*ഒരു കാര്യത്തെ* *നമ്മൾ* *മനസ്സിലാക്കണം.....* ഹറാമിനെ “content” ആക്കി ആഘോഷിക്കുന്ന ഒരു കാലത്താണ് നാം ജീവിക്കുന്നത്.സിനിമയെ ഇസ്ലാം അനുവദിച്ചിട്ടില്ലെന്ന് അറിയുമ്പോഴും, അതിലേക്ക് പോകുന്നത് മാത്രമല്ല, അത് റീലുകളും സ്റ്റോറികളും ആയി പ്രദർശിപ്പിച്ച് മറ്റുള്ളവരെയും പ്രേരിപ്പിക്കുന്നത്, ഇത് ഒരു വ്യക്തിഗത പാപം മാത്രമല്ല, മറ്റുള്ളവരുടെ പാപത്തിലും പങ്കാളിയാകുന്ന ഒരു അപകടകരമായ നിലപാടാണ്. Surah An-Nur 24:30 ൽ അല്ലാഹു പറയുന്നു: “മുഅ്മിനുകളോട് പറയുക: അവർ അവരുടെ കാഴ്ച താഴ്ത്തുകയും അവരുടെ ലജ്ജാവയവങ്ങൾ കാത്തുസൂക്ഷിക്കുകയും ചെയ്യട്ടെ.." ഇത് ഒരു നിർദ്ദേശം മാത്രമല്ല ജീവിതത്തിന്റെ മാർഗ്ഗരേഖയാണ്.ഇന്ന് തിയേറ്ററുകൾ ആ നിർദ്ദേശത്തിന് വിരുദ്ധമായ ഒരു അന്തരീക്ഷമായി മാറിയിട്ടുണ്ട്. നബി ﷺ പറഞ്ഞു:“ആരും ഒരു തെറ്റായ കാര്യത്തിലേക്ക് വിളിച്ചാൽ, അതിൽ പ്രവർത്തിക്കുന്നവരുടെ പാപത്തിന്റെ തുല്യം അവനും ലഭിക്കും.”(Sahih Muslim 2674) അപ്പോൾ, നമ്മൾ ഒരു ഹറാം കാര്യത്തെ പ്രദർശിപ്പിച്ച് പ്രചരിപ്പിക്കുമ്പോൾ,അത് കണ്ടു മറ്റൊരാൾ കൂടി അതേ വഴിയിലേയ്ക്ക് പോകുന്നുവെങ്കിൽ,അവന്റെ പാപത്തിൽ നിന്നൊരു പങ്ക് നമ്മളിലേക്കും വരും എന്നത് എത്ര ഭയപ്പെടുത്തുന്ന സത്യം, ഇനി ഒരു നിമിഷം ചിന്തിച്ചു നോക്കൂ കഴിഞ്ഞ ദിവസങ്ങളിൽ, സിനിമ കണ്ട് മടങ്ങുന്ന വഴിയിൽ അപകടത്തിൽ മരിച്ച ചിലരുടെ വാർത്ത നമ്മൾ കേട്ടില്ലേ..?!! അവരുടെ യാത്ര എങ്ങനെയായിരുന്നു..?! അത് അല്ലാഹുവിന് പ്രിയപ്പെട്ട വഴിയിലായിരുന്നോ? ഇത് ഒരാളുടെ വിധിയെ കുറിച്ച് വിധിന്യായംപറയാനല്ല,പക്ഷേ, നമ്മുടെ സ്വന്തം ജീവിതത്തെ ചോദ്യം ചെയ്യാനുള്ള ഒരു കണ്ണാടിയാണ്. നബി ﷺ പറഞ്ഞു: “ഓരോരുത്തനും മരിക്കുന്നത്, അവൻ ജീവിച്ചിരുന്നത് എന്തിനുവേണ്ടിയാണോ അതുപോലെ തന്നെയാണ്.” (Sahih Muslim 2878) അവസാനം നന്നാകാതെ പോയാൽ… ഇത്രയും “എൻറർടെയിൻമെന്റ്”എല്ലാം നമുക്ക് എന്ത് പ്രയോജനം..?!! തിയേറ്ററിന്റെ ഇരുട്ടിൽ നിന്ന് അവിടെ വെച്ച് തന്നെ നേരെ ഖബറിന്റെ ഇരുട്ടിലേക്ക് പോകേണ്ടി വന്നാൽ..,ആ നിമിഷം നമ്മൾ റബ്ബിനോട് എന്ത് പറയുമെന്ന് ഒരിക്കലെങ്കിലും ചിന്തിച്ചിട്ടുണ്ടോ..?!! ജീവിതം ചെറിയതാണ് എന്ന് എല്ലാവർക്കുമറിയാം,പക്ഷേ അതിന്റെ ഫലങ്ങൾ അനന്തമാണ്.റബ്ബിന്റെ തൃപ്തിയില്ലാത്ത ഒരു ജീവിതം അത് എത്ര സന്തോഷകരമായി തോന്നിയാലും, അത് ഒടുവിൽ ശൂന്യത മാത്രമേ നൽകൂ. അതിനാൽ, ഹറാമിനെ നോർമലൈസ് ചെയ്യുന്നത് നിർത്തൂ പ്രിയരേ.., അത് ആഘോഷിക്കുന്നത് നിർത്തൂ.., റബ്ബ് ഇഷ്ടപ്പെടുന്ന വഴിയിലേക്ക് മടങ്ങൂ.., യാ അല്ലാഹ്.., ഞങ്ങളെ ഹറാമിൽ നിന്ന് കാത്തുസൂക്ഷിക്കണേ.., ഞങ്ങളുടെ കണ്ണുകളും ഹൃദയങ്ങളുംശുദ്ധമാക്കണേ.., നമ്മുടെ അവസാനം നല്ലതാക്കണേ.., ആമീൻ..!! 🤍🥺🤲🏻 #🙏 ഭക്തി Status #🕋 ഇസ്ലാമിക് സ്റ്റാറ്റസ് #🕌 ഇസ്ലാമിക് ഭക്തി #☪️ നബി പറഞ്ഞ ഹദീസുകൾ #🕋 ഇസ്ലാമിക് സ്റ്റാറ്റസ് 🟢