പ്രണയം പെയ്യുന്ന നേരം🌧️🍃 Part-07 "ഡാ നിച്ചു എഴുന്നേറ്റേ..." കട്ടിലിൽ കമന്ന് കിടക്കുന്ന നിച്ചു വിനെ നോക്കി നവീൻ വിളിച്ചു.. " ഹോ...എന്താ ഏട്ടാ കുറച്ച് കൂടി കിടക്കട്ടെ.." നിച്ചു തല വഴി പുതപ്പ് മൂടി തിരിഞ്ഞ് കിടന്നു... " ഞാൻ ദേ താഴേയ്ക്ക് പോകുവാ..നീ എഴുന്നേറ്റ് വന്നേക്ക്.." നവീൻ അതും പറഞ്ഞ് താഴേയ്ക്ക് ഇറങ്ങി.. ••••••••••••••••••••••••••••••••• "മകളേ... എണിക്ക്.. മോളേ.. മധു.." രേവതി മധുവിന്റെ മുറിയിലെ കതകിൽ തട്ടി വിളിച്ചു.. "ആഹ് ആന്റിയോ.." മധു കണ്ണുതിരുമ്മി കൊണ്ട് വാതിൽ തുറന്നു.... " ആഹ് നിങ്ങള് എഴുന്നേറ്റില്ലേ.. രണ്ടാളും ഒരുങ്ങിവാ നമ്മുക്ക് ഒന്ന് അമ്പലത്തിൽ പോയിട്ട് വരാം..." രേവതി അതും പറഞ്ഞ് താഴേയ്ക്ക് ഇറങ്ങി.. "എടി.. അഭി.. എഴുന്നേൽക്ക്.. അഭി.." മധു പുതപ്പും മൂടി കിടക്കുന്ന അഭിയെ കുലുക്കി വിളിച്ചു... "ഓഹ് എന്താടി ചേച്ചി നിനക്ക്.." അവൾ അലോസരത്തോടെ എഴുന്നേറ്റ് ഇരുന്ന് കണ്ണുത്തിരുമ്മി കൊണ്ട് ചിണുങ്ങി.. "അഭി.. ദേ രേവതി ആന്റി ഇപ്പോ നമ്മളെ വന്നു വിളിച്ചു.. അമ്പലത്തിൽ പോകാൻ....നീ പോയേ... പോയി റെഡിയായിക്കെ..." മധുരിമ മുടി തൂത്ത് മുകളിൽ കെട്ടി ടൗവ്വലും എടുത്ത് ബാത്ത്റൂമിലേക്ക് നടന്നു... "ആഹ്... കൃഷ്ണനെ കഴിഞ്ഞ റിസൾട്ട് വന്നപ്പോ കണ്ടതാ ... ഒന്ന് പോയി കാണാം അല്ലെ.." അതും പറഞ്ഞവൾ അവളുടെ മുറിയിലേക്ക് നടന്നു.. ••••••••••••••••••••••••••••••••• അഭി മുറിയിൽ കയറി കാര്യമായ തിരച്ചിലിൽ ആണ് ഏത് ഉടുപ്പ് ഇടും എന്ന കൺഫ്യൂഷനിൽ ആണ്... അവൾ ഒരു മെറുൺ ചുരിദാറും എടുത്ത് തിരിഞ്ഞതും ബാത്ത് റൂമിൽ നിന്ന് ഇറങ്ങി വരുന്ന നിരജ്ഞനെയാണ് കണ്ടത്.. "ആ..." രണ്ടു പേരും ഒരേ സ്വരത്തിൽ കാറി.. "നീ എന്താ ഇവിടെ.." ഒരു ടവ്വൽ അരയിൽ കെട്ടി കൈ കൊണ്ട് നെഞ്ച് മറച്ച് കൊണ്ട് നിച്ചു അവളോട് ചോദിച്ചു.. " ഇതെന്റെ മുറിയല്ലെ.. എനിക്കെന്താ ഇവിടെ വന്നുടേ.." അവൾ കണ്ണ് പൊത്തി തിരിഞ്ഞു നിന്നു... "ഇന്നലെ ഈ മുറി എനിക്കാ തന്നെ എന്ന് അറിഞ്ഞൂടെ..." നിച്ചു പുറം തിരിഞ്ഞ് നിൽക്കുന്ന അവളെ നോക്കി അലറി. " ഓഹ് പിന്നെ.. എന്ന് പറഞ്ഞ് എനിക്ക് എന്റെ റൂമിൽ വന്നൂടെ..." അഭി വിട്ടു കൊടുത്തില്ല.. " നിന്ന് കഥാപ്രസംഗം പറയാതെ ഇറങ്ങി പോടീ..." നിച്ചു പറയേണ്ട താമസം അഭി ഇറങ്ങി പുറത്തേയ്ക്ക് ഓടി.. * ഈശ്വരാ.. അവള് ഇനി എന്തെങ്കിലും കണ്ട് കാണുവോ.. ഈശ്വരാ എന്റെ മാനം...* നിച്ചു ആത്മ.. ••••••••••••••••••••••••••••••••• എല്ലാവരും ഒരുങ്ങി ഇറങ്ങി വരാന്തയിൽ ഇരിക്കുവാണ്.. അപ്പോളാണ് അവിടേയ്ക്ക് മധു വരുന്നത്.. ഒരു ചുവന്നതും കറുപ്പും നിറത്തിലെ ദാവണിയാണ് അവൾ ധരിച്ചിരുന്നത്.. അവളെ കണ്ണെടുക്കാതെ നോക്കി നിൽക്കുവാണ് നവീൻ.. മധു അവനെ നോക്കി.. അവൻ തന്നെ നോക്കുന്നത് കണ്ട് അവൾ നാണാത്താൽ തലകുനിച്ചു.. "മതി ഏട്ടാ.. ഇനിയും നോക്കി ചേച്ചീടെ രക്തം കൂടെ ഉറ്റി കുടിക്കുവോ..." നിച്ചു നവീനിന് മാത്രം കേൾക്കുന്ന രീതിയിൽ പിറുപിറുത്തു... "പോടാ..." നവീൻ.. "അല്ല മോളേ.. അഭി മേൾ എന്ത്യേ.." രേവതിയാണ് ചോദിച്ചത്.. " ഞാൻ ദേ വന്നു.." മധു പറയുന്നതിന് മുന്നേ അഭി അങ്ങോട്ട് എത്തി കൊണ്ട് പറഞ്ഞു.. മെറൂൺ ചുരിദാർ ആണ് വേഷം.. മുടി കുളിപ്പിന്നൽ കെട്ടിയിരിക്കുന്നു.. നെറ്റിയിൽ ഒരു കുഞ്ഞിപ്പൊട്ടും ഉണ്ട്..കണ്ണിൽ കൺമഷി കൊണ്ട് വരച്ചിട്ടുമുണ്ട്...നിച്ചു അവളിൽ നിന്ന് കണ്ണെടുക്കാതേ നോക്കി നിൽക്കുവാണ്... "എല്ലാവരും വന്നല്ലോ...എന്നാൽ നമ്മുക്ക് ഇറങ്ങിയാലോ മക്കളെ" സേതു എല്ലാവരെയും നോക്കി പറഞ്ഞു.. "മോനേ നവീൻ.. നീ നമ്മുടെ കാറിൽ മക്കളും ആയിട്ട് വാ..