ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/mlB4N3Da?d=n&ui=v64j8rk&e1=c❤️മൊഞ്ചത്തി പെണ്ണിന്റെ സുൽത്താൻ ❤️ ഭാഗം: 31 ****** കയ്യിൽ അഞ്ചു കാശില്ലാതെ അവൾ തുണികടയിൽ എങ്ങിനെ പോവാനാണ് അത് അവൾ തന്നെയാണോ എന്ന് എങ്ങിനെ അറിയും അമീറിന്റെ മനസ്സിൽ പലതും മിന്നിമാഞ്ഞുകൊണ്ടിരുന്നു. ഞാൻ നിന്നെ എത്ര മാത്രം ഇഷ്ടപ്പെടുന്നു എന്ന് നിനക്കറിയോ പെണ്ണെ... നീ പോയതിൽ പിന്നെ.. എന്റെ മനസ്സ് ഉരുകി തീർന്നോണ്ടിരിക്ക.. അതുവല്ലതും നീ അറിയുന്നുണ്ടോ... അവൻ...ഓരോന്ന് ഓർത്ത് ഉമ്മറ പടിയിൽതന്നെ അങ്ങെനെ ഇരുന്നു.. എന്ത് പറ്റി... അമീറെ...ഉമ്മൂമ്മ തിരക്കി ഏയ്‌ ഒന്നുല്ല ഉമ്മൂമ്മ... ഇന്ന് ടൗണിലുള്ള തുണികടയിൽ നിന്ന് നാസറിക്കയുടെ മോൾ ആയിശുവിനെ കണ്ടന്ന് ആണോ...? അത് സത്യം ആയിരിക്കുമോ..?? അറിയില്ല...ഞാനും അതുതന്നയാ ഓർത്തോണ്ടിരിക്കുന്നത്.. സത്യമാണേൽ മനസിന് ആശ്വാസവും സന്തോഷവും ആയിരുന്നു.. അവൾക്ക് ഒന്നും സംഭവിക്കാതെ ജീവിച്ചിരിപ്പുണ്ടല്ലോ... അമീറെ. എന്ന നമ്മൾ പോയ്‌ ഒന്ന് അന്വേഷിക്കണോ.. ആരോട് അന്വേഷിക്കാൻ അവളവിടെ ഡ്രസ്സ്‌ എടുക്കാൻ പോയതായിരിക്കില്ലേ.. അവൾ ആണങ്കിൽ..' അങ്ങിനെ എത്ര ആളുകൾ ദിവസം വന്നുപോകുന്ന കടയാണ്...അവളെ ആര് ശ്രദ്ധിക്കാനാ...നമ്മൾ ആരോട് പോയി ചോദിക്കും. മ്മ്... അതും ശെരിയാ.. പടച്ചവൻ അവളെ നമ്മുടെ കണ്മുന്നിൽ എത്തിക്കാതിരിക്കില്ല... മ്മ്.... എന്നാലും അവൾ... എന്തിന് ഇങ്ങനെ... എല്ലാം...ഞാനവളോട് തുറന്ന് പറഞ്ഞതായിരുന്നില്ലേ... എന്നിട്ടും...എന്നെ സമർത്ഥമായി...പറ്റിച്ചുകൊണ്ട് എങ്ങിനെ അവൾക്ക് ഇവിടെനിന്നും പടി ഇറങ്ങിപോകാൻ തോന്നി.... എന്റെ ജീവനാണ് നീയെന്ന് അവളോട് എത്രപ്രാവശ്യം പറഞ്ഞതാ...ഞാൻ.. എന്നിട്ടും...അവന്റെ മിഴികളിൽ നിന്നും രണ്ട് തുള്ളി അടർന്നു വീണു.. ഇനി എവിടെ പോയി കണ്ട് പിടിക്കും...ആരോട് ചോദിക്കും...എത്ര നാൾ ഇങ്ങനെ..ഇരുണ്ട വീഥിയിലൂടെ കടന്ന് പോവും...ഇനി കണ്ടാൽ തന്നെ അവൾക്ക് എന്റേതായി മാറുവാൻ കഴിയുമോ..