ നിന്ന് ഇറങ്ങി വരുമ്പോൾ അവൾ അത്രയും സന്തോഷിച്ചിരുന്നു. തന്റെ കഴുത്തിലൂടെ ചുറ്റി വരിഞ്ഞിരുന്നൊരു ചങ്ങല പൊട്ടിച്ചെറിഞ്ഞു വരുത് പോലെ..... എല്ലാവരും കൂടെ തന്നെ ഉണ്ടായിരുന്നു. ഇന്നത്തെ സന്തോഷത്തിൽ അച്ഛനൊപ്പം അവൾ സ്വന്തം വീട്ടിലേക്ക് തന്നെ പോയി..... ഒരാഴ്ച അച്ഛനൊപ്പം നിൽക്കാനാണ് പോയതെങ്കിലും രണ്ട് ദിവസം കഴിഞ്ഞപ്പോൾ തന്നെ അവൾ മടങ്ങിയെത്തി ആ വരവുമഗ്രഹിച്ച് ഒരാൾ കാത്തിരിക്കുന്നത് കൊണ്ടാകാം ...... സ്വയമറിയാതെ തിരികെ വന്നുപോയത്. തുടരും 💚🌺 കണ്ണൂർകാരൻ 🌹🌹🌹🌹🌹 #📙 നോവൽ #📔 കഥ #✍ തുടർക്കഥ #💞 പ്രണയകഥകൾ #📚 ട്വിസ്റ്റ് കഥകൾ