ഞങ്ങൾ സേതു വിന്റെ കാറിൽ വരാം" സത്യൻ നവീനിനെ നോക്കി പറഞ്ഞ് കൊണ്ട് ഇറങ്ങി.. സത്യനും സേതുവും രേവതിയും സാവിത്രിയും സേതുവിന്റെ കാറിലും മധുരിമയും നവീനും നിരജ്ഞനും അഭിയും സത്യന്റെ കാറിലും ആണ് പോകുന്നത്.. "എടി ചേച്ചി... നീ നവീൻ ചേട്ടന്റെ കൂടെ ഫ്രണ്ടിൽ ഇരിക്ക്.. ചേട്ടന് വഴി പറഞ്ഞ് കൊടുക്കാലോ" അഭി മധുവിനെ നോക്കി പറഞ്ഞു.. * അങ്ങനെയെങ്കിലും അവര് തമ്മിലുള്ള distance ഒന്ന് കുറയുമല്ലോ..* അഭി ആത്മ .. ••••••••••••••••••••••••••••••••• " ഇവിടന്ന് റൈറ്റ് അല്ലെ സേതൂ... എത്ര നാളായി നാട്ടിലൊക്കെ ഇങ്ങനെ വന്നിട്ട്.... വഴി ഒന്നും ഓർമ്മ കിട്ടണില്ല.." സത്യൻ. " നീ ഇങ്ങോട്ട് ഒക്കെ വന്നിട്ട് കുറേ ആയില്ലേ.. അല്ല നീ എന്താ പെട്ടന്ന് നാട്ടിലേക്ക് പോന്നെ ഒരു വിവരവുമില്ലാതെ പെട്ടന്ന്..." സേതു. " ഓടി.. ഓടി മടുത്തിട്ടാ സത്യാ..എനിക്ക് ഇനി വയ്യ എല്ലാം ഒറ്റയ്ക്ക് നോക്കാൻ അതാ നവീൻ മോനേ എല്ലാം ഏൽപ്പിച്ചത്.. ഇനി ഈ നാടും വീടും ഒക്കെ മതിന്ന് കരുതി.." സത്യൻ.. " അഭി മോൾക്ക് ആലോജനയൊന്നും നോക്കുന്നില്ലേ..സാവിത്രി" രേവതി.. " ഒരോരുത്തരേ നോക്കും പിന്നെ അവൾക്ക് സ്പാർക്ക് വന്നില്ലാന്ന് പറഞ്ഞ് അത് വേണ്ടാന്ന് വെയ്ക്കും...പിന്നെ പൊന്ന് മോൾക്ക് കൂട്ട് നിൽക്കാൻ ഒരു അച്ഛനും ഉണ്ടല്ലോ..." സേതുവിനെ നോക്കി സാവിത്രി പറഞ്ഞു.. ••••••••••••••••••••••••••••••••• * മാക്രി കുഞ്ഞ് ഒന്നും മിണ്ടണില്ലലോ.. ഒന്ന് ചെറിഞ്ഞാലോ..* പുറത്തേയ്ക്കും നോക്കി ഇരിക്കുന്ന അഭിയെ നോക്കിയണ് നിച്ചുവിന്റെ ആത്മ.. " ചേച്ചി.. ചേച്ചിക്ക് എങ്ങനാ ഇങ്ങനെ ഒരു കുരുപ്പിനെ അനിയത്തിയായിട്ട് കിട്ടിയെ എന്നാ ഞാൻ ഓർക്കണേ..." നിച്ചു അഭിയെ ഇടക്കണ്ണിട്ട് നോക്കി നോക്കികൊണ്ട് മധുവിനോട് പറഞ്ഞു.. മധു അത് കേട്ട് ചിരിച്ചു.. "താൻ എന്നെ കേറി പ്രേമിക്കാൻ ഒന്നും പോകുന്നില്ലല്ലോ... മരപ്പട്ടി.." അവസാനം പറഞ്ഞത് പതുക്കെയാണെങ്കിലും നിച്ചു അത് കേട്ടിരുന്നു... "നീ പോടി മാക്രി കുഞ്ഞേ.." നിച്ചു. " ഓഹ് രണ്ടാളും ഒന്ന് നിർത്തുവോ...തമ്മിൽ കണ്ടാ വഴക്കാ..