അങ്ങിനെ ഒരുപാട് ചോദ്യങ്ങൾ ഉത്തരമില്ലാതെ അമീറിന്റെ മനസ്സിൽ കിടന്ന് പിടഞ്ഞുകൊണ്ടിരുന്നു. **---**---** ആയിശുവിനെ കൊണ്ട് അഞ്ചു...വാങ്ങിച്ച ഡ്രെസ്സുകളൊക്കെ മാറ്റി മാറ്റി ഉടുപ്പിച്ചു. എന്ത് ഭംഗിയാ ആയിശു നീ...ഓരോ ചുരിദാർ അണിയുമ്പോഴും നിന്റെ മുഖത്ത് നിന്ന് കണ്ണെടുക്കാൻ തോന്നുന്നില്ല ഒന്ന്... പൊ..അഞ്ചു... സത്യം.... എന്റെ ആയിഷുവിന് കണ്ണു തട്ടാത്തിരിക്കട്ടെ.. മ്മ്.... അവൾ അഞ്ജുവിന്റെ മുഖത്തേക്ക് നോക്കി ചെറുതായി ഒന്ന് പുഞ്ചിരിച്ചു ദേ....ഡി...ഞാനിപ്പോൾ വരാം നാളെ ഒരു വിശേഷം ഉണ്ട് അമ്മയോട് ഒരു കാര്യം ചോദിച്ചിട്ട് വരാം.... മ്മ്.... അവൾ പോയതിന് ശേഷം ആയിശു...ജനൽ പഴുതിലൂടെ താഴേക്ക് നോക്കി...അവളുടെ മനസ്സിലേക്ക് അമീറിന്റെ മുഖം നിറഞ്ഞു നിന്നു.. അമീർ വിഷമിക്കുന്നുണ്ടോ..ആവോ. എന്നോട് ക്ഷമിക്കു ഇക്കാ.. എനിക്ക് ഇതല്ലാതെ വേറെ വഴി ഇല്ലായിരുന്നു... ആ...കാട്ടാളൻ കുടിയിരിക്കുന്ന വീട്ടിൽ എനിക്ക് ഒരു നിമിഷം പോലും നിക്കാൻ കഴിയില്ലായിരുന്നു. എന്നെ അവരാരും മനസ്സറിഞ്ഞു സ്നേഹിച്ചിട്ടില്ല ഉണ്ടായിരുന്നെങ്കിൽ അവന്റെ കള്ള കഥ കേട്ട് അവരൊന്നും തന്നെ എന്നെ അവിശ്വസിക്കില്ലായിരുന്നു എങ്ങിനെയൊക്കെ ആയാലും എച്ചിൽ പാത്രം കഴുകുന്നവൾക്ക് ആ...വിലയെ കാണു.... അവളുടെ മനം പൊട്ടി കണ്ണിൽ നിന്നും നീരുറവയായി പുറത്തേക്ക് ഒഴുകി.. എങ്കിലും ഇക്കയുടെ സ്നേഹം അത്‌ സത്യമായിരുന്നു എന്നെ ജീവിതത്തിലേക്ക് കൈപിടിച്ച് കൂടെ കൂട്ടും എന്നെനിക്ക് വിശ്വാസവും ഉണ്ടായിരുന്നു. പക്ഷെ.... അതോടെ ഇക്കയുടെ സമാധാനം നഷ്ടപെടും. ഞാൻ കാരണം എന്നെ സ്നേഹിച്ചത് കാരണം ഇക്കയെ ആരും വെറുക്കാൻ പാടില്ല...ഇക്കയോടുള്ള എന്റെ സ്നേഹം അതെന്നും എന്റെ മനസ്സിൽ നിറഞ്ഞു നിൽക്കും... എടൊ... അഞ്ചു അവളുടെ തോളിൽ തട്ടി.. ഡോ.. താനിവിടെയൊന്നും അല്ലേ. ഞാൻ എത്ര തട്ടിവിളിച്ചു... ആയിശു കണ്ണുകൾ വേഗം തുടച്ചുകൊണ്ട് അഞ്ചുവിനെ നോക്കി.... എന്താ...ആയിശു നീ...കരയാണോ....? അവൾ അഞ്ചുവിനെ കെട്ടിപിടിച്ചു കരഞ്ഞു.. അഞ്ചു അവളുടെ പുറത്ത് പതിയെ തടവി. എന്ത് പറ്റിയെടാ..