പെണ്ണെ..... നിനക്കിഷ്ടം കരയോടാകാം... പക്ഷെ എനിക്കിഷ്ടം ❤നിന്നോട് മാത്രമാണ്.. നിന്റെ ദേഹക്കടലിൽ മുങ്ങിത്താഴാൻ കൊതിക്കുന്നൊരു സായംസന്ധ്യയാണെന്നും ഞാൻ... കരയെ ഒന്ന് ചുംബിക്കുവാനും കരവിരുതിനാൽ ഉണർത്തുവാനും പകലന്തിയോളം തിരക്കൈകളാൽ നീ ശ്രമിച്ചപ്പോഴൊക്കൊയും അവൻ നിന്നെ ഒരിക്കൽപ്പോലും ഒന്ന് പുണരാതെ അടർത്തിമാറ്റിയിട്ടല്ലയോള്ളൂ... എന്നിട്ടും.. നീ എന്തിനിങ്ങനെ വൃഥാ കരയെ മോഹിക്കുന്നു ..?. ഒഴിവാക്കപ്പെടലിന്റെ ബോധം നിന്നെ തളർത്തുമ്പോൾ നിന്റെ കണ്ണിൽ മറ്റൊരു സാഗരം അലയടിക്കുന്നത് ഞാൻ കാണാറുണ്ട്. അതിൽ നിരാശയുടെ നോവ്ഗർത്തം ദർശിക്കാറുമുണ്ട് ഞാൻ. നീ ആ വിഷാദച്ചുഴിയിൽ മുങ്ങിത്താണുപ്പോയേക്കുമോ എന്ന ഭയം എന്നെ പിടിമുറുക്കുമ്പോൾ മാത്രമാണ് ഞാൻ എന്റെ പ്രണയത്തെ നിന്നെ അറിയിക്കാൻ ശ്രമിക്കുന്നത്. "പെണ്ണേ..കരയെ കൈവലയത്തിലാക്കാൻ ശ്രമിച്ചു പരാജയപ്പെട്ട് ദുഖിതയായിരിക്കുന്ന നിന്നെ ഞാനൊന്നു അമർത്തി ചുംബിച്ചോട്ടെ..? " കടലിളകുന്നു...! മനസ്സുണരുന്നു....! സിരകളിൽ ചൂട് പിടിക്കുന്നു...! പതഞ്ഞു പൊങ്ങും മാറിൻ മിടുപ്പുകളിൽ രതിയുടെ ഉടുക്ക് കൊട്ടുന്നു...! നുരഞ്ഞു പൊന്തും ലഹരികളാൽ കുതിച്ചുയരുന്നു...! ആഴങ്ങളിലേക്ക് ഊളിയിടുന്നു...! രതിചക്ര വ്യൂഹം തിരയുന്നു...! വികാരാവേശ ജതിവേഗ സീൽക്കാരമുയരുന്നു...! കെട്ട് പൊട്ടുന്നു...! പൊട്ടി ഒലിക്കുന്നു...! കിതച്ചു താഴുന്നു...! ദന്തക്ഷതമേറ്റ നിന്റെ മേലാകെ എന്റെ പ്രാണന്റെ ചോപ്പ് പടരുന്നു.... സീമന്തത്തിൽ സിന്ദൂരമണിഞ്ഞവളെപോലെ നീ അന്നും ചോന്ന് തുടുക്കുന്നു ...!#💑 സ്നേഹം