നിച്ചു നിനക്ക് അവളെ ചൊറിയാതെ ഒന്ന് വെറുതേ വിട്ടുടെ.." നവീൻ വണ്ടി ഓടിക്കുന്നതിനിടെ തിരിഞ്ഞവരെ നോക്കി പറഞ്ഞു.. " ഞാൻ അതിന് ഇവളോട് ഒന്നും പറഞ്ഞില്ലല്ലോ ഏട്ടാ... ഞാൻ ചേച്ചിയോട് ചോദിച്ചേ..." നിച്ചു.. " എന്നെ കുറിച്ച് അല്ലെ പറഞ്ഞേ... എന്നെ കുറിച്ച് ആര് മോശമായിട്ട് പറഞ്ഞാലും ഞാൻ തിരിച്ച് പറയും..." അഭി.. " എന്നാ അത് ഒന്ന് കാണണമല്ലോ.." നിച്ചു.. "ആഹ് വാടാ.. ധൈര്യം ഉണ്ടെൽ താൻ പറ..." അഭി.. " ഓഹ്..ഒന്ന് നിർത്തുവോ രണ്ടാളും.. ദേ അമ്പലമേത്തി ഇറങ്ങിയേ..." മധു രണ്ടു പേരേയും നോക്കി കൂർപ്പിച്ചിട്ട് ഇറങ്ങി.. * ആഹാ എന്താ ഒരു മനസുഖം * നിച്ചു ആത്മ.. "എന്താ മക്കളെ വൈകിയിയെ.." തന്റെ നേരേ നടന്ന് വരുന്ന മധുവിനേയും നവീനിനെയും നോക്കി സത്യൻ ചോദിച്ചു.. " ഇടക്ക് വെച്ച് വഴി ഒന്ന് തെറ്റി..പിന്നെ കൂടെ ഒരു കീരിയും പാമ്പുമായിട്ട് ആണല്ലോ വന്നത്" നവീൻ തിരിഞ്ഞ് നിച്ചുവിനേയും അഭിയേയും നോക്കി പറഞ്ഞു.. " അതാരാ... ഈ കീരിയും പാമ്പും.." രേവതി ചിരിച്ചോണ്ട് ചോദിച്ചു. "വേറേയാര്.. ഇവര് തന്നെ..." നിച്ചുവിനേയും അഭിയേയും കാട്ടി മധു പറഞ്ഞതും നിച്ചു ഒന്ന് അവരെ നോക്കി ഇളിച്ചു.. " മ്മ്.. മതി മതി.. വാ ഇനിയും ഇവിടെ നിന്നാൽ നടയടയ്ക്കും..." സാവിത്രി എല്ലാവരെയും നോക്കി പറഞ്ഞു..അവരെല്ലാം അമ്പലത്തിന്റെ അകത്തേയ്ക്ക് നടന്നു... ••••••••••••••••••••••••••••••••• "എന്റെ കൃഷ്ണ.. എന്റെ ചേച്ചിയ്ക്ക് പറ്റിയാൾ തന്നെയാ നവീൻ ചേട്ടൻ.. അത് ഒരു മുടക്കവും വരാതെ നടത്തി കെടുക്കണേ...പിന്നെ ആ മരപ്പട്ടി.. ആയാൾ എന്തിനാ എന്റെ പുറകേ ഇങ്ങനെ നടക്കുന്നേ.." അഭി മുന്നിലുള്ള കൃഷ്ണ വിഗ്രഹം നോക്കി പ്രാർത്ഥിച്ചു.. "എന്താ മാക്രി കുഞ്ഞേ..