നിനക്ക്... അഞ്ചു... ഈ ഭൂമിയിൽ അഭിനയിക്കാതെ എന്നെ സ്നേഹിച്ചിട്ടുള്ളത് എന്റെ ഇക്കയാണ്... ബാക്കി ഉള്ളവരുടെതൊക്കെ വെറും നാട്ട്യങ്ങൾമാത്രമായിരുന്നു.. എന്ന് മനസ്സിലാക്കാൻ ഞാൻ വൈകിപ്പോയി.. പാവം... ഞാനില്ലാതെ എന്നെകാണാതെ ആ ഉള്ളം വല്ലാതെ എരിയുന്നുണ്ടാകും. അത്രക്ക് ജീവനാ ഞാനാ...ആ..പാവത്തിനെ... പക്ഷെ.. അവന്റെ വീട്ടുകാർക്ക് വേണ്ടിയിരുന്നത് കൂലിയില്ലാത്ത ഒരു ജോലിക്കാരിയെ ആയിരുന്നു. അതവർ വേണ്ടുവോളം മുതലാക്കുകയും ചെയ്തു.. സാരല്ലടാ...കരയല്ലേ... നിനക്കിനി ഞങ്ങളൊക്കെ ഇല്ലേ...ഇനിമുതൽ ഈ....വീട്ടിലെ ഒരംഗം തന്നെയാണ്..നീയും... കണ്ണു തുടക്ക്.. ഞാൻ ഒന്ന് ചോദിക്കട്ടെ. എന്റെ ആയിശുട്ടിയോട് ആരാണ്...ഈ...ഇക്കാ... അഞ്ചുവിന്റെ ചോദ്യത്തിന് മുന്നിൽ അവളുടെ മുഖത്ത് നാണം വിരിഞ്ഞു..എങ്കിലും മിഴികളിൽ നിന്നും ഉതിർന്ന് ചാടുന്ന മിഴിനീർ മുത്തുകളെ ഷാളിന്റെ അറ്റം കൊണ്ട് തുടച്ച് മാറ്റികൊണ്ട് അവൾ തുടർന്നു. ഞാൻ ജോലി ചെയ്തിരുന്ന വീട്ടിലെ...അവരുടെ മോളുടെ മകനാണ്...അമീർ അവൻക്ക് എന്നെ ഇഷ്ടമായിരുന്നു... തിരിച്ചു എനിക്കും. അവനെ പിരിയേണ്ടി വന്നതിലാണ് എനിക്ക് സങ്കടം. ആയിശു,.. സങ്കടപെടാതെ നമുക്ക് ഒരു കാര്യം ചെയ്യാം.. രാഹുലിനെയും അഖിലിനെയും പറഞ്ഞയച്ചുകൊണ്ട് അമീറിനെ വിളിപ്പിക്കാം നീ ഇവിടെ ഉണ്ടെന്ന് അറിയുമ്പോൾ അവന്റെ മനസൊന്നു തണുക്കും അവനെ കണ്ടാൽ നിന്റെ മനസ്സും..ഞാനവരെ പറഞ്ഞയക്കട്ടെ... അയ്യോ... വേണ്ട... വേണ്ട.. ആരെയും അറിയിക്കണ്ട. അവൻ സന്തോഷത്തോടെ അവിടെ കഴിയട്ടെ. താൻ എന്താടോ പറയുന്നത് തന്നെ കാണാതെ അവന്റെ മനം ഉരുകുന്നുണ്ടാവില്ലേ... പിന്നെ അവൻക്ക് എവിടുന്ന് സന്തോഷം കിട്ടാനാ... ഉരുകുന്നുണ്ടാവും എങ്കിലും...വേണ്ട.. കുറച്ച് ദിവസങ്ങൾ കഴിയുമ്പോൾ അവൻതന്നെ മാറ്റിയെടുത്തോളും.. മ്മ്.... വേണ്ടങ്കിൽ...വേണ്ട.. നീ..സമാധാനായിട്ടിരിക്ക്. അഞ്ചു എനിക്കൊരു സഹായം ചെയ്യുമോ.. എന്താടാ... സത്യമാണോയെന്നറിയില്ല എന്റെ ഉമ്മ ജീവിച്ചിരിപ്പുണ്ടെന്ന് അവർ പറയുന്നത് ഞാൻ കേൾക്കുകയുണ്ടായി അത്‌ ഉള്ളതാണോ എന്നറിയണം അതിന് നിന്റെ സഹായം എനിക്ക് വേണം. ചോദിക്കാനുണ്ടൊ ആയിശു...