#📝 ഞാൻ എഴുതിയ വരികൾ #തുടർകഥ ഭാഗം 106. വാക്കുകൾക്ക് വജ്രത്തേക്കാൾ മൂർച്ചയുണ്ടെന്ന് ആദ്യമായ് അമിതയ്ക്ക് തോന്നി.... പിടിച്ചു നിൽക്കാനുള്ള അവസാന വള്ളിയും നഷ്ട്ടപ്പെട്ട പ്രതീതി.... മുകുന്ദന്റ മുഖത്തേക്ക് നോക്കാനാവാതെ തല താഴ്ത്തി നിന്നു അവൾ... നോക്കൂ അമിത... ഇനി ഒളിച്ചു വൈക്കേണ്ട എല്ലാം ഞങ്ങൾ കണ്ടെത്തി.. മുകുന്ദന്റെ വാക്കുകൾ ഒരു ചാട്ടുളി പോലെ അവളുടെ ഹൃദയത്തിലേക്ക് ആഴ്‌നിറങ്ങി..... പറയൂ.. ആ അഞ്ചു കൊലപാതകങ്ങൾ നിങ്ങൾ എങ്ങനെ നടപ്പാക്കി...? എന്തിന് ഉമയെ മാത്രം അതിനായി തിരഞ്ഞു കണ്ടെത്തി....? അല്പംനേരത്തെ നിശബ്ദതയ്ക്ക് ശേഷം അവൾ മെല്ലെ മുഖമുയർത്തി മുകുന്ദനെ നോക്കി... ഞാൻ ഞാനും അവരുടെ പ്രലോഭനങ്ങകിൽ വീണു പോയതാ... അതവിടെ നിൽക്കട്ടെ സത്യം ഞങ്ങൾക്കുമറിയാം... മുകുന്ദൻ ശബ്ദമുയർത്തി... ആദ്യം ഞങ്ങളുടെ പ്ലാൻ നടപ്പാക്കാൻ ഗ്രീഷ്മയെ പാട്ടിലാക്കി. അന്നവൾ മെഡിക്കൽ സ്റ്റുഡന്റ് ആയിരുന്നു.. അവളെ ക്രിസ്റ്റി ബ്ലാക്ക് മെയിൽ ചെയ്തു..നിർവഹമില്ലാതെ അവൾ ഞങ്ങൾക്ക് വഴങ്ങി.... പഠിക്കാൻ അൽപ്പം പിന്നോക്കമായിരുന്ന അവൾക്കായി നീലിമയുടെ രണ്ടാമത്തെ സഹോദരി ആൾമാറാട്ടം നടത്തി എക്സാംഎഴുതി. അതിന് ഒത്താശ ചെയ്തത് ദേശായിയും അവരുടെ പിണിയാളുകളും... അവൾ തെല്ലോന്ന് നിർത്തി... ഈ സമയം മീനു മറ്റൊരാളെയും കൊണ്ട് ആ ബംഗ്ലാവ് ലക്ഷ്യമാക്കി നദിക്ക് കുറുകെ വഞ്ചിയിൽ എത്തിക്കൊണ്ടിരുന്നു... (തുടരും )