നല്ല പ്രാർത്ഥന യിൽ ആണല്ലോ??... ദൈവത്തിന് കൊട്ടേഷൻ കൊടുക്കുവാണോ?.." നിച്ചു അവൾക്കരികിൽ വന്ന് നിന്ന് കൊണ്ട് ചോദിച്ചു.. "ഓഹ് അതിന് ദൈവം തന്നെ വേണമെന്നില്ല.. തനിക്ക് ഒക്കെ ഞാൻ തന്നെ ധാരാളം..." നിച്ചുവിനെ നോക്കി പല്ല് കടിച്ച് കൊണ്ട് അഭി പറഞ്ഞു... " അത് എന്തായാലും നിന്നെ കൊണ്ട് കൂട്ടിയാൽ ഒന്നും കൂടില്ല പെണ്ണേ...പിന്നെ എനിക്ക് നീ തന്നെ മതി..." നിച്ചു അവളെ നോക്കി ചിരിച്ചു കൊണ്ട് തിരിഞ്ഞ് നടന്നു.. * ഓഹ് ഇയാളെ കൊണ്ട്.. ഇയാളെ ഞാൻ അങ്ങ് കൊന്നാലോ...എന്റെ ക കൃഷ്ണാ..ഇയാൾക്ക് പണി കൊടുക്കാൻ ഒരവസരം തരണേ... * അഭി ആത്മ ... ••••••••••••••••••••••••••••••••• " അച്ഛാ.. ഇതൊക്കെ എവിടാ വയ്ക്കണ്ടേ..." നവീൻ കയ്യിലിരുന്ന പെട്ടികൾ കാണിച്ച് കൊണ്ട് ചോദിച്ച്... "നീ ഇത് തൽക്കാലം ആ ഹാളിലേയ്ക്ക് വയ്ക്ക്..." സത്യൻ " സത്യാ.. നിങ്ങൾക്ക് രണ്ട് ദിവസം കൂടെ അവിടെ നിൽക്കാമായിരുന്നു..." സേതു. " അത് ശരിയാകില്ല സേതു.. ഇനി മക്കളുടെ കല്യാണം വരുവല്ലേ... ഇപ്പോ മാറുന്നത് തന്നെയാ നല്ലത്..പിന്നെ അത്ര ദൂരെ ഒന്നുമല്ലല്ലോ.." സത്യൻ സേതുമാധവന്റെ വീടിന്റെ ഒരു മതിലിന് അപ്പുറമാണ് സത്യനാഥന്റെ വീട്.. രണ്ടു നിലയുള്ള എന്നാൽ അധികം പ്രഢി കുറവില്ലത്ത വീടാണ്.. മുറ്റത്ത് തന്നെ വിശാലമായ ഒരു ഗാർഡനും അതിന് സമീപം വാകമരത്തിന് ചുവട്ടിലായി ഒരു ഊഞ്ഞാലും ആ വീടിന്റെ മാറ്റ് കൂട്ടി... " കല്യാണത്തിന്റെ കാര്യം പറഞ്ഞപ്പോഴാ.. നാളെ തിരുമേനിയുടെ അടുത്ത് പോകണം.. മക്കളുടെ ജാതകം നോക്കണ്ടെ..." സേതു.. "മ്മ് വേണം..." സേതു.. ••••••••••••••••••••••••••••••••• " ആന്റി ഈ ബുക്ക്സ് ഒക്കെ എവിടെയാ വയ്ക്കണ്ടെ..." അഭി... " അതൊക്കെ നിച്ചുവിന്റെയാ മോളേ... മുകളിലേ രണ്ടാമത്തെ മുറിയാ..ഞാൻ വരണോ മോളേ..." രേവതി.. "വേണ്ടാന്റി.. ഞാൻ നോക്കിക്കോളാം.." അഭി.. *മരപ്പട്ടി ബുക്കൊക്കെ വായിക്കുവോ..