२८ एप्रिल १६८२ रोजी, कारवारकरचे पत्र... सिद्दी व मोगल (कल्याण) यांच्याशी पोर्तुगीज सख्य ठेवतात हे पाहून छत्रपती संभाजी महाराजांनी पोर्तुगीजांस शह देण्याचे ठरविले. त्याकरिता कारवारच्या किनाऱ्यापासून दोन मैलावर व गोव्याच्या आग्नेयेस एकावन मैलावर असलेले ओसाड पडलेले" अंजदीव बेट ताब्यात घेण्याचा विचार करून माणसेही पाठविली. परंतु ही बातमी व्हाइसरायला लागली. संभाजी महाराजांची माणसे जाण्यापूर्वीच म्हणजे २६ एप्रिल १६८२ रोजी व्हायसरायने ते बेट ताब्यात घेतले. व तटबंदी करण्याचे वगैरे काम त्वरित सुरू केले... ● कारवारकर २८ एप्रिल १६८२ ला लिहितात : “संभाजी महाराजांनी अंजदिव बेटावर बंदोबस्तासाठी कोट वगैरे बांधण्याचा विचार करून एक सुभेदार पाठवला होता. तो येथे येऊन थोडे दिवस झाले. तो माणसांच्या वगैरे मदतीची वाट पहात आहे. परंतु अद्याप कोणी आले नाही. त्यामुळे त्याने माणसांचे अभावी काहीही हालचाल केली नव्हती. यापुढे ती करील असे आता वाटत नाही. कारण दोन दिवसांपूर्वी तेथे पोर्तुगीजांची चार गुरबे आली असून २०० लोक बेटावर उतरविले आहेत व बेटावर कोट बांधण्याकरिता आणखी माणसे, चुना वगैरे सामान येत आहे अशी गावातील बातमी आहे. कालानेच त्यातील खरेखोटेपणा ठरेल.” या तटबंदीच्या बांधकामाचा पहिला दगड ५ मे १६८२ ला समारंभाने बसविला. आमरो सिमो (Amaroa Simoes) हा अंजदीवचा पहिला सुभेदार झाला... ――――――――――――― #chhatrapatishivajimaharaj #shivajimaharaj #इतिहासकर्ते_महराट्टे #अंजदिव_बेट #छत्रपतीसंभाजीमहाराज #आरमार #गडवाटप्रवाससह्याद्रीचा #मराठा_साम्राज्य #🚩शिवराय