തീർച്ചയായും. ഞാൻ എന്റെ ഉമ്മയുടെ അടുത്ത് പോകണമെന്ന് കരുതിയാണ് വീട്ടിൽ നിന്നും ഇറങ്ങിയത്...പക്ഷെ... അതിങ്ങനെയൊക്കെ ആയിപോയ് എനിക്ക് കണ്ട് പിടിക്കണം. എന്തിന്...എന്നെ അവരെ ഏൽപ്പിച്ചുയെന്ന് ചോദിക്കണം.... അതിന് എനിക്ക് നിന്റെ സഹായം വേണം. സമാധാനപ്പെട്.. ആയിശു... നമുക്കെല്ലാം കണ്ട് പിടിക്കാം... നിന്നെ വളർത്താൻ കഴിയാത്ത എന്തെങ്കിലും സാഹചര്യം അവർക്കുണ്ടായിട്ടുണ്ടാകും സങ്കടപെടല്ലേ.. അഞ്ചു ഓരോന്ന് പറഞ്ഞവളെ ആശ്വാസിപ്പിച്ചുകൊണ്ട് ഗോവണി ഇറങ്ങി.. അവളുടെ അമ്മമാരുടെ അടുത്തേക്ക് ആയിശുവിനെ കൊണ്ട് പോയി.. **---**--** ഇലകൾ കൊഴിയും വേഗത്തിൽ ഓരോ ദിവസവും കടന്നു പോയികൊണ്ടിരുന്നു.. അവർ ആയിശുവിനെ അവരുടെ അഞ്ചുവിനെ പോലെത്തന്നെ സ്നേഹിച്ചും, ചേർത്തു പിടിച്ചുകൊണ്ടും അവരുടെ കൂടെ ചേർത്തു. ഇത് വരെ കിട്ടാത്ത സ്നേഹവും,അനുഭൂതിയും സന്തോഷവും..ആയിശുവിന് അവരിൽ നിന്നും ആവോളം കിട്ടുന്നുണ്ടായിരുന്നു.. അവരുടെ അച്ഛന്മാരും അതിന് കോട്ടം ഒന്നും വരുതിയില്ല... അമീർ...ദുബായിലേക്കൊന്നും പോകാതെ നാട്ടിൽതന്നെ ചുറ്റിതിരിഞ്ഞു നടന്നു... ആയിശുവിന്റെ ഓർമകളുമായ് ****----**** എടി... ആയിശു... നീയിത്വരെ..ഒരുങ്ങിയില്ലേ.. വേഗം വേണം.. ഞാൻ വരുന്നില്ല..അഞ്ചു.. അത് പറ്റില്ല... നമുക്ക് ഒന്നിച്ച് പോയി വേഗം വരാമെന്നെ അഞ്ചു അവളുടെ കൈപിടിച്ച് വലിച്ച് കൊണ്ട് പോയി.... നമ്മളെവിടെക്കാ... പോകുന്നത് അതേലും ഒന്ന് പറ. ഇന്ന് എന്റെ ബർത്തഡേ ആണെന്ന് അറിയാല്ലോ.. മ്മ്... അറിയാം.. അമ്മമ്മാർക്കൊരു ആഗ്രഹം "മണ്ണാർ മലയിലുള്ള ഒരു അഗതി മന്ദിരം" ഇന്നത്തെ ഉച്ചഊണ് നമുക്ക് അവിടെ കൊണ്ട് പോയ്‌ കൊടുക്കണമെന്ന്. എന്റെ പിറന്നാൾ കേക്ക് മുറിച്ച് അവർക്കൊപ്പം ആഘോഷിക്കാമെന്ന്.. അവരെയൊക്കെ കാണുമ്പോൾ നമുക്ക് ഒരു നേരം നമ്മുടെ സങ്കടവും മറക്കാം..അവർക്കത് സന്തോഷവും ആവും. ചെല്ല് ഇനിയെങ്കിലും ചെന്ന് ഒരുങ്ങാൻ നോക്ക്.. എടി... മണ്ണാർമല എന്റെ നാടാണ് അവിടേക്കാണ് എനിക്ക് പോകാനുള്ളത് അവിടെയാ എന്റെ ഉമ്മയുള്ളത്.. ആയിഷുവിന്റെ മനസ്സ് തുള്ളിച്ചാടി.... ആണോ... എന്റെ മൊഞ്ചത്തി.. അവളെ കവിളിൽ പിടിച്ചു നുള്ളിക്കൊണ്ട് അഞ്ചു സന്തോഷം പ്രകടിപ്പിച്ചു. പെട്ടന്ന് തന്നെ ആയിശു സന്തോഷത്തോടെ വേഷം മാറി അവർക്കൊപ്പം കാറിൽ കയറി...