* അഭി മനസ്സിൽ പറഞ്ഞ് കൊണ്ട് മുകളിലേയ്ക്ക് കയറി.. ••••••••••••••••••••••••••••••••• " ആഹാ.. ഇയാൾക്ക് ഇത്രേം ബുക്ക് ഒക്കെ ഉണ്ടായിരുന്നോ.." അഭി ഓരോന്നായി അടുക്കി വയ്ക്കുന്നതിനിടെ പിറുപിറുത്തു.. അപ്പോഴാണ് അവളുടെ കയ്യിലിരുന്ന ബുക്കിൽ നിന്ന് ഒരു ഫോട്ടോ താഴെ വീഴുന്നത്..അതിൽ മൂന്ന് പേരുടെ ചിത്രമായിരുന്നു... അടുത്ത കൂട്ടുകാരെ പോലെ അവർ ചേർന്ന് നിന്നിരുന്നു.... അതിൽ ഒരാൾ നിച്ചു ആണ്.. * എന്നാലും ബാക്കിയുള്ള രണ്ട് പേര് ആരാ?? * അഭി ആത്മ.. അവൾ ആ ഫോട്ടോ ഇരുന്നപോലെ തന്നെ തിരികെ ആ ബുക്കിലേക്ക് വച്ചു... ••••••••••••••••••••••••••••••••• പിറ്റേന്ന്✨ "അഭി... ഞങ്ങള് ഇറങ്ങുവാ.. ഇപ്പോ പോയാലെ തിരുമേനി അവിടെ കാണൂ..." സാരിയിൽ പിന്ന് കുത്തി കൊണ്ട് സാവിത്രി ടി വി കാണുന്ന അഭിയെ നോക്കി... അവളുടെ ഭാഗത്ത് നിന്ന് പ്രതികരണമൊന്നും കാണാതെ ആയപ്പോൾ സാവിത്രി അവളുടെ തോളിൽ ഒന്ന് അടിച്ചു കൊണ്ട് പറഞ്ഞു... "കേൾക്കുന്നുണ്ടോ നീ" "ആ..." അഭി തോളിൽ കൈവെച്ച് തിരുമ്മി കൊണ്ട് അലറി... "എന്താമ്മ ... " " ഞാൻ പറഞ്ഞത് വല്ലതും നീ കേട്ടോ..." സാവിത്രി "ആഹ് കേട്ടു.." അവള് തിരിഞ്ഞ് ടി വി യിലേക്ക് നോക്കി... "എന്താ അമ്മേ ഇവിടെ..." മധു അവരുടെ അടുത്തേയ്ക്കായി വന്നു കൊണ്ട് മധു പറഞ്ഞു... " ആഹ്.. നീ വന്നോ...നിന്റെ ട്യൂഷനോക്കെ കഴിഞ്ഞോ മോളേ..." മധു വിനെ നോക്കി സാവിത്രി പറഞ്ഞു.. "ആഹ് കഴിഞ്ഞു അമ്മാ.." മധു.. പെട്ടന്നാണ് പുറത്ത് ഒരു കാറ് വന്ന് നിൽക്കുന്ന ശബ്ദം അവർ കേൾക്കുന്നത്.. "ആരാ ഈ സമയത്ത് ..." സാവിത്രി പതിയെ പറഞ്ഞ് കൊണ്ട് ഉമ്മറത്തേയ്ക്ക് എത്തി... "അയ്യോ ...വേണുവേട്ടൻ... " സാവിത്രി ആ കാറിൽ നിന്ന് ഇറങ്ങിയ ആളേ നോക്കി സാവിത്രി പറഞ്ഞു... ••••••••••••••••••••••••••••••••• തുടരും💥 ഒന്ന് കമന്റ്‌ ഇട്ടൂടെ guys😌 നാൻ പാവമല്ലേ... പിന്നെ ഫോളോ കൂടെ.. 😁😁 പറ്റുമെങ്കിൽ റേറ്റിങ്ങും.. 😁😌 അപ്പൊ ബൈ നിങ്ങളുടെ സ്വന്തം: ✍🏻വസുധ🌷🩷 #📝 ഞാൻ എഴുതിയ വരികൾ #📔 കഥ #📙 നോവൽ #💞 പ്രണയകഥകൾ #💞 നിനക്കായ്