#😰 തന്റെ ​ഗർഭം അലസാൻ കാരണം വിജയ് എന്ന് നടി തമിഴ്നാട് മുഖ്യമന്ത്രി സി. ജോസഫ് വിജയ്ക്കും അദ്ദേഹത്തിന്റെ പാർട്ടി തമിഴക വെട്രി കഴകത്തിനും എതിരായി വിവാദ പരാമർശങ്ങളുമായി ജൂലി മരിയ ജൂലിയാന എന്ന പേര് തമിഴ് പ്രേക്ഷകർക്കിടയിൽ പ്രചരിക്കാൻ ആരംഭിച്ചത് തമിഴ് ബിഗ് ബോസ് ആദ്യ സീസൺ മുതലായിരിക്കും. നേഴ്സ് ആയി ജോലിയെടുത്തിരുന്ന ജൂലി (Julie) അഭിനയം, അവതരണം, റിയാലിറ്റി ഷോ തുടങ്ങിയ പ്ലാറ്റ്‌ഫോമുകളിൽ അവരുടെ പ്രതിഭ തെളിയിച്ചുകൊണ്ടാണ് ശ്രദ്ധേയയായത്. ഇവർ 2017ലെ ബിഗ് ബോസ് തമിഴ് ആദ്യ സീസൺ, 2022ലെ ബിഗ് ബോസ് അൾട്ടിമേറ്റ് എഡിഷനുകളിൽ പങ്കെടുത്തിട്ടുണ്ട്. 'ഓടി വിളയാട് പാപ്പാ' എന്ന ഷോയുടെ അവതാരകയായും ജൂലി വന്നിട്ടുണ്ട്. ഇവർ അഭിനയിച്ച തമിഴ് ചിത്രമാണ് 'നാൻ സിറിന്താൾ' (2020). തമിഴ്നാട് മുഖ്യമന്ത്രി സി. ജോസഫ് വിജയ്ക്കും അദ്ദേഹത്തിന്റെ പാർട്ടി തമിഴക വെട്രി കഴകത്തിനും എതിരായി ജൂലി നടത്തിയ ചില പരാമർശങ്ങൾ വിവാദമായിക്കഴിഞ്ഞു ഇക്കഴിഞ്ഞ ജനുവരി മാസത്തിലാണ് ജൂലിയുടെയും മുഹമ്മദ് ഇക്രീമിന്റെയും വിവാഹം നടന്നത്. ആദ്യത്തെ കുഞ്ഞിനെ ഗർഭം ധരിച്ച ജൂലി തനിക്ക് ആ കുഞ്ഞിനെ നഷ്‌ടമായി എന്ന വിവരം ഹൃദയഭേദകമായി മാധ്യമങ്ങൾക്ക് മുന്നിൽ അവതരിപ്പിക്കുകയായിരുന്നു. തമിഴ്നാട് തെരഞ്ഞെടുപ്പ് നാളുകളിൽ സോഷ്യൽ മീഡിയ വഴി സജീവമായി നിലകൊണ്ട വ്യക്തിയാണ് ജൂലി (തുടർന്ന് വായിക്കുക) തമിഴക വെട്രി കഴകം പ്രവർത്തകർ നടത്തിയ ഓൺലൈൻ ട്രോളിംഗ് തനിക്ക് കടുത്ത മാനസിക സമ്മർദം ഏല്പിച്ചു എന്ന് ജൂലി. ഇതിന്റെ ഫലമായി ഗർഭം അലസിപ്പോയി എന്നും ജൂലി ആരോപിച്ചു. തനിക്ക് നേരെയുള്ള അവഹേളനത്തിനെതിരെ ചെന്നൈ പോലീസിൽ ജൂലി പരാതി നൽകിയിട്ടുണ്ട്. ഓൺലൈൻ അധിക്ഷേപം അഴിച്ചുവിടുന്നവർക്കെതിരെ ആദ്യമായി പോലീസിൽ പരാതിപ്പെട്ടത് മാർച്ച് മാസത്തിലാണ്. എട്ടു പേർക്കെതിരെ പരാതി നൽകി. പിന്നീട് ഇത് സിവിൽ അപകീർത്തിപ്പെടുത്തലാണ്, ക്രിമിനൽ വിഭാഗത്തിലല്ല എന്ന് പരാമർശിച്ചു കൊണ്ടുള്ള നോട്ടീസ് ലഭിച്ചു ഡിഎംകെയിൽ നിന്നും ടിവികെയിലേക്ക് ഭരണം മാറിയ വേളയിൽ പുറപ്പെടുവിച്ച നോട്ടീസിനെ കുറിച്ച് അറിയാമായിരുന്നില്ല എന്ന് ജൂലി. അതിനു ശേഷം 15 ലക്ഷത്തിന്റെ വൃക്ക തട്ടിപ്പ് കേസിൽ തന്റെ പേരുൾപ്പെട്ട ഓൺലൈൻ തട്ടിപ്പും പൊന്തിവന്നു. ഓൺലൈൻ അവഹേളനവും അതുമൂലമുണ്ടായ മാനസിക സമ്മർദവും കാരണം തനിക്ക് ഗർഭം അലസിയതായി ജൂലി. ഈ സാഹചര്യം കൊണ്ട് അനുകമ്പ പിടിച്ചുപറ്റാൻ ശ്രമിക്കുന്നില്ല. തന്നെ ബാധിച്ച ഏറ്റവും വലിയ വിഷയം തന്റെയും ഭർത്താവിന്റെയും പേരിൽ ഉയർന്ന ആരോപണങ്ങളും അപകീർത്തിപ്പെടുത്തലുമാണെന്ന് ജൂലി തമിഴക വെട്രി കഴകത്തിനെതിരെ ഏതൊരു സ്ത്രീ സംസാരിച്ചാലും യാതൊരു ദാക്ഷണ്യവുമില്ലാതെ അവരുടെ പേര് കളങ്കപ്പെടുത്തുന്നതാണ് രീതിയെന്ന് ജൂലി ആരോപിച്ചു. താൻ പേരെടുത്തു പറഞ്ഞ ആ എട്ടുപേർ ടിവികെ അനുകൂലികളായതിനാൽ അവർക്കെതിരെയുള്ള തന്റെ പരാതി പോലീസ് കാര്യമായി എടുത്തില്ല. "എനിക്ക് കുഞ്ഞിനെ നഷ്‌ടമാവാൻ കാരണം വിജയ് അണ്ണനാണ്. അദ്ദേഹം അത് നേരിട്ട് നടത്തിക്കാണില്ല. എന്നാൽ, എനിക്ക് നേരെയുണ്ടായ സൈബർ ആക്രമണങ്ങളിൽ നിന്നും പിൻവാങ്ങാൻ അദ്ദേഹം ഒരു വാക്ക് പറഞ്ഞിരുന്നുവെങ്കിൾ എനിക്കെന്റെ കുഞ്ഞിനെ നഷ്‌ടമാകുമായിരുന്നില്ല," ജൂലി പറഞ്ഞു തിരക്കഥ, സംവിധാനം, അവതരണം എന്നിങ്ങനെ എല്ലാം ചേർന്നൊരു തികഞ്ഞ കഥയാണ് ട്രോളുകൾ സൃഷ്‌ടിച്ചത്‌. ഒരു ടിവികെ അനുകൂലിയും, അഭിഭാഷകനുമാണ് തനിക്കെതിരെയുള്ള ആരോപണങ്ങൾക്ക് പിന്നിൽ എന്നും ജൂലി ആരോപിച്ചു. വിജയ്‌യുടെ രാഷ്ട്രീയ വളർച്ചയുടെ കാര്യത്തിലും ജൂലി ഒളിയമ്പെറിയാൻ മറന്നില്ല. ഇൻസ്റ്റഗ്രാമിലൂടെ മുഖ്യമന്ത്രിയായ ആളാണ് വിജയ് എന്ന് ജൂലി. തന്റെ അനുകൂലികൾക്കെതിരെ സംസാരിക്കുന്നവരെ ലക്ഷ്യമിടുന്നതിന് പകരം, അദ്ദേഹം പൊതുജനങ്ങളുടെ ക്ഷേമത്തിനായി പ്രവർത്തിക്കണം എന്നും ജൂലി ഊന്നിപ്പറഞ്ഞു.