#😇 જૂની યાદો #👌પ્રેરણાદાયક સ્ટેટ્સ #☺ જીવનની વાસ્તવિક્તા #✍️ જીવન કોટ્સ #✍ મારી રચના પરિવર્તન પેઢીનું (The Last Generation) ​ ​શું તમે જોયું છે ? એ ચુલ્લાનું ચટાકેદાર શીરામણ-વાળું, એ ધમ્મર-ધમ્મર વાળું છાશનું વલોણું, એ સવારના પ્રભાતિયામાં વાગતી કાનાની વેણુ, એ ભાભીનું દિયરને તથા સાસુનું વહુને મેણું, શું તમે જોયું છે ? એ ઘરમાં કોઈ ટક-ટક કરતું વડીલ, એને મૂંગા મોઢે સહન કરતા સંતાનો, એ જમવા માટે પંગતમાં બેસતી કતારો, એ કપડા ધોવા ધમધમતો નદીનો કિનારો, શું તમે જોયું છે ? જો હા, તો તમે તે છેલ્લી પેઢી છો ! પણ ​જો ના, તો તમે ઘણું ચૂકી ગયા છો ! ​એ માથે ગરબો લઈને ફરતી નાની-નાની જગદંબા, એ કુંડાળા કૂદતી રમતી બે ચોટલાવાળી બાળાઓ, એ દોરડા પર ચાલતી નટડાની નાનકડી છોકરી, એ ફરતો ગરીયો હાથમાં લઈ લેતા છોકરા, શું તમે જોયું છે ? એ ગાડીના જૂના પૈડા ફેરવતા ટાબરિયા, એ રૂપિયા-રૂપિયાના કલરના બરફના ગોલાઓ, એ મદારીનો દેરાણી-જેઠાણીનો જાદુનો ખેલ, એ મેળામાં જવા છકડામાં ટીંગાતા મુસાફરો, શું તમે જોયું છે ? જો હા, તો તમે તે છેલ્લી પેઢી છો ! પણ ​જો ના, તો તમે ઘણું ચૂકી ગયા છો ! ​એ સાણસી લઈને ચેનલ ફેરવાતી બ્લેક એન્ડ વ્હાઇટ ટીવી, તેના એન્ટેના રિપેર કરવા છાપરે ચઢતા જુવાનિયા, એ રામાયણ-મહાભારત જોવા માટે જમા થતી ભીડ, એ પાણી માટે હેન્ડપંપ પાસે લાગતી લાઈનો, શું તમે જોયું છે ? એ ૨૦૦૧નો હચમચાવતો ભૂકંપ અને આંચકા, એ દુષ્કાળમાં ટળવળતા માના લાડકા, એ કોરોના કાળમાં પોલીસના પડતા ધોકલા, એ માસ્ક વિના દંડ ભરતા બહાના કાઢતા વેવલા, શું તમે જોયું છે ? જો હા, તો તમે તે છેલ્લી પેઢી છો ! પણ ​જો ના, તો તમે ઘણું ચૂકી ગયા છો ! લી: પ્રવીણકુમાર વાઘેલા