അവളുടെ മനസ്സിൽ പ്രതീക്ഷകൾ ഓടി നടക്കാൻ തുടങ്ങി. അവൾക്ക് ഒട്ടും പരിചയമില്ലാത്തിടം ജനിച്ചത് അവിടെയാണന്ന് പറഞ്ഞിട്ട് ഒരു കാര്യവുമില്ലാ...ഒന്നര വയസ്സിൽ അവർ ഇങ്ങോട്ട് താമസം മാറിയില്ലേ.... അവൾ കാഴ്ച്ചകളൊക്കെ നന്നായി തന്നെ ആസ്വദിച്ചു.. ദാ.... ആ...വളവു കഴിഞ്ഞാൽ ഉടൻ കാണുന്നതാ...അവരുടെ ഡ്രൈവർ വിനോദ് അവരെ നോക്കികൊണ്ട് പറഞ്ഞു. കാർ...കണ്ടതും പാറാവു കാരൻ ഗൈറ്റ് തുറന്ന് കൊടുത്തു.. അവിടെ ഒരു സൈഡിലായി കാർ ഒതുക്കി നിർത്തി... അതിൽ നിന്നും അവർ ഓരോരുത്തരായി ഇറങ്ങി. ഒരു പത്തുനാല്പത് വയസ്സ് തോന്നിക്കുന്ന ഒരു പുരുഷൻ അവരുടെ അടുത്തേക്ക് വന്ന് അവരെല്ലാവരെയും അഗതി മന്ദിരത്തിന്റെ നീണ്ടഹാളിലേക്ക് കൂട്ടി കൊണ്ടുപോയി.. പിഞ്ചു കുട്ടികൾ മുതൽ വൃദ്ധർ ആയവർവരെ ഉണ്ടവിടെ... എല്ലാവരും ഒരുമിച്ചു ഹാപ്പി ബർത്ത് ഡേ..പാടി അഞ്ചുവിനെ വരവേറ്റു.. മൗനമൂകയായി അവിടെ ഒരാൾ മാറിനിൽക്കുന്നത് ആയിശുവിന്റെ കണ്ണിൽപെട്ടു അവൾ അവരുടെ അടുത്തേക്ക് ചെന്നു.. എന്ത്...പറ്റി... എന്തിനാ ഇങ്ങനെ മാറി നിൽക്കുന്നത് എന്താ മുഖത്തൊരു സങ്കടം. വായൊ..അവരുടെ കരംപിടിച്ച് ഒഴിഞ്ഞൊരു കസേരയിൽ അവരെ കൊടുന്നിരുത്തി ആയിശു... എന്താ..പേര്..? 'ആമിന' എത്രയായി ഇവിടെ വന്നിട്ട് പത്തൊപത് വർഷം കഴിഞ്ഞു മോളെ.. മ്മ്.." എന്തുപറ്റി.. കണ്ണൊക്കെ നിറഞ്ഞിരിക്കുന്നല്ലോ ഉമ്മ..കരയണ്ടാട്ടോ.. അവൾ..മെലിഞൊട്ടിയ അവരുടെ കവിളിൽ പതിയെ തലോടി.. അവരുടെ കവിളിൽ..ചുണ്ടുകൾ ചേർത്തു... അവർ ആയിശുവിന്റെ കയ്യിൽ സ്നേഹത്തോടെ മുറുക്കി പിടിച്ചു.. അപ്പോഴും കണ്ണുകൾ നിറയുന്നുണ്ടായിരുന്നു.. ആയിശുവിന് എന്തൊ..ഒരടുപ്പം അവരോടു തോന്നി അവളാ..ഉമ്മയുടെ അരികിൽ തന്നെ ഇരുന്ന് അവരെ സാന്ത്വനിപ്പിച്ചു കൊണ്ടിരുന്നു..സ്വന്തം ഉമ്മയാണെന്ന് അറിയാതെ ( തുടരും) കണ്ണൂർകാരൻ 🌹🌹🌹🌹 #📚 ട്വിസ്റ്റ് കഥകൾ #📙 നോവൽ #✍ തുടർക്കഥ #📔 കഥ #💞 പ്രണയകഥകൾ